我o既健身室怪事

好鍾意聽鬼古
由其係真人真事果D
有陣時問朋友有無咩奇偶
朋友又問 乜你見過咩 你見過果味野嫁
我話見過又好似味 好多時都係自己諗多左
咁姐係見過味姐
我講左你咪仲驚
咁你姐係見過啦 講黎聽下
人就係咁衰 越係怕聽又心思思想知
咁就講有一次o係彩虹道做 gym 怪事
好多年前因為貪果處有大怪獸 同小人去
所以好多時星期日一早去包場
某星期日早去到 感覺唔係咁好
望入去 有D陰沉
拉完根 企上 Stepper 做 warm up
有三個 Stepper 我用左面果個
話明係 warm up 唔知點解
一路都係寒寒地 有壓迫感係入面角位湧出
响鏡望過去 無野吖
望住塊鏡 隔離個 Stepper 突然吱左一聲
再望住塊鏡 我後面塊鏡反映
Stepper 左腳踏微微向下移左一下
唔通我眼花 再望住個脚踏 真係微微向下郁緊
當時諗 可能係個油壓鬆左先會咁...
無理佢 踩都咁上下 去玩大怪獸
玩左無耐 有個緊身衣私奶入左黎玩
一入黎就去踩 Stepper 佢踩我頭先踩果個
我先無再望鏡 費事以為我望佢
唔理啦 玩夠就走人...
再過左一個禮拜 再去過 不過諗返起果件事
好 就大膽D去睇下個腳踏係唔係壞
果日晏D去 不過落雨天 應該都唔太多人去玩...
入到去無人 頂 又係果種陰沉壓迫感覺
今次都係唔玩 Stepper
心諗 我唔理你 你又唔好黎搞我
拉完根 走去玩大怪獸
一路玩一路都覺得比野監視咁
果陣時真係好想肥私奶黎報到...
玩到咁上下夠鐘要走
心諗無事喎 係自己諗多左姐
就行左去 Stepper 附近空位做 cold down
對住塊鏡 反映住後面 Stepper
心諗 應該整返好啦掛 一路拉根一路望 無野吖...
就响我起身準備攞袋走之際
吱一聲 我即刻望一望 Stepper 果邊
又係果部... 一邊腳踏慢慢咁向下 好似踩緊落去咁
心諗 唔 係 呀 嘛...
Sorry 我知你响處啦
拿拿聲走去更衣室沖涼走人...
果日入到更衣室 都覺得長方形沖涼房最入面個格
好似暗得有D古怪...
好彩果時夠鐘清場 有人入黎沖涼
唔係就唔知會唔會又有野睇...
跟住過左一排 知道場館大裝修都無去
再去果時 Stepper 已經換晒
同埋無左大怪獸 覺得唔好玩
不過個場光猛左 已經無左果種陰沉感覺...
PS. 大怪獸係複合式健身器械組合

嘩! 大怪獸好舊law 喎, 我覺得TST d 器材唔錯, 幾適合人體, 唔易因用力而整到自己.
不過果陳地板味真係好law命...... 唔知有沒毒tim呀

甘恐怖, 裝修下都好既!

原帖由 蛀米虫 於 2008-7-21 14:44 發表
嘩! 大怪獸好舊law 喎, 我覺得TST d 器材唔錯, 幾適合人體, 唔易因用力而整到自己.
不過果陳地板味真係好law命...... 唔知有沒毒tim呀

甘恐怖, 裝修下都好既! ...

好耐都無去TST啦, 多數都係去花園街北河街, 搵日去下先!
花園街前排整完地板都好臭, 而家好D, 應該唔會有毒掛,
你估佢地唔驚比人告咩!   
彩虹道以前個場真係幾寒嫁! 不過都好耐無去lu!
有時間交流下健身心得啦!

[ 本帖最後由 freddywongdy 於 2008-7-21 15:16 編輯 ]

最近我想去下大角咀, 果度好似新裝修過喎! 我諗會多野玩d.

原帖由 蛀米虫 於 2008-7-21 15:19 發表
最近我想去下大角咀, 果度好似新裝修過喎! 我諗會多野玩d.

近排無乜去大角咀, 有D隔涉, 同埋D機種玩唔慣,
不過用黎練大隻o既話, 果處D機都做到好多部位.
果處新開到而家我次次去都聞到果陣味, 你去下就知! he~

下! 甘興有陳味
我最想收左個肥腩

[ 本帖最後由 蛀米虫 於 2008-7-21 21:54 編輯 ]

原帖由 蛀米虫 於 2008-7-21 17:31 發表
下! 甘興有陳味
我最想收左個肥腩

係一場百年抗戰啦! 你要下定決心, 小食肥膩垃雜野, 汽水人做果汁唔飲得!
將每餐比例"慢慢減小"! 食量比例係早餐70%午餐80%晚餐60% (要就飽又未飽果種感覺)!
多菜小肉, 做帶氧運動同重力訓練係70%:30%, 多飲水! 有恆心o既話3個月就可以見成效!
做完gym要過起碼一個鍾後先好食野!
我以前界口界得好清, 都幾辛苦嫁. 鬼叫以前為食咩!  
記得如果你年紀大就要小心, 唔可以心急! 最好請教醫生!

雖然年紀唔細, 但都有玩開一段時間, 不過停左成年, 激肥......
我有個唔係幾好既習慣, 一食就食到飽到想死果種, 我估都係引至肥腩既主因!  慘!
通常早餐我食得比較豐富, 午/晚就睇情況, 如有節目就大食lu......

[ 本帖最後由 蛀米虫 於 2008-7-23 20:16 編輯 ]

原帖由 蛀米虫 於 2008-7-22 11:34 發表
雖然年紀唔細, 但都有玩開一段時間, 不過停左成年, 激肥......
我有個唔係幾好既習慣, 一食就食到飽到想死果種, 我估都係引至肥腩既主因!  慘!
通常早餐我食得比較豐富, 午/晚就睇情況, 如有沒節 ...

人始終有運動好D, 對身體唔多唔少都有益處o既!
不過唔响飲食方面調節一下, 咁就做幾多運動都無保於事啦!
就由今日開始改變一下你o既飲食習慣啦!

我今日去開深水步, 順道也參觀過北河街, 看來都很新淨, 不過比起大角咀細左少少, 但見佢有個boxing room, 可惜看不到裡面, 參觀唔到.
而大角咀個攀登牆都唔錯por~

唔知花園街有沒更新過d設施呢?

[ 本帖最後由 蛀米虫 於 2008-7-23 20:15 編輯 ]

原帖由 蛀米虫 於 2008-7-23 20:14 發表
我今日去開深水步, 順道也參觀過北河街, 看來都很新淨, 不過比起大角咀細左少少, 但見佢有個boxing room, 可惜看不到裡面, 參觀唔到.
而大角咀個攀登牆都唔錯por~

唔知花園街有沒更新過d設施呢? ...

其實北河街機種都齊不過放工時間好多人,
大角咀個area大D同某D機種多左幾部, 不過就要行遠小小.  
北河街個Boxing Room多數5 6點打後先開嫁!
花園街D機唔算新, 近排加左部做引體上升o既機, 練背一流!
不過而家免費期間多左好多人, 由其係放工時段, 夜D去就OK!