而家既天氣,加新新新手,種乜野好呢??

我家有個天台,而家有種緊兩盤白菜仔,仲想再種啲食得既野,唔知乜野比較易種,又無咁大蟲害既呢??我只係用菜檔個啲發泡膠箱尼種咋,有無人可以提意下我種乜野好,又應該點樣踏出第一步呢??感激各位高手指教^3^

基本上，3-5月份播咩菜種都得
小白菜可以話係蔬菜類最多蟲害既一種啦
如果你無用防蟲網，好快就會見到一場大戰：
《小白菜 VS 蟲蟲》

無咁多蟲害既，可試試空心菜 (通菜)，
一般約30天有收成，
《腐乳炒通菜》好正

种辣椒，一年四季都可种。簡單易种，果和葉皆可以吃。

紫菜豆腐湯 發表於 2014-3-18 12:48
基本上，3-5月份播咩菜種都得
小白菜可以話係蔬菜類最多蟲害既一種啦
如果你無用防蟲網，好快就會見 ...

白菜我加左普通個啲防蚊網,應該無事卦..
另外用辣椒水防蟲,希望無事啦..我好驚蟲架 >_<
通菜都好喎...睇下去買唔買到先...

LHS1 發表於 2014-3-18 16:46
种辣椒，一年四季都可种。簡單易种，果和葉皆可以吃。

辣椒我有一盤呀,不過其實我唔食既..只係用尼整辣椒水淋菜...keke

通菜最好種，唔駛成棵拔，剪咗又再生返。
莧菜，青豆角都唔錯。

iceiceice 發表於 2014-3-19 19:31
通菜最好種，唔駛成棵拔，剪咗又再生返。
莧菜，青豆角都唔錯。

咁好??剪左再生返??青豆角都唔錯喎...豆角係唔係要整個柵比佢??邊樣種法?係唔係泥加種子就種到??有乜特別野要注意?

通菜離土剪淨兩吋，佢會生橫枝，我通常收三轉，多水多陽光就好快大。
青豆角要爬架，但食過你就知同街市買嘅冇得比，我會先用廚房紙加水浸豆到佢發芽先落盆，長高先比架或網佢爬。

muicatcat 發表於 2014-3-20 12:06
咁好??剪左再生返??青豆角都唔錯喎...豆角係唔係要整個柵比佢??邊樣種法?係唔係泥加種子就種到??有乜特別 ...

嗯，正如ice 師兄所講，離土約2寸剪，
之後如常種植佢就會再生，大約可收成幾次
豆類係要搭個架俾佢爬藤，除非種無蔓藤性的豆

藤架呢方面，其實而家好方便，
係花店買個以下圖片呢隻藤架，
然後將D 莖用繩綁一綁就ok。

請問種通菜或菜心要唔要先浸種子架？落種又要唔要逐粒落？定散播呢？

LHS1 發表於 2014-3-18 16:46
种辣椒，一年四季都可种。簡單易种，果和葉皆可以吃。

辣椒葉可以點煮呢？

Bohmui 發表於 2014-3-20 21:47
請問種通菜或菜心要唔要先浸種子架？落種又要唔要逐粒落？定散播呢？

可浸可不浸。
可點播，如用散播，即稍後再疏苗。

Bohmui 發表於 2014-3-20 21:48
辣椒葉可以點煮呢？

辣椒葉可炒或煲湯