發左種子後, 應該既時先開始分盤呢?

上星期播左香草的種子, 請問應該生長到既大先分盤呢?

之前也試過播種, 但係2個星期後D芽全部死晒~

另外請問, 種香草的泥, 係咪要疏水D呢? 咁應該用咩泥好D? 只係用唐泥得唔得呢?

發芽時，我用的泥係比較疏水的，以便種子發芽長根……唐泥較實，種子較難/或用更長時間來長根....
但係種子長根後，用疏泥的話就要用留意淋水……我覺得香草都幾「吸水」太疏水的話，好易會缺水。

原帖由 Alfphy 於 2008-7-15 00:42 發表
發芽時，我用的泥係比較疏水的，以便種子發芽長根……唐泥較實，種子較難/或用更長時間來長根....
但係種子長根後，用疏泥的話就要用留意淋水……我覺得香草都幾「吸水」太疏水的話，好易會缺水。 ...

我係用係花寶買的泥, 係專門種菜個仲呵~
想問下你, D香草大約幾大先分盤呀, 因為我一次過將買番黎的種子播晒, 依家成個盤都係, 諗緊幾時分盤呀.... 煩煩呵

大粒或者水果種子可以用塘泥種~細種子可用泥炭土~~花寶個d培養土ok ga bor~~好好用~~
播種果時唔好咁密如果唔係分起上黎有d難~~同好"了"~~最好生定d~~有幾塊本葉先分盆~~

原帖由 阿晴 於 2008-7-15 06:07 發表
大粒或者水果種子可以用塘泥種~細種子可用泥炭土~~花寶個d培養土ok ga bor~~好好用~~
播種果時唔好咁密如果唔係分起上黎有d難~~同好"了"~~最好生定d~~有幾塊本葉先分盆~~ ...

我盤百里香就係播種太密, 到分盆時, 應該好難攪呵~
另外盤風輪菜係咪正常呢, 佢地生得好高呀~
迷迭香發芽好慢, 而且發芽率好低, 唔知係咪我蓋土太多呢?

請問香草大約咩時間要落肥料架?
有無人知道風輪菜可以點用呢?
謝謝呵~

WAA~~「迫爆盆」ar~~

-其實好似風輪草咁再少一半就ok~~唔洗一次種咁多~又要間苗~~好浪費~~一包種子可以分幾次種~種唔哂放在陰涼處或雪櫃都保持到發芽率~~
-徒長係唔夠光~應該要再疏下苗~~至少子葉唔可以互相掂到~
-迷迭香我未試過用種子種~~發芽慢我諗係佢地本身種子發芽率~~~呢三幅圖可以睇到~~
-落肥起碼要有幾塊本葉之後先~~好似普通植物咁落肥~~不過聽講肥太多對某D香草黎講香氣會減少~~

[ 本帖最後由 阿晴 於 2008-7-15 11:04 編輯 ]

風輪菜多數係煮歐洲菜做調味~~好少做主角~~
類似這個 [ http://www.pwwww.com/Article/CP/om/200601/659.html ]
                 [ http://www.haochi123.com/S_caipu/Data/Detail_Caipu_1108950727.htm ]

要分盆時, 先淋濕D泥, 淋多D水, 等一陣, D泥淋到好泥漿咁, 移出來分開, D根就唔會傷到 !!
不過要慢慢逐棵逐棵拆開 .....
下次唔好咁密喇 !!

[ 本帖最後由 king168c 於 2008-7-15 11:59 編輯 ]

嘩...你d百里香 放左幾多呀

你D 百里香種得好靚呀﹗
密系密D, 但呢個高度真系好靚
分盆時你更靚

我無你種得禁好, 我想問問你用咩泥, 晒幾多, 種子邊度買....
thank you

我剛剛都幫密瓜分株,好驚險呀.
我已經係等佢一出齊二片葉就分,但都係有糾纏埋一齊.
我諗你都係要趁早分會比較容易.