森樹 用盡方法都救不了???

森樹 用盡方法都救不了???

已經用左 壓縮噴霧, 噴霧式,  辣椒水, 蒜頭水, 再換泥
之後都係好多蚊之

然後我再用水浸左幾日, 再放番入泥,

依家棵森樹已經甩哂葉,
其實係咪已經無得救?

張相已經係甩左一半既時候影架喇~

如果枝條未枯或根未爛仲有得救
首先,你應該一早上來問,不斷用各種方法亂試,好易搞死
蚊之問題,首先,你盆植物剛買回來?你有無用肥料?固體肥定液肥?有機肥?
蚊之問題係幾時出現?果排你對棵植物做過D咩?例如換盆?換泥?落左古怪的肥料?

我用水種，都無咁情況，仲可以有分支插水成功啊，你究竟做過啲乜呀？

如果樹幹/枝條仲硬身, 有得救.

chan1988 發表於 2014-6-10 22:06
如果枝條未枯或根未爛仲有得救
首先,你應該一早上來問,不斷用各種方法亂試,好易搞死
蚊之問題,首先,你盆植 ...

用液肥, 有蚊可能係我淋水太密, 有落過小量蛋殼

我浸完水之後見D表皮都浸到甩埋,係咪叫爛?

keroppihung 發表於 2014-6-11 03:38
我用水種，都無咁情況，仲可以有分支插水成功啊，你究竟做過啲乜呀？

分支插水 依家做係咪已經無用? 係咪一定要有葉先可以分支?

有冇check過D根？如果根未爛應該仲有得救。

warren0713 發表於 2014-6-11 13:57
用液肥, 有蚊可能係我淋水太密, 有落過小量蛋殼

我浸完水之後見D表皮都浸到甩埋,係咪叫爛? ...

蛋殼有無洗乾淨D蛋汁先落?

chan1988 發表於 2014-6-11 14:58
蛋殼有無洗乾淨D蛋汁先落?

有呀~之後曬乾整碎到好細粒

身邊有無其他植物?
如有，剪去植物既枯葉枯枝 (數塊就ok，不用太多)
用火燒，燒到焦黑，
然後係呢棵森樹盆面挖一個窿 (接近根部一點也沒問題)，
將燒好的枯葉枯枝放到窿內，澆一點點水，
由於蚊之不喜歡這種焦味，過幾天，牠們就會離開。

warren0713 發表於 2014-6-11 15:00
有呀~之後曬乾整碎到好細粒

壓縮噴霧, 噴霧式? 你指緊殺蟲水?

紫菜豆腐湯 發表於 2014-6-11 15:06
身邊有無其他植物?
如有，剪去植物既枯葉枯枝 (數塊就ok，不用太多)
用火燒，燒到焦黑，

有空試試先~~~

所謂蚊滋，會唔會係有翅嘅蚜蟲呀？小心檢查嫩葉，有無受蚜蟲感染啦。如果受蚜蟲感染，可嘗試用尿素＋洗衣粉＋水(接4:1:100)噴灑，效果唔錯。我試過一度由「金蓮翹」組成嘅籬笆被蚜蟲感染得非常利害，樹葉變黃變黑，而且有很多嘅所誚蚊滋(有翅蚜蟲)在植物間徘徊，結果都係用上述方法，將佢搶救過嚟，回復生氣。

尿素是什麼?在邊到買到?

尿素係白色結晶，白色無味，除咗有防冶蚜蟲、介殼蟲、紅蜘蛛等害蟲外，重可以使植物變得翠緣Ｄ。花墟園藝店有售，50蚊一大包。我在噴灑尿素前，曾經多次噴「清源保」，可惜一點作用都無！