請問各位識種無花果嗎?

請問各位識種無花果嗎?我想下期種(10月),唔知氣候得唔得呢?
如果想用種子種,有邊度有得買呢?

我結果都買咗一棵試吓種

無花果其實是有花的，花是在果實入面
所以你遲點切開既時候可能會睇到

PACO 好！

你棵無花果好多果wor！ 請問在那裏買？ 多少錢？

呀！ 唔好意思，仲有問題想問：請問你那棵紫色的無花果是在那裏買的？ 因為我非常想買一棵！ 謝謝！

PACO問吓公主,佢之前有種架!

4# alsielee 我早２星期係屯門見到細細盆有果
既賣＄35.好平呀.

大家好！ 多謝大家關心！

我現有無花果2棵，1棵是全綠的, 另1棵是上綠下紫的，只欠全紫色的，所以非常渴求紫色無花果樹1棵！！！

種種下d果就會由綠色變紫色

有冇咁神奇呀？ 我果棵綠色無花果，D果熟到食得都只係淺黄色，並非紫色！！！

有冇咁神奇呀？ 我果棵綠色無花果，D果熟到食得都只係淺黄色，並非紫色！！！
alsielee 發表於 2009-10-19 12:57

唔通係有2種既
我果棵既果係會由綠色變紫色
之前係敢剪黎分枝送晒比花友...而家好細棵

我都有棵綠色的.....

akwok 好！

你嗰棵綠色無花果都好靚播(花果偕美)！
我嗰棵綠色無花果淨係識得向橫發展，似棵盆景多D!
我都想佢向高空發展！

曇花一現 好！

無花果當然係有好多品種架啦！

明仔好!
我都係第一次種無花果咋!
9月中體彬彬用咗210大洋買咗盤囉, 因為當時太熱棵嘢郁都唔郁....
而家天氣涼快應該好適合佢生長嘞!

曇花一現 好！
無花果當然係有好多品種架啦！
alsielee 發表於 2009-10-20 16:55

我棵無花果個樣

曇花一現 好！

你棵無花果似棕色無花果多過似紫色的，不過都很難下定論，因為影嚮果色的因素很多... ...
例如光照、水份... ...
但係你棵無花果就肯定唔係一般綠色(熟了變成淺黄色)的無花果！

我除了有1棵一般綠色(大陸品種)的無花果外，個多月前看了花園仔老師的無花果相片，便去繽繽買了盆來自荷蘭的無花果，但係只有1個果掛在樹上，顏色是上綠下棕的，似足花園仔老師的第二張無花果相片(2009-09-24-7)，由於上月雨水多，無花果在十幾天後便跌了，沒有變更深色！

但係前天看了花園仔老師的第三張無花果相片(2009-09-26-3)，我相信我這棵在繽繽買的無花果係紫色的機會又大了一些些！！！

無花果是落葉樹, 現在開始減慢甚至停止生長, 再遲些便會落葉休眠, 到春天又出芽長葉. 如果想插枝繁殖, 在立春後出芽前, 截枝插在沙土保濕便很快出芽出根,
如果母株在春季後已萌發樹液已流動, 插枝較難出根及易爛, 便要用圈枝繁殖.
果子或熟是看果身轉色, 果身變''淋''及''督''位是否打開, 例如''曇花一現''的圖, 紫色的是將要成熟但未得, 如果得的話, 督位, (綠色那個紅的)位置是會裂開的, 可以看到果肉. 完全成熟的果很甜, 可以鮮食或用來煲湯.
希望幫到大家.

18# ht333147


未熟無花果, 可否用來煲湯?

無花果好像需要有一種專門的蜂類昆蟲(不記得甚麼名字)來傳播花粉,怎樣確保它能成功受粉結果？