《DIY》馬鈴薯家事皂,傳明酸精華,洋甘菊馬賽皂 ( ´ ▽ ` )ﾉ

上次整d 馬鈴薯家事皂已經用得7788 , 又要打定鍋皂唔係就無得用啦~~~
呢個皂章蓋出黎完來好靚靚 , 貴d買peggys架都抵返哂
細佬話打完d皂好似薯蓉,唔知以為食得咁話

今次改左用橄欖油睇下係咪無咁乾先

油脂
椰子油550g
橄欖油150g

鹼液
氫氧化鈉127g
冰塊205g
純水100g

添加物
馬鈴薯泥230g

做法只要將馬鈴薯230g切粒加入100g純水打成泥，其餘步驟跟平時做皂一樣（娜娜媽教入鹼液溫度要在35度以下，相差10度就可入鹼）持續攪勻20分鐘再將馬鈴薯泥拌入攪勻直至鹼液Trace就可以入模

呢個係係花xx 學架,用左唔錯決定再整黎用,今次仲加埋玫瑰花水阿~~~~

之前浸左好多浸泡油真係要用下先 , 我仲唔好浪費 , 加左少量洋甘菊打碎入皂

kikitam16 發表於 2014-6-21 15:33
其實睇書會教你全程用機打, 上堂教用機打至Trace 再用手打...打...打....

我係全程用手打，打到手都軟

Miss 話鉀皂好難全程用手打，因為做鉀皂Keep 個溫度很緊要

kikitam16 發表於 2014-6-22 09:43
Miss 話鉀皂好難全程用手打，因為做鉀皂Keep 個溫度很緊要

我係新手，第一次朋友教打鉀皂液，因不知用冷壓橄欖油打需很長時間才T，故用了2個鐘才T。上星期係第二次自己做，因不想浪費， 仍用冷壓橄欖油，今次有少少改變，一路打一路keep住温度在40-50度之間，全程用人手打，30分鐘後T，比之前快了好多。

kamshing 發表於 2014-6-22 12:06
我係新手，第一次朋友教打鉀皂液，因不知用冷壓橄欖油打需很長時間才T，故用了2個鐘才T。上星期係第二次 ...

話你好勁用手打鉀皂？？

kikitam16 發表於 2014-6-23 20:08
話你好勁用手打鉀皂？？

無計喇，唔想犧牲我用黎整蛋糕的電動打拌機，唯有辛苦自已。

加左馬鈴薯，洗衫，抹厨房去油漬好oK喎 !

kikitam16 發表於 2014-6-21 15:43
上次整d 馬鈴薯家事皂已經用得7788 , 又要打定鍋皂唔係就無得用啦~~~
呢個皂章蓋出黎完來好靚靚 ,  ...

kikitam16 你好，我也想試下打娜娜媽的馬鈴薯家事皂，但她原來的芥花油好似唔係咁易買，你用olive oil 代替覺得如何? 順便一問，芥花油同芥花籽油係咪指同一種東西？

plantching 發表於 2014-7-31 18:03
kikitam16 你好，我也想試下打娜娜媽的馬鈴薯家事皂，但她原來的芥花油好似唔係咁易買，你用olive oil 代 ...

買唔到芥花籽油 (其實係超市買食用芥花籽油就OK) , 用橄欖油都可以,我第二次就係用橄欖油黎整!!!!

話說呢, 我琴日試左娜娜媽既薯仔家事皂, 即是前輩本帖提過既配方

唔知係咪我薯仔打得唔夠"蓉"

我皂液打到light T 都打左一粒鐘, 之後落薯蓉, 其實未落哂230g 都已經好似好多料咁, 我諗我落到200g 都忍唔住要停手, 速T(?) 或是太杰啦碗野, 但好明顯油水仲好分離, 勉強再打左十幾下之後入模

但感覺...好唔實在

隔到今朝見 "物件"係離左模, 但一壓就想散開, 軟綿綿咁....我越睇越唔順眼...丟左....

好灰心呀....打左成粒鐘...但唔成功呀........其實係咪要230g 著蓉咁多架....我仲見到好多一粒粒薯仔粒, 晾皂期唔會變壞的嗎?

Purpur 發表於 2015-9-4 12:58
話說呢, 我琴日試左娜娜媽既薯仔家事皂, 即是前輩本帖提過既配方

唔知係咪我薯仔打得唔夠"蓉"

噢...如果係我都會冇曬心機

娜娜媽嘅馬鈴薯家事皂我打過, 都係跟尼個帖做嘅

我發現你個步驟跟原本嘅有d出入,
油鹼混合後打20min就可以加入薯泥, 不用等佢LT才加
加咗後係好重, 難打嘅
上次我試518油量, 要打近1hr才可入模

薯泥我按比例可以全部加入,
晾皂咁耐佢都好乾身實淨, 冇變味或變質

Purpur, 以上係我嘅經驗, 睇吓幫唔幫到你.
但係打完真係幾攰, 打少d份量容易d

仲有, 我個薯仔連皮真係打得好泥架, 唔知有冇影響?

cmchang 發表於 2015-9-4 16:18
噢...如果係我都會冇曬心機

娜娜媽嘅馬鈴薯家事皂我打過, 都係跟尼個帖做嘅

我仲諗住打足LT先加，就避免到人地成日講加薯泥會速T而假T,原來真係20分鐘就可以加得

嗚，點解會咁奇， 添加物唔係假設都係LT後加的嗎？

可能因為LT左，之後佢已經杰左唔能去容納咁多薯蓉啦

我都係連皮打架，搞皂打到成粒鐘啲薯泥水變哂啡紅囉都 ，溝好都係炸薯餅咁既色

無左600g椰子油，好肉痛

同埋發現我支攪攪捧打薯仔打極都好唔到好泥，係咪要打好耐同埋不停攪均再打？粒大粒粒成日迫哂上薯泥面打唔到。

同埋人地啲家事皂咁白淨既，係咪薯泥一打即落架？

傷心到諗唔到聽日打咩皂好

Cmchang, 嗚嗚，好傷心，多謝你既分享

Purpur 發表於 2015-9-4 17:56
我仲諗住打足LT先加，就避免到人地成日講加薯泥會速T而假T,原來真係20分鐘就可以加得

嗚，點解會咁 ...

我今日打咗水晶皂(小蓖皂), 你有冇興趣?

如果唔係休息吓, 做個靚靚mask放鬆吓

我用blender打薯泥ok, 打完放埋一邊20min後都氧化變紅色

但係出模時又變番白色

水晶皂(小蓖皂) 係點架? 蓖麻油我都有喎

今晚都敷下mask 先~但要洗左d器具先,一大堆, 唔洗weekend無得玩~XD

原來之後又變色咁搞笑架~~~

Purpur,你可以睇吓Claudia 嘅C+水晶皂
http://hkplants.com/thread-173472-1-1.html

或search小蓖皂
http://blog.udn.com/mobile/kuku/7360272

cmchang 發表於 2015-9-4 20:56
Purpur,你可以睇吓Claudia 嘅C+水晶皂
http://hkplants.com/thread-173472-1-1.html

嘩，小篦皂好吸引，一定要試下，多謝分享

kikitam16 發表於 2014-6-23 20:08
話你好勁用手打鉀皂？？

我都做左鉀皂,全程手打

lauchokiu 發表於 2015-9-6 00:21
我都做左鉀皂,全程手打

我是新手,請多多指教

lauchokiu 發表於 2015-9-6 18:39
我是新手,請多多指教

其實可放在鍋裡等熟成,但我要打其他皂,所以搓成波波,準備中秋送禮