本帖最後由 Elizazazalee 於 2014-2-24 19:14 編輯
新年買左兩盆鬱金香,其中一盆,風風火火、燦燦爛當地盛開左一個星期就一朵一朵凋謝(一盆3株)。
可能係因為第一次種到由無花變有花,對花花心存感激,無知的我,當時仲未識得呢個site,又無做research,以為花開花謝、花謝花開係天經地義,滿心歡喜咁一邊哼歌一邊繼續幫D葉淋水 (唉),
直到在此site開左account,日日爬文,先知原來此花開完就要慘變棄婦,頓時晴天pig pig,暗叫" what the....." ,我剪左個花頭,唔捨得掉棄。
而另一盆就遲開好多,但佢一係就唔開,一開就一株3朵 (wow咁我3株咪9朵囉),呢兩日佢一朵朵開出黎對住我笑:「傻婆,妳係咪等左我好耐呢?」
我一邊幫佢淋水一邊心想:「傻婆,妳開哂我可能就要拋棄妳架啦......」
見住佢仲係好天真好傻咁日日為我盛開,我真係想為佢下世輪迴做D野呀.....係咪可以試下好似風信子咁,雪下個頭冬個眠,下年又可以再開過架?
有無人試過成功呢?
|