到某茶餐廳, 每天都吃相同的 "早餐F" = 腿旦治 + 奶茶 = HKD14
但這間茶餐廳的三文治用的蛋 是蛋粉開的, 俗稱假蛋, 吃得有點膩,
今日同伙記講: 我要早餐F, 不過要荷包蛋.
伙記說: 早餐F的蛋一定是炒蛋, 如果要荷包蛋就散叫, 没有餐的
我也同意了, 於是他開了單: 腿旦治 HKD12 + 奶茶HKD10 = HKD22
當他送出來時是, 一隻碟放著 兩隻荷包旦 + 兩片火腿 + 一片麵包, 另一杯奶茶
其實就係 "早餐A" 的 火腿煎雙旦 + 奶茶
我問佢點解, 佢話搞錯, 就拿去換
再出來時是 一隻碟放著一隻荷包旦 + 一片火腿 + 兩片麵包, (奶茶没有拿去換)
我又問佢: 我要的是腿旦治, 點解你俾呢D嘢我?
伙記話: 你將隻旦同火腿放入兩片麵包中, 就係 腿旦治啦.
我想: 他也說得對
我又想: 點解我唔叫 "早餐A" 呢
依家得到的比 "早餐A" 少了一隻旦, 少了一片火腿, 只多了一片 麵包
但早餐A是HKD16, 我現在卻要付 HKD22 |