新手種水蜜桃和士多啤梨請教

一直都好想種野
而家搬左村屋有天台
早2日在旺角花墟買左1棵水蜜桃樹同1棵士多啤梨
我完全唔識種野
好驚會種死
花墟的店主叫我每晚淋1杯水，每半個月施1次肥就可以
但鋪頭另一個人又話如果我唔轉大盤會養死佢
唔修剪都會養死
請問我應該點做？
我係有心想一直種落去唔係收成1季就算架
另外我排文見到話要番土
咁攪D土唔會攪到D根整死的咩？

如果要轉大盤，應該轉咩盤？我之前去過D種植日話用樹袋好，定我應該用樹袋？
我要點先種得好呀？

第一日入黎，希望大家多多指教！

快d淋水呀! d葉都林晒, 缺水呀! 淋水要澆透, 直到盆底出水!

我琴晚淋多左水，今日真係無再謝樣
其實水係咪唔怕淋多D架？因為有去水孔
同埋係咪1日淋1次就夠架喇？

缺水，要淋一次透嘅先。
其實你喺天台種，起碼一日淋一至兩次。
水蜜桃個盆太細，你想種多幾年係要換大盆。
呢兩樣都唔係容易種，水蜜桃你要而家要包果，因為果蠅叮咗個果你唔會知，到佢轉紅可以食時你切開就會發現一條條肥蟲。
士多啤梨都要包，因為雀仔會食。
修枝可以遲一步先，但結緊果嘅植物要施鉀肥。

水蜜桃要換大盆，可用龍缸種。底部放一層泥，撒上基肥再放一層泥，將舊盆脫出，不要傷到根及整鬆泥膽，移入新盆中，用泥土填滿空隙，泥土填至泥膽水平位，而盆頂至泥面要預留一至兩寸位，免澆水時水分容易溢出。

士多啤梨現在不要讓她開花，容易使夏天時夭折，就算結果味道也不好，因高溫及多水使甜度下降，在秋冬時分溫差大，結果時不要過分供水，甜度會提高。夏天時宜稍遮蔽，但仍有充足光線，注意空氣流通。

好多謝你地的解答呀！
請問“鉀肥”係咪去花墟買就得？
我買棵樹時店主叫我買左支“有機盧薈營養液”，話即係肥料，叫我半個月淋一個圈，係咪一樣架？
定要預備幾種唔同的肥料？

我已經淘寶買左個大盤，收到就會轉盤了～
Silicon的轉盤解說好詳細好清楚呀！

但係我唔知點先可以唔俾士多啤梨開花，
其實而家已經有D花喇
咁我應該點做呀？
係咪唔好太多水呀？咁即係洗唔洗日日淋？
係咪都唔好放天台太曬太勁呀？咁我放返落露台會唔會好D？

士多啤利
種出黎食左先講啦
免得白種!
有品種四季結果
有冬至春,有秋至春

sindyyu 發表於 2014-3-22 00:57
好多謝你地的解答呀！
請問“鉀肥”係咪去花墟買就得？
我買棵樹時店主叫我買左支“有機盧薈營養液”，話即 ...

見花蕾就剪走
士多啤梨泥土不能完全乾燥，葉會枯萎，
但太濕積水也不能，會爛根，
保持泥土濕潤但不積水。
夏天放露台通風地方就可以了。

比d心機這處有好多高人

你放農葉植物區應該多d人答你