翻或不翻田？

在家附近租了一塊很小的田，田裏別人留下很多已經老了的青菜和野草，我播種之前該怎麽處理這塊田呢？


1，把田裏的所有農作物和野草用鐮刀割走、拔走或犁走，然後翻土、碎土、作畦。

2，把田裏的所有農作物和野草翻到土裏，讓營養回歸土地，做畦。

3，把田裏的所有農作物和野草用鐮刀割走，留根部在田裏腐爛，農作物和野草就在別處作堆肥，腐熟后撒囘田裏，不做畦。


這三種方式區別是1、2翻土做畦，3不翻土不做畦，盡量減低對土地的干擾。


哪個最好呢？


我比較喜歡 permaculture，請多多指教。

我個人建議:唔知之前的做過乜同種過咩,我會狠狠傷地一次,將所有雜物(根,石,垃圾,害虫)盡量清一次,跟住焗田,之後才加肥起畦種野!!

留名學野, 我地都想搞PERMACULTURE

香港o地環境, 有無 permaculture 成功例子睇睇借鏡呢 ?

4.
除去野草, 不要混入田中, 以免野草種子再長.
翻土, 掘深坑把老菜及菜根混入泥中做基肥, 加堆肥做基肥, 灑石灰, 作好田畦可用

我今日早都做咗“4“嘅動作，除草(包括收晒所有作物)，鬆土，加基肥，灑石灰，再過幾日，就可以重新種植春天嘅植物。

PACO 發表於 2015-3-1 13:56
我個人建議:唔知之前的做過乜同種過咩,我會狠狠傷地一次,將所有雜物(根,石,垃圾,害虫)盡量清一次,跟住焗田, ...

點焗田?

unknownk 發表於 2015-3-3 22:19
點焗田?

我會清石仔草頭,(菜頭,菜尾,要無病菌的可留低)!之後最好先燒一燒放入田,加花生麩及石灰,全部翻入泥土,加一次水,等佢發酵發熱!
跟住用大膠布蓋面,最好焗一個月,但想快都可以焗一星期睇睇仲熱唔熱,如果熱完都可以翻土起畦種野了!!

我可能有錯,只能作參考喔!! ****當然焗田只會做一次,之後就要靠自己養返好塊地了!!!

我覺得落肥料等於人吃葯吃補品，不一定要吃的。路邊的花草大樹都沒人落肥一樣長得很好。

sunflowerhk 發表於 2015-3-7 08:58
我覺得落肥料等於人吃葯吃補品，不一定要吃的。路邊的花草大樹都沒人落肥一樣長得很好。 ...

睇你種咩啦, 路邊花草唔係你既, 靚唔靚, 好食唔好食, 你都唔會理.
如果係瓜果自己種諗著自己食, 有落同冇落, 你自己可以試吓種兩棵用唔同方法比對吓, 到時你講返我哋知, 有咩分別

如果之前一手種咗較多食肥的作物，可能會引致營養不足！！即係等於你生長係香港同生長係埃塞俄比亞的分別，一樣都生存到！只是型態有所不同！！你自行選擇！！而且街邊樹木大多是花開花落，之後都是落回自己範圍嘅地方，肥力唔會太過流失，但作物唔同，你會收咗去食，咁佢仲點會夠養份？你明嗎？？