種在窗邊的小果園

年初因為天氣太冷，又經常天陰有雨，原有嘅車厘茄開咗好多花都結唔到果，結咗果嘅又一直都唔大，之後仲有白粉病，搞咗一個星期見佢好似無晒事咁咪剖藥，點知幾日後發覺佢又有白粉病，仲畀之前更嚴重，唔想再搞，忍痛掉咗佢，重新重過。
所播嘅種子都有發芽，但成個月都無真葉，無幾耐就開始消失，撥開啲泥見到有一條條嘅線蟲，將啲未死嘅苗沖洗後放喺開淡咗嘅洗潔精水浸，半個鐘後都仲見到啲蟲喺度游水，換水再浸依然好生猛，唯有再次忍痛掉咗去，重頭嚟過。
第二次播種時已經係4月，仲算平平安安咁長咗好多棵車厘茄及草苺苗

車厘茄、草苺

哩棵草苺因為之前係隔住窗，所以比較弱

草苺

5月播黃珍珠，只得一棵苗成長，但支節比較長

車厘茄、黃珍珠

8月初再播黃珍珠，又係一棵成長

黃珍珠

9月初播 gogogo2 分享南韓草苺，有5粒生咗根，即轉落泥種，但一直都唔見影

南韓草苺種

早排試圖撥開啲泥睇吓係咪有線蟲啦，點知發現乜都無，連粒種子都搵唔到
另外未出根嘅亦分開落泥種，但兩日後就出咗1棵苗

唔知係咪氣溫涼咗，黃珍珠都係兩日就發芽
花仙子嘅白草苺無論喺乜嘢氣候播種都係唔出苗
所有蕃茄都有花芽，好多係早一、兩個月前出嘅，但唔見有花，只有花托，唯最近出嘅花芽就有花，亦開咗花，希望會有豐收啦。

哈哈我d種子生命力強過花仙子果d
你d strawberry發芽率高我好多, 我得一粒發到芽, 出左第一片真葉後我去左4日旅行, 返黎佢就L左喇
天氣開始涼, 祝你棵草莓快高長大
我試過種rosemary, 四季豆etc 因為泥太濕, 浸梅左d種子溶左落d泥度.
窗台種野好有難度, 你d番茄算種得好好, 我種果d一味長長長....

gogogo2 發表於 2014-9-25 21:55
哈哈我d種子生命力強過花仙子果d
你d strawberry發芽率高我好多, 我得一粒發到芽, 出左第一片真葉後我去 ...

你講得啱咊，我分兩次播種，第一次有五粒生根，第二次連埋今日剛露出頭有兩棵，即係有超過50%

今日唔份氣，再播開啲泥搵吓啲種子，哈....又畀我搵番兩粒，不過其中一粒條根唔見咗。

黃珍珠兩日就發芽，好勁啊 ~ 平時發番茄種子，坐底一星期以上先見有動靜。

xx_Luca 發表於 2014-9-27 00:58
黃珍珠兩日就發芽，好勁啊 ~ 平時發番茄種子，坐底一星期以上先見有動靜。 ...

之前嗰幾棵都超過一星期架，係今次哩棵至係兩日咋

今早見到 gogogo2 嘅韓國草苺有三棵苗，最早嗰棵仲見到真葉添

黃珍珠、草苺苗

棵黃珍珠苗都有真葉喇

隔咗一個星期，黃珍珠苗高大咗好多，仲長咗兩塊真葉

苗

南韓草苺共七棵苗，有三棵出咗真葉
白草苺依然無動靜
黃珍珠已經有菓，都唔明喱棵黃珍播種係遲過啲車厘茄，但係就比車厘茄早結菓

黃珍珠

車厘茄開咗好多花喇，等結菓

車厘茄

今日見到棵黃珍珠有一朵花同其他唔同，所有蕃茄嘅花都係五瓣，但哩朵花係六瓣

草苺都見到有花，仲係開雙添

草苺

黃珍珠已有部份果成熟咗，唔知係咪太多花，啲果體形同佢個名一樣，珍珠咁細粒，味道唔錯，好重蕃茄味，層皮就好"鞋"

草苺有好多花，每一支莖都有唔止一朵花，有一支仲有三朵花添呀

樣樣都種得好靚

ling2012 發表於 2014-11-17 09:30
樣樣都種得好靚

多謝讚賞

唔知喺咪黃珍珠放室內種會生得高啲，你睇番佢之前同車厘茄差唔多高，依家高到.....我剪咗頂添呀，如果唔係都唔知高到點囉

哩棵有成百幾朵花，唔知係咪花太多所以啲菓特別細個，還是佢菓如其名

個車厘茄同黃珍珠放埋一齊，大細相差好大呀
哩棵係9月尾至播種嘅，依家都長到咁高喇，咁開緊花添。佢係放室外，啲枝節相比室內嗰兩棵係明顯無咁長

諗諗吓....生到咁高，黃珍珠都係唔啱我種，遲啲等佢結完菓之後唔要喇，會送畀人，你哋若有興趣話我知，到時留畀你

9月尾播種嘅草莓上盆喇

gogogo2嘅南韓草苺啲葉比不知名嘅草苺較大塊
不知名草莓生咗好多花莖，每條花莖都有超過4朵花，部份已經結緊菓
因為生長得太密，阻礙啲花莖生長，所以要幫佢瘦身

瘦身後啲花莖伸展得好好多

因為唔知道發芽率有咁高，多咗好多出嚟，差不多送哂畀街坊、朋友，尚有一棵未送出，有無人要

長型盒嗰盆未送出，係下圖嘅品種

已經送出咗喇

唉 ! 唔小心剪咗帶菓嘅莖落嚟，就食得架喇，好肉赤呀 !

依家插咗喺另一盆度，都唔知生唔生

努力的成果.....

Daisy57 發表於 2014-12-30 18:38
唉 ! 唔小心剪咗帶菓嘅莖落嚟，就食得架喇，好肉赤呀 !

依家插咗喺另一盆度，都唔知生唔生 ...

請問daisy57 師姐窗口向咩方向呢?

How long is the sun light at your house during the day?  My house have only sunlight up to 10:00 am.  Do you think I should put lamp to help planting vegatables or it is impossible to grow at indoor.  

哎
西南位
簡直係室內種植既天堂!

It needs more fresh air to keep away for worms.