[問題]----追肥

我買左支花寶嘅果蔬專用液肥 [ 野菜液 8-12-6 ] ，店員話係有機嘅，而且極力推介，但我見唔到包裝上有標明(有機)，只說明使用後作物可安心食用，不過我睇過呢隻嘅粒裝肥就有標明(有機)，咁到底呢支液肥係唔係有機肥？請問各位師兄師姐，有冇人知道或者用過？效果又如何？ (我都唔想用化肥)

另外，以一幅 5呎 × 5呎 (社區園圃) 嘅地黎講，每星期追一次， 1 毫升肥液溝 1公升水施用，我應該要用幾多？施用時係直接灑响作物上定係只淋响泥土上？然後又要唔要再淋清水呢？

唔好意思 ，因為我係新丁乜都唔曉 ，望各位賜教 ，thank you very much

p.s.我種緊：青瓜、番薯、紅蘿蔔、白蘿蔔、蕹菜、莧菜同埋辣椒；仲有沙律生菜培緊苗，預備D紅蘿蔔真係發唔到芽的話就用來補種。如果我都種到有野吃，我估我下期會租兩幅地 ，亦當然唔小得post上黎分享啦

原帖由 renda 於 2007-8-22 04:45 發表
我買左支花寶嘅果蔬專用液肥 [ 野菜液 8-12-6 ] ，店員話係有機嘅，而且極力推介，但我見唔到包裝上有標明(有機)，只說明使用後作物可安心食用，不過我睇過呢隻嘅粒裝肥就有標明(有機)，咁到底呢支液肥係唔係有機肥？請問各位師兄 ...

我都有睇過支液肥,佢真係冇講明係有機架,我估係安全嘅化肥為多

液肥要開好簡單,你用一個約一公升嘅水樽黎開,咪唔會開多或開少啦 !(5x5呎可開5公升試吓先)

液肥最好等作物生長到有3-4塊葉先用,要照頭淋!!!!因為葉面吸收會更快 !(不用過水)如大雨過後要補肥!!

你租咗邊區農圃呀? 我係天水圍呀!得閒影多d相上黎

多數買花寶既肥都係見到有化學肥料  

原帖由 EddieOR 於 2007-8-22 09:25 AM 發表
多數買花寶既肥都係見到有化學肥料  

有有機肥喎

安全既化肥？........咁我用好唔用好呀？

我都係咁諗，穩陣D嘛

哦，明白喇，即係太過baby嘅就唔用得 ，例如我D紅蘿蔔同沙律生菜

我租左東涌呀。我由發芽巳經開始有影相囉

咁你話我用好定唔用好呢 ？用左會唔會有損健康？

得閒post黎睇下

原帖由 羊咩咩 於 2007-8-22 12:35 發表

有有機肥喎

係呀，咁我好唔好用番 [有機 ]粒裝肥呢又 ？

原帖由 羊咩咩 於 2007-8-22 13:06 發表
得閒post黎睇下

好呀 。

原帖由 renda 於 2007-8-22 13:05 發表
咁你話我用好定唔用好呢 ？用左會唔會有損健康？

你可以用.下肥後2星期先收割.唔會有損健康.我都有用呢?

原帖由 羊咩咩 於 2007-8-22 12:35 發表

有有機肥喎

係？未見過，等我下次去花墟留意下
因為之前我買左花寶二號同三號返黎既時候好似寫咩美國化學肥料，定係唔知咩．

原帖由 EddieOR 於 2007-8-22 01:34 PM 發表


係？未見過，等我下次去花墟留意下
因為之前我買左花寶二號同三號返黎既時候好似寫咩美國化學肥料，定係唔知咩．

呢度好多花友都有用啦~~

原帖由 ringring1968 於 2007-8-22 13:20 發表

你可以用.下肥後2星期先收割.唔會有損健康.我都有用呢?

收到 ！咁係咪就算係化肥都可以咁做架？

原帖由 EddieOR 於 2007-8-22 13:34 發表


係？未見過，等我下次去花墟留意下
因為之前我買左花寶二號同三號返黎既時候好似寫咩美國化學肥料，定係唔知咩．

你响網上搜尋 [有機肥] 都巳經大把資料喇

我頭先下午時落田巳經施左肥囉

吓！原裝日本入口，寫日文噃 ！雖則我翻譯過，但係都冇標示冲施定噴施呀.........  咁呢勻真係{AR}頭囉

咁即是：[ 葉面吸收=化肥 ]  <-----係咪咁解？？

..................我巳經...................

Montys 講得好，如果係化肥，有硝酸鹽已固定在作物內，我聽導師講，化肥可快D大，和食嘅口感可能唔同，應該爽D，不過，菜味淡D，Fiber 少D。

有機肥，慢D，菜味濃D，Fiber 多D

我地街市買到都可能係化肥種，繼續用啦!

兩種方法都用，無壞嘅!試下，再觀察下，再調整。

請問Fiber係咩黎？

我唔記得點寫個字 ，應該係〝纖維〞，唔知有冇錯?

我用海藻加水（1:1000)，同你嘅比例一樣， ，直接噴葉，同淋落泥土。如果直接噴完，我會等一至兩星期才收來吃!