新聞一則

小童Vs.小狗
(星島) 07月 02日 星期三 06:29AM
(綜合報道)

某天，某家長帶住她那不足兩歲的小女兒落街。當電梯門一打開，小女兒就興高采烈地跑出去大廈大堂的玻璃門，家長緊隨其後。此時，她們後面跑出來一頭貴婦狗，超越了家長而追逐女童！

眼見貴婦狗似要咬向女童的小腿，家長大喝一聲，嚇退了牠。家長隨即向當值管理員投訴；可是，年輕狗主卻只是拋下一句「都沒有咬到人」，就施施然離去。

家長因而怒火大起，於該屋苑的網上討論區大聲疾呼、大吐苦水，並要求各業主和業委會成員找法律顧問研究修改大廈公契，禁止養狗。

唉，本來只是一宗小事，有必要搞到咁大麼？

如果，狗主當時的態度好一點，好聲好氣地說一句「真的不好意思」，相信該家長的怒火會大大降低吧。要知道，一個屋苑可以養狗，不代表狗主可以橫行無忌，仍然有許多守則需要狗主遵守的！遵守之餘，尊重其他沒養狗和怕狗的住客，也是十分重要的；說聲「不好意思」，又會有甚麼損失呢？

然而，任由小童在大堂亂跑，亦是相當危險；如果他撞中了搬重物的人，或撞傷了老人家，又會是誰的錯了？

(http://hk.myblog.yahoo.com/shuminger)

(大玩派 舒展超)

http://hk.news.yahoo.com/080701/60/2wmg1.html

我都好唔鐘意d狗主響公共場所唔牽好自己的狗. 而法例亦冇規定呢d細狗仔要有繩牽住. 唔通細狗就唔會咬人咩??
我自己有養狗, 亦做人母親. 我都好明白呢個情況.
自己子女身體受到威脅當然不好受.....咬到可大可少, 唔只係身體上,
可能係心理上都係.
呢件事, 專重人係好緊要. 家長亦可投訢"懷疑"有人無牌養狗. 睇下漁農處會唔會做野....因為無牌養狗, 萬一有咬人事件, 都唔知搵邊個負責.

原帖由 小美 於 2008-7-2 06:15 PM 發表
我都好唔鐘意d狗主響公共場所唔牽好自己的狗. 而法例亦冇規定呢d細狗仔要有繩牽住. 唔通細狗就唔會咬人咩??
我自己有養狗, 亦做人母親. 我都好明白呢個情況.
自己子女身體受到威脅當然不好受.....咬到可大可少, 唔 ...

小美：你說得很對  ，我也個母親.

小童與小狗同樣需要管教
父母與狗主都有責任

我重來唔敢唔用狗帶就拖狗出街，我信我隻狗唔咬人啫，但我真係識D人好怕狗，就好似我怕小強一樣！萬一我唔拖住隻狗，嚇到佢o向條街到尖叫都唔知點算！

個另一方面，我又好怕D家長小題大造，離成個鋪位咁遠見到我拖住狗，我己經將狗仔拉埋一邊，佢行左，我行右，但有時....  尤其係阿媽同D阿婆反應大到不得了，佢地會同細路講，你唔好行埋去呀！佢咬人架、好惡架！

咁就死啦！次次見遲親狗都係咁，細路就以為狗係惡嘅、會咬人嘅！比著D冇膽嘅細路佢以後都會驚狗，比著有D大膽嘅第時可能會去蝦D狗！

我都知有D人好衰，自己隻狗又大又惡，都唔用狗帶，嚇親人 (同狗) 仲好似係我地唔o岩咁！我都收過幾條 youtube 片，影到D狗主有幾離譜！唉！