兜財樹爛根有得救嗎?

最近家中的兜財樹，樹葉一些變黃，另一些新生的葉K型，上網了解過後，應該是太多水爛根所致。因此，新註冊在此，希望尋求方法，救救這棵樹。

這棵樹是新居入伙媽媽送的，因此，十分珍惜，希望你們可給我意見。謝謝！

這樹怕冷, 冬天會休眠,應少淋水, 現在唯保持泥土稍乾, 希望佢復甦.

有無相睇呀?

我回去影相比你睇Maychow，十分希望可以救得番。

我這幾天番鬆泥土，想佢快D乾, 我摸過樹根，爛的只有一部分，另一部分是硬身, 應該未爛.

請問有冇得救？

有待指教...有冇人有處理樹木爛根的經驗?

Sorry 呀，我係新手， 我救唔到盆野，所以唔好意思呀，我都唔識答你，我只可以分享我經歷咋!
我五月買， 然後都好好地，天氣開始轉涼既時候, 問題出現啦，初初症狀同你一樣，然後D葉慢慢 "Der" , 直至全盆D葉 "der" 晒!
之後，我開始剪走D葉，諗住保住樹枝啦咁， 我只留幾片葉， 想睇下會唔會起番身, 最後當然無啦, 當我決定放棄治療既時候，我都想研究下佢個死因咁啦 "解剖"
我一手拎起樹枝感覺好輕，我根本唔需要扯，但唔算叫連根拔起，因為我拎起既時候D根斷晒， 佢都算係我第一棵樹，係我印象既樹根，應該好似個人參咁既款，但當我拎起樹枝既時候發現，佢D根好似頭髮咁， 好脆弱，好多，好幼，覆蓋成個盆，我然後又發現個盆底有幾塊 "發泡膠" 右一塊左一塊，但我唔知有咩作用!
呢個係我個人經歷!

http://hkplants.com/forum.php?mod=viewthread&tid=175646&_dsign=8067fd42&mobile=no

Maychow 發表於 2015-1-20 21:39
Sorry 呀，我係新手， 我救唔到盆野，所以唔好意思呀，我都唔識答你，我只可以分享我經歷咋!
我五月買，  ...

發泡膠係當塾底石之用, 令花盆D泥無咁易積水

按一吓樹幹底部, 睇吓淋唔淋, 有冇空嘅感覺, 如果有以上徵狀, 神仙難救, 唯一可以做的, 就係繁殖.

如果係我, 我會:

1, 不要翻土弄根, 根糸已有問題, 如果再翻土, 傷咗其餘冇問題嘅氣根, 死得仲快.
2, 將黃葉, 冇生氣嘅葉剪掉, 以減低樹木嘅負擔, 放係通風, 有光的地方, 不能被太陽直曬.
3, 盡快繁殖.

祝好運.

I see ! 我初初以為想呃我D泥添! 嘿嘿 silly

matedragon 發表於 2015-1-20 22:52
按一吓樹幹底部, 睇吓淋唔淋, 有冇空嘅感覺, 如果有以上徵狀, 神仙難救, 唯一可以做的, 就係繁殖.

如果係 ...

Wao ! 終於有人識回答，多謝先, 我都想學下野, 以你經驗， 其實點解會有這個問題發生？ 種呢D樹要注意D乜?

謝謝你們的意見！我會試試matedragon 的方法！我試過問d 園藝鋪既人，有d 就話冇得救喇，等佢自己慢慢死，有d 就認都唔認你，可能覺得最好幫佢買過一棵算，教識你便沒生意做。

matedragon 發表於 2015-1-20 22:52
按一吓樹幹底部, 睇吓淋唔淋, 有冇空嘅感覺, 如果有以上徵狀, 神仙難救, 唯一可以做的, 就係繁殖.

如果係 ...

