初種迷你玫瑰 (更新 61#)

換左泥，剪左黃葉 (26/03/2014) 更新照

呢個星期全陰天...無太陽又潮濕, 又係蟲蟲大量繁殖既天堂

今日見到葉面好多蚜蟲bb爬來爬去

sheungx2 發表於 2014-3-31 02:45
呢個星期全陰天...無太陽又潮濕, 又係蟲蟲大量繁殖既天堂

今日見到葉面好多蚜蟲bb爬來爬去 ...

生得長尼個問題，因為買個日見到尼隻橙橙地色幾靚，同埋又有7-8 個花苞，所以就買左，無理度3枝香咁lor. 我想請教插枝幾耐先會有花？同埋剪幾多度？

至於蟲害問題，無芽蟲，不過有白粉問題。上網睇左可以噴梳打水。

darrendarren 發表於 2014-4-1 07:20
生得長尼個問題，因為買個日見到尼隻橙橙地色幾靚，同埋又有7-8 個花苞，所以就買左，無理度3枝香咁lor.  ...

我都未試過插枝
聽人講水插會快d生根,但移返去土種會易死,要有技術
土插最起碼要比幾個月至半年,唔好郁佢,等佢生根

而且存活率都好睇點打理, 要保濕但又唔可以過濕,好易浸壞(類似溫室既環境),放係光照陰涼處

我前日都拎左幾枝枝條去插砂土, 先試下普遍露台環境如何
如果全死就要換環境再來過

sheungx2 發表於 2014-4-1 22:02
我都未試過插枝
聽人講水插會快d生根,但移返去土種會易死,要有技術
土插最起碼要比幾個月至半年,唔好郁 ...

我剪一枝落黎試下先.

有根後, 有冇興趣 EXCHANGE

darrendarren 發表於 2014-4-1 22:24
我剪一枝落黎試下先.

有根後, 有冇興趣 EXCHANGE

好呀, 不過睇來我地2盆玫瑰品種應該差唔多, 都係橙紅色

我見你盆野好得意, 2隻色既?

不過近期無陽光...新開果2個花蕾都淺色好多,接近變左粉色,開得唔靚

而且我發現一枝一個花蕾,會開得靚好多

所以成日睇花友話摘心, 原來都幾重要, 不過迷你玫瑰應該唔洗摘心吧?

sheungx2 發表於 2014-4-2 16:21
好呀, 不過睇來我地2盆玫瑰品種應該差唔多, 都係橙紅色

我見你盆野好得意, 2隻色既?

岩岩開既時候係橙紅色，之後就會變深粉紅色。最近開的是肉肉地色。玫瑰是否這樣？

今朝我見到d一粒粒黑色既蟲。 今晚剪晒個d葉先。

我黎緊都會摘心，睇下是否會開得靚d.

仲有我發覺，修完葉生得好快。

darrendarren 發表於 2014-4-2 18:39
岩岩開既時候係橙紅色，之後就會變深粉紅色。最近開的是肉肉地色。玫瑰是否這樣？

今朝我見到d一粒粒黑 ...

我諗係唔夠肥...最先開果d 又大又靚....後尾開會越來越唔上色又細
我估要補磷肥先可以夠營養繼續比佢地開花
所以我今日都落左d 肥~因為都開得七七八八啦,見到d 新芽生得好慢又細


係葉螨, 大多哩係葉背,你要好用心睇先睇得出
佢地繁殖得好快, 如果唔理佢,會搞到好多葉都枯黃

我之前有好多呀, 佢地仲要係咁生卵, 最嚴重時, 成塊葉佈滿哂蟲卵
因為家中有貓貓,唔敢用殺蟲藥

我都試左好多唔同天然方法殺蟲
暫時最有效係用1:50 既消毒酒精抹葉, 特別係葉底,要抹幾次
你就會見到盆水有超多螨

隔幾日就用水槍噴洗葉背, 有效控制到係一定數量
只要佢地唔好大量破壞我d 芽葉~我都唔想理佢地

聽人講可以用苦楝油, 我未試,唔知work 唔work

sheungx2 發表於 2014-4-2 20:48
我諗係唔夠肥...最先開果d 又大又靚....後尾開會越來越唔上色又細
我估要補磷肥先可以夠營養繼續比佢地開 ...

我用花寶平均肥，唔知夠唔夠？我今日係日本城見到花寶有隻40號，11蚊。唔知你有冇用過？

D 蟲都唔知邊樹黎，我日日都會check 下棵野，尋日都唔見，今朝有3塊葉好多。頭先己剪晒。你咁好心機抹葉？我見到就剪算。因為我棵d葉都生得好快下。

另外，用1：99 漂白水噴有冇效？

darrendarren 發表於 2014-4-2 21:50
我用花寶平均肥，唔知夠唔夠？我今日係日本城見到花寶有隻40號，11蚊。唔知你有冇用過？

D 蟲都唔知邊樹 ...

