懶人種既花...........大家會有咩提議呀?

好友間屋岩岩裝修完,想搵番幾盆植物番屋企
知道針冇兩頭利架喇,不過如果比較粗生
唔駛太花時間去打理,唔需要太細盆
窗口向南..........除左仙人掌
大家又會有咩心水既花呢?

同埋如果想搵d特別少少既薄荷.......例如朱古力薄荷果d
除左花墟森x之外,咁多位c兄c姐仲有咩選擇呀
麻煩晒大家.......

辣椒啦
超易種，極粗生．
可以炒餸又可以打邊爐．

原帖由 KATY 於 2008-7-2 22:53 發表
辣椒啦
超易種，極粗生．
可以炒餸又可以打邊爐．

他想要一盆盆既花多d.......而且他唔食得辣架
一陣唔覺意辣死他都似 ^^

我種就差唔多,嘿
妳種果盆係咩品種黎架,指天椒?

HE~HE~ 我又懶得太過份o既．
我之前種過指天椒

原帖由 KATY 於 2008-7-2 23:06 發表
HE~HE~ 我又懶得太過份o既．
我之前種過指天椒

妳點種架,要注意d咩地方
等我搵日又去買番盆番去玩下先

就係o係屋企打邊爐時，留起了一些籽．
落泥，淋水．之後每天keep住淋水.
大約兩個月已有花.
我係完全吾識種植都可以結到辣椒．
可想而知幾粗生．

夏菫、長春花lo~~唔洗點理都開花 ^ ^

蘆薈, 超耐陰超耐曬超耐熱超耐冷超耐旱......

吊蘭'白邊蘭'易種又不需花多少時間,鳳仙花也可以,不可太高溫.繡球花都可以,特別耐蔭,不過葉大比較不耐早.

我最近發現松葉牡丹都唔錯~~種雜色到夏天就開好多靚花

建議>>虎刺梅/鐵海棠(下圖)

有粗、幼種，我這盆是幼果隻，有幾種色，長年四季有花，可直曬陽光，耐旱，想佢生得大盆又得，細盆亦得，只要剛買到手時換較疏水的植料，唔落底碟，可以一般雨天由得佢淋雨，雨落得太長太大才避雨，我這盆有2年無換植料的了，只有一個月落些少開花液肥，見乾澆透，不太需要打理都一直開一大盆花。

[ 本帖最後由 JenniferC 於 2008-7-3 20:17 編輯 ]