麻煩大家幫幫手 我的手工皂需要急救 (已付圖)

尋日打皂應該係過早入模
今朝打開既時候發現嚴重水油分離
(如排除分量出錯)
一拎起面頭一層1cm厚既油T_T
仲流曬出尼
咁樣既情況可以點救？
可否重新加熱繼續打皂？
定只可以做再生皂？


岩岩發現原來水既份量太多 原來配方係 棕櫚油210 椰子油210 蓖蔴油140 芥花子油140 水207(落左300) 鈉100 首烏粉(水開)
呢張相已經係漏左D架喇
油浸咁既樣

有相片可看嗎？就算做再生皂也要知道什麼多或少了再加減﹗可以將配方貼上來大家參考下嗎？

我而家係街外 相片後補吧

岩岩發現原來水既份量太多 原來配方係 棕櫚油210 椰子油210 蓖蔴油140 芥花子油140 水207(落左300) 鈉100

如果用2.3倍數，水應該是244和鈉是106。這要等其它高手和解答了。我未試過超這麼多水﹗

NaOH少左5%,新手就做超脂,有一定危險
水太多都唔會油水分離,最多係件皂軟D姐~
你留意是面的是油還是水,因過熱會有水迫出黎就真~
如面果D係油就一定有問題

唉呀 我用計算器睇錯數呀 面頭既係油

如果上面肯定是油,一定係唔夠NaOH,而且下面一定係軟軟的~

先量一量所有重量是否跟原來定下的有沒有出入,如果少10g以下,即係量重準確,即係只欠6g鹼~
不過如只欠5%鹼,如攪拌得宜,亦不會油水分離

當所有份量沒有量錯,以下列方法做再生皂吧~(整再生皂一定係煩,先補足鹼的份量,以免唔得要整再再生皂)
1. 量6gNaOH,加落10g-20g水先溶 (可以用室溫水,因要用熱制,只要不會有鹼液彈出傷手)
2. 原本的皂先整碎到入煱中,如軟淋淋都要分成碎碎的,你水分已多,所以看情況,估計不用再加水,慢火煮溶,如果太硬,可以少少水
3. 分2-3次加入鹼液,慢火煮,慢慢攪拌,待鹼液與皂完全混合(應該要成粒鐘時間),確定完全混合再攪住煮多十零分鐘
4. 留意混合物是否成泥狀,睇下再有冇油水分離,如果沒有,可入模,壓平,照平常一樣,凍左夠硬便可脫模,晾皂約2星期可用
5. 如果想即用,可再盛起中火蒸多2粒鐘,如唔蒸繼續煮小心水乾燶底

如果係原料量重出現問題,咁就要估下乜東東啦~
如係加鹼整左再生皂,一般ph是約ph8-9左右,如果ph10或以上,就成底作洗廚房廁所清潔劑用吧啦

等我返去再影張相比你地睇睇先
事關情況有啲誇張 成舊好似油浸咁
另外仲加左啲添加物
正確重量亦只能估估下
另外想問
呢可否加岩之前剩下既皂碎一齊做再生皂？

claudiatang 題外話：有花友十分鐘之內就打TRACE一底皂﹗會怎樣？假如是假TRACE的話又如何？  發表於 5 分鐘前

攪得勻,冇問題,假trace有機會油水分離
我d浸泡油都唔使5分鐘,要快手快腳添,一係浸泡油份量要少d~
紅酒皂即混合即trace添,都係個句,攪多幾野,致多係over trace,總好過攪唔勻~

這裡有再生皂的帖, 可以找找看看.

如果想更能對症下葯, 請講講你用的配方, 水量, 打皂所用時間, etc.

jellyfishy 發表於 2014-1-20 14:47
這裡有再生皂的帖, 可以找找看看.

如果想更能對症下葯, 請講講你用的配方, 水量, 打皂所用時間, etc.  ...