其實...我棵樹是放在天台的，我知道這樹不宜放天台, 但是我入伙媽媽買的, 她是節儉的人, 都買這棵超過$100的植物，自已人手送來我家, 我很感激, 所以先想KEEP住佢。

我家中有貓貓, 因此, 不可將樹放入室內, 如果唔係, 所有葉都會比佢抓爛晒。

棵樹在天台一直生長都很好，D 葉生得好大塊, 爛根應該是我淋得太多水所致，因先前不知道不可以每天都淋的。我模過Ｄ根，我估有1/4 是淋淋地, 大部分都是硬身的。

我一直把樹放陽光不是很猛的角落，最近下雨不想太濕，我用了膠袋包著個盆，希望不會令泥土太濕。

這幾天，爛的根好像乾了，亦再沒有蚊滋似的昆蟲附係爛根的位置，因多日沒有水, 我晚上回去用噴壺濕一濕D 葉, 不知道有沒有用, 但我問過一些賣植物的人，她教我的。

我會照住你的方法，希望會好起來吧！謝謝你呀!

Maychow 發表於 2015-1-20 23:00
Wao ! 終於有人識回答，多謝先, 我都想學下野, 以你經驗， 其實點解會有這個問題發生？ 種呢D樹要注意D乜 ...

其實我冇種兜錢樹, 不過此樹係福祿桐的其中一種, 我有少少種其他品種的經驗.

此樹不宜太陽直曬, 要通風, 水要乾透再淋, 如果唔係, 氣根長期濕, 會透唔到氣, 更會爛掉, 冬天凍, 樹進入休眠, 可以乾透後, 再延1, 2日再淋, 淋水要淋透, 植料要通氣為宜.

因為乾透再淋, 植料可能會板結, 水會從隙中流走, 此時, 應該重複淋水, 直至植料吸收水份, 如果唔係, 會缺水而死.

我用以上方法, 已經甚少死亡, 因乾透再淋, 有時, 時間把握唔好, 植物缺水, 枝葉垂下, 如果時間唔係太久, 通常淋水後, 幾小時後, 植物會恢復生氣.

總之, 寧缺莫濕, 缺水可以輕易救活, 常濕, 九死一生.

littleturtle5 發表於 2015-1-21 09:43
其實...我棵樹是放在天台的，我知道這樹不宜放天台, 但是我入伙媽媽買的, 她是節儉的人, 都買這棵超過$10 ...

如果放在天台, 耍放在有遮陰的地方.

不要被貓抓或食, 福祿桐有微毒.

雨天, 最好移至遮雨的地方.

因根系有問題, 現在只靠部分冇問題的根來輸送養份, 噴水是可以的, 但不用直噴葉面, 應以噴霧方式, 噴在植物周圍, 以增加濕度, 植物可從空氣中吸收水份.

種植方法可參考前一帖, 而家不要淋水, 等土乾透, 睇下有冇起色, 等待之餘, 可試繁殖.

別客氣, 祝好運.

matedragon 發表於 2015-1-21 12:14
如果放在天台, 耍放在有遮陰的地方.

不要被貓抓或食, 福祿桐有微毒.

HI, 謝謝你的建議!

請問如何知道泥土是否乾透?

另如果落雨時萬一趕不切回家收起棵樹，泥土濕了，有甚麼方法令泥土快些乾?

littleturtle5 發表於 2015-1-21 12:20
HI, 謝謝你的建議!

請問如何知道泥土是否乾透?

可以靠經驗, 如經驗不足, 可到2蚊店買一些竹籤, 將竹籤從盤面慢慢小心插至盤底, 等5分鐘, 再抽出, 睇吓是否仍濕, 如乾可淋, 如濕再等.

出門前, 上網睇天氣報告, 如果有可能下雨, 移至遮雨的地方, 反正在沒有太陽直曬的地方, 此樹都活得很好.如果直的濕了, 放在通風的地方是唯一的方法, 別用奇怪方法令泥土快些乾, 如用風筒吹, 放冷氣機旁吹, 因不適應溫差的突變, 會出問題的, 嚴重可能死亡.

matedragon 發表於 2015-1-21 12:47
可以靠經驗, 如經驗不足, 可到2蚊店買一些竹籤, 將竹籤從盤面慢慢小心插至盤底, 等5分鐘, 再抽出, 睇吓是 ...

好的，等我番去試下先！

福祿桐真係幾難種得好, 我種過幾盆都係攪唔掂, 我都想再買黎試下

littleturtle5 發表於 2015-1-21 09:43
其實...我棵樹是放在天台的，我知道這樹不宜放天台, 但是我入伙媽媽買的, 她是節儉的人, 都買這棵超過$10 ...

膠袋套盆, 由盆底包到盆上面?