本帖最後由 阿火 於 2014-3-18 22:56 編輯
純粹個人推斷:
正常既新根係較白色或淡黃色,老根較深橙或深啡。
我估可能性機會係根損壞了吸收唔到水份才會越消瘦....
觀察盆邊、石面、泥面、虎身有冇啲同根相似啡黃色粉狀積聚物?
如果有,可能係肥料過多形成肥料鹽,即係有機會肥傷而傷及根部!
建議:
用清水沖洗根。如果發現有些根已經黑色可以除去。
風乾虎尾蘭。
重新換過花盆、泥土,可以用非洲紫羅蘭泥或仙人掌泥,或兩者混合,放入植身落泥土切勿大力按實泥土 (或用較疏氣既植料)。
拎走白色石春或較重石仔,重新換過「較輕細」小石粒舖面!
上盆後暫時放置室內有散射光照射 & 空氣流通地方,5-6天暫時不供水不曬。
肥料:
其實,虎尾蘭好粗生,我好少俾肥料佢,反而陽光會令佢健康生長(不是暴曬)。
頂多我自己會放2-3粒魔肥(緩解肥)就夠喇,見住佢約兩星期葉子慢慢轉深綠色。 |