已補上配方
原來配方係
棕櫚油210
椰子油210
蓖蔴油140
芥花子油140
水207(落左300)
鈉100

我係用左計算器
今朝先發現睇錯水量
亦唔知道呢個配方係超脂
打皂用左約一小時
因為要加入首烏粉我打到LT就加了
打勻入模

300g 水, 即是不足3倍水, 沒問題呀, 我常用3倍奶溶鈉, 只要晾皂時間夠, 皂體夠乾, 就不會軟爬爬, 奶皂也很滋潤, 2-3.5倍水, 都算正常水量. 我聽過有人用4倍奶/ 水也沒事.  失敗應不會跟水量有關.

鈉少了 5%, 這個才是關鍵. 鈉不足, 即係有部份油水沒有皂化, 加上芥花子和蓖麻油比例高的皂, 會易有假 t. 反而水量多一點攪耐D會較能避免假T問題.

懷疑你呢個皂是用來洗髮, 咁高芥花子和蓖麻油比例, 配方似洗髮皂.

菲媽教的再生皂方法很合你用, 試下啦, 再生出來的皂也很好用架, 因為皂已熟成, 泡泡會很綿密, 洗感優架~

紅酒皂, 你煮了紅酒還是閃 T? 我的不見有這問題了.  發表於 1 小時前
我冇煮,酒精80度會沸騰跟住會揮發,煮過內裹成養份會失去,我唔用冰溶鈉已ok,冬天十零分鐘已降溫,量得油黎差唔多啦~
仲有一樣最緊要係.......................我懶,閃T唔緊要,最多冇花睇之麻
不過我又發現做分層又非常快靚正,又平整

jellyfishy 閃T 會比較易出現未溶的鈉粒問題, 所以我個人會先煮走D酒精. 各有各法, 最緊要啱自己~ 哈~  發表於 26 分鐘前
其實都唔算好閃,因明知會點,所以鹼液會落得好慢,500g皂約5分鐘先落完,跟住撩多幾廿野,唔會有未化合的鈉 ,一諗到自己用第一的一定以安全為重

jellyfishy 發表於 2014-1-20 16:12
300g 水, 即是不足3倍水, 沒問題呀, 我常用3倍奶溶鈉, 只要晾皂時間夠, 皂體夠乾, 就不會軟爬爬, 奶皂也很 ...

係呀呢個係洗髮皂尼架
水量真係唔清楚
但啲油就真係分離得好誇張
已經倒瀉咁既樣
回家我就會跟菲媽既方法做一次

其實我懷疑比個磅玩
因為睇上去唔似只欠鹼5%

prodorothyhkg
反而芥花子油的問題我真係唔知,因為我唔用佢來煮食,佢又冇乜特殊效用,所以冇衝動買來打皂~  發表於 6 分鐘前
---------
因坊間食用芥花子油有些會加入不知名的防腐或抗氧化劑, 所以可能打皂時會出現未知的情況~
以前我打皂可以很快 trace, 10min 至15min 手攪就 trace 了, 試過一次手攪慢D, 打半小時才入模, 出來的皂洗感好像好D , 連男丁也分得出 (奇蹟!!!), 所以我現在不貪快了, 用心去攪, 雖然時間是多了, 但原來有愛心和耐心, 底皂真的會吸引D架~

jellyfishy
個人覺得洗髮不宜減鹼，洗完個頭油油的，不舒服架．　除非你好乾頭髮．　

其實我睇錯數
因為我用網上計算器T^T
但我有一個想法
只是想法
我知呢個可能好蠢
之前我有一塊過鹼既手工皂我漏左無拎去做再生皂
如果我而家將呢個合埋一齊做得唔得呢？
但會唔會變數太多？

jellyfishy
會～　也失了你造洗髮皂配方的意義了～　

咁又係 我都係快快回家打皂好了 多謝你地

其實新手最多會出現睇錯磅,多量/少量一種油,所以我同水母成日叫d學生第一件事先做筆記,量左d乜要剔左果項,減少出錯~