唔同階段要用唔同既肥~ 一般家用盆栽都係用花寶 (化學肥)最方便...想玫瑰再靚D會用有機肥~

我都係用花寶呢2隻 + 長效性有機肥粒....不過過幾個月會嘗試用有機肥水~ 睇下花既質量會有幾唔同

開完花用返平均肥,比佢生長, 新芽新枝生到差唔多, 可以用花寶40(促孕蕾開花), 到左有花蕾就唔好再用肥料

聽人講化肥同有機肥最好交替用, 如果一直用化學肥~好似對泥既酸鹼度有影響

11蚊 平過花墟喎, 搵日去日本城行下先~ 前牌係花墟見到40號要..$13

sheungx2 發表於 2014-4-3 00:03
唔同階段要用唔同既肥~ 一般家用盆栽都係用花寶 (化學肥)最方便...想玫瑰再靚D會用有機肥~

我都係用花 ...

我呢我唔會用有機肥, 驚煩. 不過會買花寶40, 同埋會用魔肥.

尋日我又見到有黑色既蚊滋/飛飛. 勁煩.  

唸住用花寶紅色樽個隻殺蟲劑, 唔知有冇效.

開完花後,中度修剪, 一個月後又出花蕾, 生得好快!
而且粉色呢盆好健康, 搵唔到有蟲, d葉好大好靚
正如花友所說, 如果本身玫瑰係強壯健康, 害虫同病都會少好多

橙紅色果盆...買返黎時已經病病地
果然係一分錢一分貨
越來越多黃葉
打算強剪, 由佢重新生返健康既枝條

另外, 上次剪左幾枝扦插, 見佢都繼續出芽無謝, 成功了第一步
而家就係由佢, 等佢生根就可以移盆

sheungx2 發表於 2014-4-10 23:41
開完花後,中度修剪, 一個月後又出花蕾, 生得好快!
而且粉色呢盆好健康, 搵唔到有蟲, d葉好大好靚
正如花 ...

我個棵都係中度修剪，而且好快有5個花苞，其中一個就開啦。

不過我棵野無你棵咁壯，最近有白粉侵擾，尋日狂用水噴葉面，今日觀察好像有改善。

你棵d葉睇落好壯下。

至於剪落黎既插枝就無動靜：）

之前未種過玫瑰，真係估唔到佢生得咁快。其實我個人比較性急，鍾意d生長快既植物，個d種黎種去都無咩變化既會令到個人好無成功感。

暫時棵野都生性。20蚊，一個月又開多次拉花。無枉費我又買盆，又買新泥，又買花寶40。

darrendarren 發表於 2014-4-11 20:29
我個棵都係中度修剪，而且好快有5個花苞，其中一個就開啦。

不過我棵野無你棵咁壯，最近有白粉侵擾，尋 ...

你呢棵有無香味?

紫菜豆腐湯 發表於 2014-4-12 08:51
你呢棵有無香味?

要隊個鼻埋去先有少少味。：）

darrendarren 發表於 2014-4-12 09:01
要隊個鼻埋去先有少少味。：）

哈... 真的做得很迷你，連香味都變迷你了

棵野發現有蟲

darrendarren 發表於 2014-4-13 06:27
棵野發現有蟲

玫瑰呢D 有香味既花，無蟲才奇怪

darrendarren 發表於 2014-4-11 20:29
我個棵都係中度修剪，而且好快有5個花苞，其中一個就開啦。

不過我棵野無你棵咁壯，最近有白粉侵擾，尋 ...

白粉可以用1:99 漂白水噴洗葉 or 有時間既~用1:50 酒精水抹葉

呢盆粉色玫瑰係朋友送既
聽佢講盆花唔平, 好香玫瑰味

之前係寄養係朋友家, 貪佢有全日照
但好多蟲,枯葉,葉好多蟲咬痕,花蕾比蟲食到斷左, 我就收返黎自己照顧

當時一直噴辣椒水,偶爾抹葉, 蟲害得到控制
到左開完花, 我中剪之後, keep住咁做, d 蟲突然無哂

我呢邊得半日照(西照), 但主要係我呢邊夠通風


迷你玫瑰生命力較強, 而且全年開花, 主要係生唔高, 比較岩家庭種

遲d 我想種月季, 有d怕種唔好

sheungx2 發表於 2014-4-13 20:31
白粉可以用1:99 漂白水噴洗葉 or 有時間既~用1:50 酒精水抹葉

呢盆粉色玫瑰係朋友送既

我用酒精水抹過, 效果一般, 用水沖完, 係少左D白粉, 不過D葉殘左. 1:99 漂白水未試過.

蚊滋都仲有, 尼一2日, 仲有我樓上個D 唔知咩蟲. 實左忍受唔到.

辣椒水太煩, 我男仔無咁好心機.今日終於走左買枝花寶INSECT KILLER.
盛惠30幾蚊.

月季好靚, 我都想種, 不過暫時掌握迷玫先.