果樹盆大細

各位C兄唔知大家種果樹用嘅盆幾大？
見有C兄用細細盆都種到，真係佩服！
小弟12"盆種都唔係好得，準備upgrade上16"x16"盆，大家可以分享下用盆種果樹嘅心得？

兩年要換一次盆兼除去老根，落多啲基肥，尤其骨粉。
當然盆越大越好，高過四呎嘅樹仔，12號盆(16")已經唔夠。
我有種芒果，桑椹，水蜜桃，荔枝，無花果，檸檬，金柚等等。

其實你可唔可以講你棵系咩果樹，因為都要睇下系咩先知道點做會好啲。

我見有post話22"最好，但22"對我太大，所以先上一級。

我種芒果，桃，黑莓，青檸，番石榴，藍莓，楊梅，楊桃，葡萄（巨峰，赤霞珠)等等，，

iceiceice 發表於 2014-3-24 20:32
兩年要換一次盆兼除去老根，落多啲基肥，尤其骨粉。
當然盆越大越好，高過四呎嘅樹仔，12號盆(16")已經唔夠 ...

你講得好啱。我棵黄皮種喺龍缸，結咗幾年果，舊年一粒都冇。花友教我換盆，但係換唔到，除非打爛個龍缸，不過又唔捨得。結果祇係喺缸邊挖走好多根，再加番啲腐熟廚餘同新泥，希宝令年或明年會有黄皮食。
棵熱情果種咗三年，早排因為羅漢松燶咗，空出個龍缸，將棵果藤移植。發覺成盆根，要剪走好多。現在正發新芽。

iceiceice 發表於 2014-3-24 20:32
兩年要換一次盆兼除去老根，落多啲基肥，尤其骨粉。
當然盆越大越好，高過四呎嘅樹仔，12號盆(16")已經唔夠 ...

請問除去老根時有冇特別技巧?點樣先唔會傷根?

tclau 發表於 2014-3-25 13:11
你講得好啱。我棵黄皮種喺龍缸，結咗幾年果，舊年一粒都冇。花友教我換盆，但係換唔到，除非打爛個龍缸， ...

啲根生到實哂佢就會緩慢生長，我啲果樹一換盆就標得好快，今年荔枝花爆開，桑椹又好多果。
你盆芒果今年有花未呢？

klclc 發表於 2014-3-25 17:24
請問除去老根時有冇特別技巧?點樣先唔會傷根?

我冇㗎，通常果樹種盆啲根好易生到實哂，成棵抆出嚟用手溫柔地R鬆成個外圍啲根，啲老根同泥都會脫落，通常我唔會R太深，因為我都唔係專家，誤打誤撞爬文跟住做，咁又種到木瓜咁大個芒果
換盆記得落基肥，果樹必須。

iceiceice 發表於 2014-3-26 01:05
啲根生到實哂佢就會緩慢生長，我啲果樹一換盆就標得好快，今年荔枝花爆開，桑椹又好多果。
你盆芒果今年 ...

仲未見有乜進展，棵熱情果有新芽長出，棵芒果由核種起，至今三四年，高過一個人，不過未見花果。

iceiceice 發表於 2014-3-26 01:16
我冇㗎，通常果樹種盆啲根好易生到實哂，成棵抆出嚟用手溫柔地R鬆成個外圍啲根，啲老根同泥都會脫落，通 ...

唔該唒! 芒果, 人參果同檻欖都種咗3年, 依家都好似生長呆滯咁

tclau 發表於 2014-3-25 13:11
你講得好啱。我棵黄皮種喺龍缸，結咗幾年果，舊年一粒都冇。花友教我換盆，但係換唔到，除非打爛個龍缸， ...

用龍缸最麻煩就係好難換. 可以試下先R走邊D泥, 不過要用好多時間心機. 同咪都會整傷D根

依家試用控根器, 換盆加肥就非法容易

RCC 發表於 2014-3-26 20:11
用龍缸最麻煩就係好難換. 可以試下先R走邊D泥, 不過要用好多時間心機. 同咪都會整傷D根 ...

絕對同意你嘅講法，我嘗經考慮過用控根器，我喺花卉世界見過，但係一來價錢唔平（衹係一片再造膠賣過百港圓)，二來外觀唔係好滿意，如果佢外面唔係刺蝟咁樣(加上黑色膠俾泥水整污糟咗，又唔易清理。)，或者加一個啡色、或其他顏色嘅外套會好好多。始終擺喺天台或者花園就會諗吓美觀問題。希望將來有改良版賣。‧

控根器的確唔平, 但除開又唔係貴! 成25米長, 可做好多個盆.
個樣天生樣衰就無計! 好彩我有個花槽, 可放入去, 眼不見為乾淨^^