第一次種的小小收成

分享一下小小的收成...暫時得三粒，雖然細啲，但真的又香又出奇的甜！

去年復活節左近由買回來吃的曰本草莓挑出核來發芽 .... 一直到現才有 DD收成 ...

除發芽初期放在窗台曬日光外 ... 往後一直都係放在厨房一角同曬6500K正白光LED，用水種及後期部份轉基貭種植。

點解大左唔放露台
奇怪
有天然光唔食要食人造光
白光led 既光普唔o岩種植物!

因我家窗台光照不足同想以植物工場為基礎的實驗性質，只用室內環境，起碼全無蟲害

早期一段時間曾經用過Red, Blue植物燈，但効果點都無全光譜咁好 ...所以就一直用全光譜！

~嘩!!! 室內+水耕 ....掂晒

請問普通led是否全光譜？若否，全光譜led要幾多錢？士多啤梨好靚，好想試種

反自然制作品. 成本應該唔少.

24W 6500K白光 LED 燈條連火牛 淘寶貨 ....約 20蚊人仔
時間制 ... 淘寶貨 ... 約 20蚊人仔
營養液 ... 按日本山崎配方制營養液 ... 淘寶貨 ... 約 30蚊人仔 可開成1升濃縮並可兌成100升營養液，每次我用5升
3.5寸口 種植杯 (net pot) ... 淘寶貨 ... 人仔 1.5 一個，剛好放存大家樂红豆冰膠杯上
陶粒 ... 人仔28蚊一大袋 .. 呢度我估用左十分一到
後期有部份改基質，即椰衣溝蛭石 ... 又係約 10蚊人仔到
一個膠花盆 (用基質種時用) ... 曰本城 10港元

實惠層架 ... 現有 ... 只是佔用
草莓核 ... 吃草莓時留的，只發了六棵，之後一直分株到現在约二十多棵
膠杯乃飲完大家樂红豆冰杯、鴻x堂龜苓膏外買膠杯或礦泉水樽剪開 ... 所以當免費

最重要... 電費 ... 按 24W計，每日 16小時照 ... 一個月約 12 度電 ...種左近十個月，按一度電 1.1算，電費約為132港元

總成本 ... 算還可以啩

我今年一月中用曰本草莓挑出核來發芽成功, 生長極慢, 到現時得２片超超小真葉。窗台正東, 早上有幾小時照孟太陽光, 問題點解Ｄ 葉無綠豆咁大 ?