有冇試過鬧伙記

我自問係一個好講道理嘅人, 而且幾好脾氣, 不過都散過伙記好幾鑊

你地有冇俾伙記激到嘔血的故事?

我係指酒樓伙記, 唔係下屬

有日和朋友到某酒樓吃飯, 想吃乾炒牛河, 曾吃過這酒樓的乾炒牛河, 知道他們炒出來的火路不夠, 又濕, 於是落單時
跟服務員說(很有禮貌): 要一碟乾炒牛河, 要炒乾點, 河粉是炒得帶焦的
服務員說(態勢一般): 好的
我說(還是很有禮貌): 請你寫在單上罷
服務員說(有點不耐煩): 不用啦, 我會幫你跟的

乾炒牛河出來了, 和以前的一模一樣, 我叫剛才那個伙記過來
我問佢(還是很有禮貌): 我們要的乾炒牛河是要炒乾點的, 請你拿去再炒一下罷
服務員說(有點歉意): 對不起, ........., 就拿了去

乾炒牛河出來了, 又是和以前的一模一樣, 我又叫剛才那個伙記過來
我說(以10點最高, 火氣上升到2點): 你地搞乜嘢, 咁樣就算是再炒過
服務員說(好老定, 看來已有人敎佢如何應付): 己經再炒啦, 再炒出來就是這樣的了
我說(火氣上升到4點): 那你可不可以再炒呢, 我說過是要河粉帶焦的
她走開, 由另一個高級的過來
我又跟她說一遍(火氣上升到4點)
她說(聲音比一般高10分貝): 生先, 這是最好吃的, 再炒就不好吃了
我說(火氣上升到6點): 你不要管我好不好吃, 你馬上給我拿去炒乾
她不拿去, 說去問問廚房
她回來時, 很大聲的對我說: 我們酒樓的乾炒牛河就是這樣的 (相信是廚房佬要她說的)
我已到了8點火氣,拍枱了: 我現在唔係同你講你間酒樓的乾炒牛河是甚樣的, 我係同你講我要的乾炒牛河甚樣的
她好像有點為難, 可能上級跟她說過不可以再拿去炒, 我於是要見經理
經理兇兇的過來, 他還未說話,
我用最大的忍耐不發火說: 你問你伙記, 如果我落單時没有說過炒乾點, 没有說過要帶焦的, 你就把這碟乾炒牛河放下, 你走開, 没你的事, 如果我有說過的, (好大聽)你給馬上拿去炒乾佢
經理於是一聽不說就拿了去, 再出來時果然是乾的 不過我己想過, 炒出來時都唔敢食

後記
個服務員很開心的給我們分菜, 可能終於解決了, 她一邊分,
我問她: 你們廚房會不會不開心, 我要他們炒了這麼多次
她說: 不會的, 我們是樂意為容服務的
我又問: 他不會很討厭我這些客人嗎
她說: 不會的, 你是給我們意見嘛
我說：不是呀, 我是怕他落毒呀,
她笑得眼淚也留出來說: 不會啦
我說: 還是你先吃一碗給我看
她最後也吃了一小點, 不過我們就没吃過了

[ 本帖最後由 Peter 於 2008-7-17 14:40 編輯 ]

怕落毒

我係指下屬, 唔係酒樓伙記
工作上我地要做到完美,不能有少少出錯,否則可能會好大件事,所以好多時工作上我都會唔多出聲專心做野,別人眼中即"黑面",而我對員工又要求高,比得人工你,你做唔到,我又會叫你自我升下級咁,升唔到仲係咁就請走.........
但有一個員工我真係好掟佢唔順,但又唔抄得(我抄佢唔到,因我老公照住佢),呢個員工經常自把自為,吹水但冇料,吹到去火星,但其實仲0係地球,月薪出糧,但就幾日少數少數咁出定糧比佢,好似仔問老豆攞零用咁自然,我對住佢一d都唔客氣,又黑面升級版對住佢,又大聲,冇客0係度仲用埋粗口訓話佢,但基放我地呢度對佢黎講人工高,福利好仲有人照,所以係好工一份............
第一次自動離職(唔記得咩事),隔左成年又返黎做,做左一排,又話唔做,仲同個朋友一齊黎"講數"話做得好辛苦,人工又唔高,健康出現問題.......農曆新年前最忙最要人手個時講d咁野唔做,咩人一個唔駛講啦~!咁冇做啦~點知農曆新年過後又返黎話想做....人工要高少少,健康問題工作量要低少少.........食屎啦,仲請你咩,又冇工作能力,又冇實力,請佢上神枱都晒地方同香油

[ 本帖最後由 羊咩咩 於 2008-7-17 10:41 編輯 ]

乜香港真係會有d咁ge人嫁~

原帖由 jacky 於 2008-7-17 10:52 AM 發表
乜香港真係會有d咁ge人嫁~

要唔要介紹你識?如果佢冇潛水的話,搭通晒天地線,相信揾到佢唔難

講到員工, 以前有個"掃把"好經典, 重利害過周一鑊, 佢每日一鑊

有次我在房中聽到佢同個經理吵, 起初唸住由得佢地自己解決, 但吵了多久, 我只有出嚟睇吓
我: 乜事
掃把:佢叫我將d數抄入excel, 我問佢洗唔洗入 formula, 佢又唔講

註: 客人email數子來, 如客人1月要1000件, 2月要1500件, 總 2500件, 而excel表以留了每個月的數字位置, 但没有 summation 的 formula

經理: 你話洗唔洗入吖
掃把: 你話啦
經理: 你話吖
一人一句還是在吵, 我有點怪責個經理, 簡單同佢講要入就得啦, 但我又唔好落個經理面, 就對個掃把講: 咁啦, 你把數入了, 你決定入唔入 formula, 然後告訴我有没有入, 對的, 我就讚你叻仔, 錯了我就敎你 , 好嗎? (好似敎仔咁)
佢好高興咁話好呀
過了一會佢入嚟搵我話入好了
我問佢有没有入 formula, 佢話冇, 我都未撞火, 就問佢: 點解你唔入呢

佢話: 你地係上司都決定唔到入定唔入, 冇理由要我一個小職員來幫你地做決定

我當然火都嚟埋咁講: 唔入 formula點有總數, 如果我叫你去拉屎, 冇叫你刷庇股, 那你就拉完就跑出嚟呀.

