會中毒既果樹

昨日路經火炭區, 順路走上蕪花果大師兄Mike 既天台休息室八吓, 唔去尤自可, 一去到見到Mike 大中毒日益嚴重, 即刻想幫佢叫白車!!!
如果想知點解, 睇吓圖片就知.
Mike 大原來係年假係冇放假, 四出張羅中港未曾出現既無花果品種, 除咗由土耳其購入, 更在法國, 意大利等國家搜購, 據悉只係插枝中都有成60盤左右, 聽Mike 大講, 仲會陸續有新品種空運到佢休息室, 所以奉勸大家想種無花果都要三思, 隨時染上毒癮.


以下係經Mike大同意發放既部分相片

強~~

~~~

點解其他人會咁驚既,我都唔知幾期待

不得了!!MIKE 大比D我幫你解毒

真是好好心機。

中毒深到 "毒攻毒"...反而更美好 ! 絕對是一件好事

嘩, 不得了

可能要搵多幾個人出手溝淡啲毒~

唔好單找幾個人來溝淡D毒
請成個園藝館有興趣既花友來溝淡D毒會有更大成果喎

嘆為觀止

佩服，在園藝館有2個無花果高手。

I have never planted 無花果, is it suitable for HK weather?

Thanks mikecho for the answer ^^

好厲害啊 ，祝這種毒在香港蔓延開去 ，發揚光大 ！！！

亜四哥一出帖，簡直將D毒散播開去， Mike 哥快D 幫大家解毒呀！我要解葯呀！

品種已過50個了！其實枝條不全是我的,我只是受托育苗,用於香港xx有機農莊產果出售用,目前還在構思階段中，農莊還處於魚農處有機認証中，農莊泥土送驗已及格，其後還有好多關卡！老闆是誰？你們可以猜猜，我不便公開！

神仙鱼 發表於 2014-3-20 14:03
真是好好心機。

你都收埋好多秘密武器架

akita815 發表於 2014-3-20 16:36
佩服，在園藝館有2個無花果高手。

講到高手, 係園藝館真係好彩識到多位資深花友, 話說二年多前白痴既我初種無花果, 由我種死既無花果小苗有Mike 大既”亞當二棵” , 花友靚女神仙魚既實生小苗一棵 , 花友陳老師實生苗一棵 , 攪到我不知幾咁自責(種襯都死), 仲患咗無花果小苗恐懼症 .

及後多得花友靚女神仙魚多再多比一棵實生小苗我較飛(同分享咗佢既個人心得), 跟手發現花老師的種植心得(即係死咪), 仲耐唔中走去Mike大個天台到偷師, 就咁開始個無花果小苗恐懼症病情冇咁嚴重 ,胆粗粗問靚女CANDYPLY分享棵”小布”試吓(Candyply啲無花果品種都唔少架, 睇過佢既帖就知佢有幾厚身家). 仲問美女Cylau攞咗好多棵大苗及百幾棵實生苗, 好彩全部都健在.

經過咁多高手教路及偷師後, 現在我都有十幾個品種, 依家無花果小苗恐懼症消失咗囉, 所以園藝館上得多…………植物笑呵呵, 今時今日既我, 己經係種植高手(不過係雜草He He), 想雜草豐收, 歡迎索取小苗.

備註: 種死無花果小苗, 話係白痴, 只是個人自愚, 並冇特別意思. 如有類同, 實屬不幸(如果真係咁不幸, 可以學我咁問問以上各位…………..攞苗再種, 種得多, 實有三二棵唔死…….He He, 不過唔好話係我講)

以上無聊一篇, 只係想分享及多謝自己種植歷程上既各花友(有品提及冇品提既花友都係, 排名不分先後) .