關於回郵我有話說

顯示全部樓層

我在園藝館是初哥一名，我想與大家分享朱頂蘭種根，開始時，不知有贈送分享版，只是上了"球根植物"發帖分享，可能因為版塊關係，要求分享的花友不多，我也沒有要求他們回郵，只是要求他們把郵費入我戶口，直接寄給他們了，而我十分重視包裝盒的可靠性，花友們都安全地收到了種球，大家高興；今次上了贈送分享版，與大家分享種根，因為要求分享的花友較多，我沒有這麼多合適的包裝盒（物）所以要求大家作回郵，當我收到包裝盒時，有些花友令我感到失望，明知植物不能受壓，他們卻準備用軟紙盒（鷹粟粉盒），薄膠盒（草莓盒）⋯等來作包裝盒，如果你收到的球根變成了草餠怎麼辦？我不得不替他們再尋找包裝物，這次經驗，使我以後再作分享，我不會收回郵，而是要收收包裝費，保証植身安全。

sfish · 發表於 2014-6-30 19:33:37

不能認同你更多

carcheung · 發表於 2014-6-30 19:36:37

沒錯，真的要要好好保護花花

送出自己親生子女時，都帶望花花能安全到步。

多謝你的分享。

B17 · 發表於 2014-6-30 19:45:33

唔洗動氣，古靈精怪，乜款式都會有架

所以要寫清楚你既要求，類似咁：
．不是硬盒將不獲分享，硬盒size大約於6cm長，3cm闊，1.5cm厚，厚不可大於3cm
回郵比較適合體積不大物件，朱頂蘭都係收郵費，直接寄出，較穩陣

Eva47 · 發表於 2014-6-30 19:52:40

B17 發表於 2014-6-30 19:45
唔洗動氣，古靈精怪，乜款式都會有架
所以要寫清楚你既要求，類似咁：
．不是硬盒將不獲分享，硬盒size大 ...

多謝經驗之談，下次知道了。

heiheimama · 發表於 2014-6-30 20:15:10

其實好多人都沒有留意郵寄包裝的問題，我都已經慣了，所以我每次都不收盒，自己出埋包裝算。當然，花友們都不是惡意的，只是大意吧。

Eva47 · 發表於 2014-6-30 20:27:41

heiheimama 發表於 2014-6-30 20:15
其實好多人都沒有留意郵寄包裝的問題，我都已經慣了，所以我每次都不收盒，自己出埋包裝算。當然，花友們都 ...

因為是第一次，沒有經驗，下次知道了，我只是擔心種球被壓壞，我從你處分享過蘭花小苗，深知你是惜花之人，當正它們是你的子女，同理，我也不想它們傷到傷害，來分享的花友，應該也是惜花之人，可能只是考慮不週，他們應該也能理解我們的心情。

dincat · 發表於 2014-6-30 20:59:11

本帖最後由 dincat 於 2014-6-30 21:00 編輯

這裡大家都是園藝愛好者，想分享植物，開枝散葉
講我另一個經驗，申請別人分享的種子，收到時信封內只有一小膠袋裝住細細種子，大部份種子已壓得粉碎，這是信封被分信機輾過，種子無保護下被壓扁了，很心痛。

寄出種子也需要好好保護，方法有多種，又不用花錢買汽泡紙
1. 十字花科的小粒種子，可用幾塊廢紙皮三文治式夾住
2. 大粒種子（秋葵，豆）可放入飲品膠樽蓋內保護

Eva47 · 發表於 2014-6-30 21:14:51

dincat 發表於 2014-6-30 20:59
這裡大家都是園藝愛好者，想分享植物，開枝散葉
講我另一個經驗，申請別人分享的種子，收到時信封內只有一 ...

經驗之談，下次如有種子分享時要記得。

B17 · 發表於 2014-6-30 22:00:14

上次寄日日春種子，先用紙包住，外面再包紙巾，再用膠紙黐係信封中央
呢個位自動揀信機應該轆唔到

quen · 發表於 2014-6-30 22:29:46

之前分享植物我都要求用回郵方式, 收回來盒子有大有細, 也有軟盒(可能花友沒有細閱我的要求)
後來多數要求存入郵寄及包裝費到戶口, 可以盡快寄出, 確保新鮮

wendy_choy_hk · 發表於 2014-6-30 22:52:32

你不是第一個遇到這種問題,有分享者寫明鐵盒都有人寄紙盒. 名又唔寫清潔都有.
你下次再分享要寫明你的要求, 佢地都係寄紙盒,你唔使理佢地,幫佢地拋落環保箱.

我要考慮吓,再有花友唔聽話,就短暫禁佢地言
花友同唔同意?

Eva47 · 發表於 2014-6-30 23:05:34

quen 發表於 2014-6-30 22:29
之前分享植物我都要求用回郵方式, 收回來盒子有大有細, 也有軟盒(可能花友沒有細閱我的要求)
後來多數要求 ...

如你所説，都是收錢入數直接寄出為好。

quen · 發表於 2014-6-30 23:11:40

Eva47 發表於 2014-6-30 23:05
如你所説，都是收錢入數直接寄出為好。

每人做法都吾同, 我選擇了適合自己的方法

lok_1980 · 發表於 2014-6-30 23:19:42

禁言好似嚴重左,可以只禁參與分享版嗎?

darrendarren · 發表於 2014-6-30 23:23:59

言論自由不能禁，建議扣分。

faye00 · 發表於 2014-6-30 23:37:55

dincat 發表於 2014-6-30 20:59
這裡大家都是園藝愛好者，想分享植物，開枝散葉
講我另一個經驗，申請別人分享的種子，收到時信封內只有一 ...

我都試過申請別人需要包裝費的分享
得來的只是小zip袋裝住裂哂既種子

非常失望

zip袋毫無保護作用, 只不過可防止水份外流
懇請大家注意了

B17 · 發表於 2014-6-30 23:53:53

又唔需要禁言嘅，取消資格已經係懲罰，分享者最好出帖說明原因，免除爭拗

另外重有其他問題：
1. 總係有申請人出帖只得自己個名，唔跟隊排，好彩下一個都會幫手排番。通常我會將佢地擺到最後先考慮，亦即係話好大機會分享唔到

2. 有D人申請之後會失去聯絡，唔知有冇寄出回郵，呢D一到限期就會取消佢資格。我覺得呢一類，一經投訴，版主可以扣佢分，以示警戒。

Eva47 · 發表於 2014-7-1 00:33:23

wendy_choy_hk 發表於 2014-6-30 22:52
你不是第一個遇到這種問題,有分享者寫明鐵盒都有人寄紙盒. 名又唔寫清潔都有.
你下次再分享要寫明你的要求 ...

我就是經驗不足，不過我是對事不對人，希望借此引起大家對包裝物的重視。

wendy_choy_hk · 發表於 2014-7-1 00:42:46

我都唔係想做到甘嚴,但太多火星人.
1. 禁言好似嚴重左,可以只禁參與分享版嗎? >>好似冇得禁一個版
2. 言論自由不能禁，建議扣分。冇得扣分. 仲有關乜言論自由,係唔守法問題.
3. 有D人申請之後會失去聯絡，唔知有冇寄出回郵，呢D一到限期就會取消佢資格。我覺得呢一類，一經投訴，版主可以扣佢分，以示警戒。你地要通知我,我先做到野. 有花友投訴過有花友失去聯絡. 我都有跟進. 我唔係一野就禁佢,但要佢解釋原因. 如果理由合理,我唔會禁佢言,仲會比多1次機會佢.