新手種四季蘭

本人第一次種四季蘭,請問用甚麼植料種四季蘭和怎樣種它？

蘭石即可，大粒放盆底至盆的三分一，然後開始用細一至兩號0既蘭石繼續鋪到上盆面~
室內種等蘭石泛白淋水，室外夏天要遮陰，兩日黃昏淋一次~
不過依個係我0既方法，希望有其他大大指正

如果你剛買回來，佢用開蘭石種的話，我就不建議你咁快換植料。個人經驗用純蘭石種有利控制，如水份，養份，消毒等等。
蘭石多小與混合方法因環境而異。用小粒的中式蘭石可以快乾D，減低因太濕而爛根。日式的就保水力較佳，但好容易發霉。。。。

我用日本蘭石。沒發霉。但係生青苔。之前落雨天至少四五日先乾。但而家每朝日出至上午11時晒得好正。前一晚淋完第二晚就見個面乾晒。不過第二晚唔淋。隔一日先淋。驚裏面未乾透。晒唔晒到太陽會差好遠。所以睇佢乾唔乾來決定幾耐淋水

弘安 發表於 2014-6-10 00:40
我用日本蘭石。沒發霉。但係生青苔。之前落雨天至少四五日先乾。但而家每朝日出至上午11時晒得好正。前一晚 ...

其實入面仲好濕。我都用緊日本蘭石。但發覺中式蘭石適合自己多D。
你的蘭花有無抽葉芽？

近年改用日本蘭石種,一星期淋2次沒有大問題. 我覺得重點是淋水不要淋濕蘭頭. 若通風不好很容易瀾心.

可以用泥種嗎？我買這棵四季蘭回來的時候,是用泥種的

一定不可以用泥種，用泥種的過就要減少淋水之數了

霽月瀛台 發表於 2014-6-10 09:02
其實入面仲好濕。我都用緊日本蘭石。但發覺中式蘭石適合自己多D。
你的蘭花有無抽葉芽？ ...

所有國蘭都係今年先開始種，兩棵四季蘭都係大約二月左右出咗新芽，而家３個新芽都已五六寸長了，還未有花芽出。一棵唔知咩蘭買番嚟己經有四個新芽，而家都有兩三寸長了。

弘安 發表於 2014-6-15 10:14
所有國蘭都係今年先開始種，兩棵四季蘭都係大約二月左右出咗新芽，而家３個新芽都已五六寸長了，還未有花 ...

咁比心機啦。種耐D明多D。

kelvin 發表於 2014-6-11 12:16
一定不可以用泥種，用泥種的過就要減少淋水之數了

國蘭本來就是地生蘭，可以用泥種，但難度高呀。