本帖最後由 神農侍 於 2014-4-28 10:04 編輯
歡迎金剛師兄參與討論
首先更正返﹐豬腸豆泰國人叫佢“Dok Khuen ”而 0吾係“Dok Chuen”
植物係好奇妙 0既﹐0係良好 0既環境下佢 0地會盡情 0甘舒展(孟加拉有棵榕樹﹐佢 0既樹冠覆蓋面積達到一萬平方米左右!) 0係環境欠佳 0既情況下﹐佢 0地又會委曲求全!上年我見到路邊一棵高度只有50厘米左右﹐樹幹直徑只有0.6厘米左右 0既宮粉洋蹄甲開花﹐本來以為係成株 0既根生芽﹐或者被斬左 0既成株樹頭發芽產生 0既錯覺﹐結果將佢掹起﹐發現真係一棵細小 0既樹。宮粉洋蹄甲一般可以生到6、7米高﹐但係呢棵「人細鬼大」0.5米左右就開花!最近 0既就講返我上個星“三種菊科植物”0個個帖﹐以蘇門白酒草為例﹐佢 0地可以生到200厘米左右高﹐但係有 0的只係10幾20厘米 0既一樣開花結果!
因此﹐師兄話“用盆由種子種起一直種到開花係無可能”呢個講法似乎太武斷啦!我認為花就開到﹐但係要好似網絡圖片上面 0既開得 0甘多同靚就好難啦!(難! 0吾代表做 0吾到﹐因為世上仲有其他接近神 0既人 )
至於壓條方面﹐呢種樹雖然可以生到好高﹐但係0的人 0吾會蠢到搵最高 0個棵﹐然後爬上樹頂玩高壓 0卦! 有 0的矮 0既植株﹐正常 0既成年人舉已經可以接觸到較低 0既開花枝條﹐用佢 0地來壓條真係連梯都 0吾駛!
但係呢 0的樹周圍都種有﹐自己用盆種又似乎真係多此一舉! |