原帖由 羊咩咩 於 2008-7-17 10:36 發表
我係指下屬, 唔係酒樓伙記
工作上我地要做到完美,不能有少少出錯,否則可能會好大件事,所以好多時工作上我都會唔多出聲專心做野,別人眼中即"黑面",而我對員工又要求高,比得人工你,你做唔到,我又會叫你自我升下級咁,升 ...

唔知以為呢個員工
如果係男人, 佢一定捉住你老公隻痛腳
如果係女人, 佢一定係你老公的..............

[ 本帖最後由 Peter 於 2008-7-17 14:40 編輯 ]

有次我叫佢拿一疊文件去影印, 佢影回來時我發現有好幾張是白紙, 問佢點解, 佢話: 你俾我時這幾張是反轉的, 影出嚟就是白的啦

[ 本帖最後由 Peter 於 2008-7-17 14:41 編輯 ]

有次請個新員工回來, 我介紹佢地認識

我同個新人講: 呢位 Jimmy, 係你掃把, 係你直屬上司, 佢好幫得手, 你有乜嘢都可以搵佢幫手, 如影印, 送文件啦

因為呢個人影印最有心得, 我地當時在東方xxxx公司做, 於是佢就成為咗 東方影帝  喇.

原帖由 Peter 於 2008-7-17 11:26 AM 發表


唔知以就呢個員工
如果係男人, 佢一定捉住你老公隻痛腳
如果係女人, 佢一定係你老公的..............

你估錯啦~~如果你識我老公的話,你一定會話佢係一個大好人
因為佢/人地做咩都好,佢覺得多一個朋友都好過多一個敵人
早兩日我仲比佢話,d地產經紀點唔好點大話都好,都唔好即時變面,要好言好語
我話我一定做唔到,我就係我~
佢d"好人野",真係講到第日天光都未講完

因為只敢安排佢影印, 佢又影得好仔細, 成日咗住部機, 我就同佢講, 如果人地影二三張, 你就讓人影啦

有日有個其他部門的來找我投訴, 我於是問個掃把, 佢話: 你話人地影二三張就讓人嘛, 佢影一張喎.

原帖由 Peter 於 2008-7-17 11:38 AM 發表
因為只敢安排佢影印, 佢又影得好仔細, 成日咗住部機, 我就同佢講, 如果人地影二三張, 你就讓人影啦

有日有個其他部門的來找我投訴, 我於是問個掃把, 佢話: 你話人地影二三張就讓人嘛, 佢影一張喎. ...

點解佢咁樣?係份人本身係咁(白痴)?定玩野?

原帖由 羊咩咩 於 2008-7-17 11:36 發表

你估錯啦~~如果你識我老公的話,你一定會話佢係一個大好人
因為佢/人地做咩都好,佢覺得多一個朋友都好過多一個敵人
早兩日我仲比佢話,d地產經紀點唔好點大話都好,都唔好即時變面,要好言好語
我話我一定做唔到,我就係 ...

咁講, 你公司搵到錢, 養得住一二個廢人, 算係社會責任啦, 你炒佢, 佢冇嘢做會出去打家刧舍嫁

[ 本帖最後由 Peter 於 2008-7-17 14:43 編輯 ]

Peter
你形容"乾炒牛河:得咁出色，使到我好肚餓 !
現在的人啲質素每況越下，(包括員工) , 真係"頂得佢哋至出奇"

原帖由 羊咩咩 於 2008-7-17 11:39 發表

點解佢咁樣?係份人本身係咁(白痴)?定玩野?

你問得好, 我們部門新成立, 就向各部門要求最精英人仕加盟, 呢個人攞咗三年最佳員工奬, 升得好快, 後來可能壓力太大, short咗, 成日四圍 port自己老細, 又話人謀佢, 佢老細都夠衰, 乘機打隻"好"牌給我們.

[ 本帖最後由 Peter 於 2008-7-17 14:41 編輯 ]

原帖由 Peter 於 2008-7-17 11:41 AM 發表


咁講, 你公司搵到錢, 養得住一二個廢人, 算係社會責任啦, 你抄佢, 佢冇嘢做會出去打家刧舍嫁

而前我係唔會養廢人,好自我中心,做唔到我要求請走,唔好左住晒
但如果日後我再自組公司,我會考慮請冇咩學歷既中年人,因為冇錢冇學歷,日子真係好難過~

原帖由 羊咩咩 於 2008-7-17 11:46 發表

而前我係唔會養廢人,好自我中心,做唔到我要求請走,唔好左住晒
但如果日後我再自組公司,我會考慮請冇咩學歷既中年人,因為冇錢冇學歷,日子真係好難過~ ...

你試吓真請呢啲人，以前做嘢有開自己一套，你叫佢案你規則去做，得不常失，到头來氣都氣死

原帖由 sukyee0227 於 2008-7-17 11:55 發表

你試吓真請呢啲人，以前做嘢有開自己一套，你叫佢案你規則去做，得不常失，到头來氣都氣死

當然是反話

俾得起, 佢白支人工都勉強算, 但影響其他員工事大