大家好！阿妹我幾個月前係門口種左三盆羅勒，而家死淨一棵
於是打算，要玩就認真D！買個四個種菜盆！

上個星期培左苗，分別有茄子、士多啤梨、車厘茄、莞茜、薄荷葉
係時候要發酵D泥，花生麩、骨粉同泥都有啦，
但係做左好多research之後都有D疑問，
希望大家可以以大家既經驗教下我！

1. 發酵
A. 容器
第一樣，最重要既！究竟發酵係咪要同密封既容器？
如果我直接係個種菜盆到發酵再用木板蓋住得唔得？
但係聽講發酵既時候會有味，係咪最好密封？
係唔係一定會有虫架...

B. 時間
發酵幾耐先可以開始種呀？

2. 椰泥
之前上網睇過椰泥可以就咁用，
但係去到買泥個時個老闆娘話椰泥只可以墊底或者溝泥用...
唔知係唔係椰泥平所以佢想氹我買多兩包泥。
咁其實椰泥係點用架呢？

3. 份量
四個種菜盆拼埋大概係 D40 x L120 x H20 cm
老闆娘話一個盆至少要10L泥，所以買左40L泥同一磚椰泥，
如果如佢所講椰泥要溝泥既話，個比例係幾多？

4. 肥料
老闆娘教我種菜同種瓜，落既花生麩同骨粉比例都唔同
但係我種茄子、士多啤梨、車厘茄、莞茜、薄荷葉咁多唔同種類既野
我D泥洗唔洗分兩份黎溝呢？

5. 陽光
是咁的，我個菜盆將會放係屋出面，
個個位可以話係由朝到晚都有太陽晒住，
係咪有需要買遮光既黑布去隔一隔呢？
同埋有聽過話最好朝早同日落先淋水，較易吸收。
而正午淋水就會扯乾晒D水，究竟係唔係呢？


暫時問住咁多先！唔該晒！

xx_Luca

或者你先講講你買左邊隻泥啦，因為有些泥本身已經有肥，開始時唔需要再加肥料的。
有些泥本身鬆d，唔需要再溝疏水料。如果好似我用緊的黑泥，本身幾實下，就要加入疏水料，椰糠/椰泥係其中一個選擇。

jack872184

發酵D泥?Never heard of this 0.0
And as mentioned above, maybe you can tell us what kind of soil you have bought

344a

樓主買得培育土，就可以立刻用了，棷糠我用緊，我暫時種嘅嘢都只系齋用棷糠，或棷糠加碎石，暫時都ok，所以你問比例幾多，真系應該冇一定。

其實我仲新手過樓主，所以冇乜可以講你知，但我要提提你，花生麩落泥係會燒根，你好大塊田可能冇咁易燒到植物根就冇所謂，但在盆裏面就死硬。  而且，花生麩好引蚊蟲老鼠之類，佢地最終都會搞到植物，用時要小心。

silicon

1. 家居其實唔係好建議製造堆肥，會引來昆蟲，而且處理不當會有很大臭味，會遭至鄰居投訴
2. 椰泥基本上不含肥及疏水程度較培養土好，所以若單用來種植香草之類，或需肥量較低之作物都可以單獨使用
3. 視乎你買的培養土疏水度及是否含肥，另栽種的是何種作物，例如根部作物（蘿蔔）相對葉菜類，前者疏水度要高，後者要較保水，所以操作上混和比例都有很大分別
4. 植物需求最大是氮磷鉀三要素（當然都需要次量及微量元素），簡單來說，氮for出葉，磷for開花結果，鉀for根部生長果實膨大，所以施肥時按植物生長階段或其望收成目的，適當地添加相對要素。花生麩主要含氮成份較多，骨粉主要是磷
5. 大部份農作物都需要充足陽光，反而加遮光會影響其生長；但也要視乎栽種何種植物， 例如怕熱的香草，在盛夏時需要稍作遮陰，使其順利渡夏
澆水最好時分，是以水的溫度與泥土溫度或氣溫較接近為佳，盛夏時，一般早上或黃昏時分是較好，但到冬天時，有陽光時間澆水會較好。但有時也要權行當時環境，例如是盛夏中午時分植物已軟垂缺水，這時也要給她補充水分，否則乾等至黃昏時才澆水，植物可能已一命嗚呼返魂乏術了

344a

silicon 發表於 2014-9-4 18:05
1. 家居其實唔係好建議製造堆肥，會引來昆蟲，而且處理不當會有很大臭味，會遭至鄰居投訴
2. 椰泥基本上不 ...

打蛇隨棍上問一問師兄，我系用棷糠種香草之類，如果我想加有機肥，有冇乜嘢牌子系好用d，基肥和追肥有嗎?
Thx.

silicon

344a 發表於 2014-9-4 18:17
打蛇隨棍上問一問師兄，我系用棷糠種香草之類，如果我想加有機肥，有冇乜嘢牌子系好用d，基肥和追肥有嗎? ...

一般香草對肥份要求不高；甚至有人說，過多肥份令短時間過度生長，會令味道變淡。
可以留意肥料包裝裡元素含量比例一欄，選擇三要素較平均或氮鉀較多的已可。
施放份量可按說明減半，追肥間隔亦可稍為延長

344a

silicon 發表於 2014-9-4 19:24
一般香草對肥份要求不高；甚至有人說，過多肥份令短時間過度生長，會令味道變淡。
可以留意肥料包裝裡元 ...

Thx ching。