向北窗台種的超簡單水耕菜

超簡單, 唔使理, 不過好似生長得慢, 膠水樽切開, 13年12月21日播種, 菜葉3吋長, 以前種過去到呢個楷段, 每日長一塊新葉

我都係咁樣種  係未都係用吸水錦塞住樽口?  因為無照燈所以生長得慢?

清水定要用營養水呢

一樽用爛布, 另一樽就咁海綿, D根自己生落去水度, 有照燈, 唔照早就瓜咗, 或者徒長到呀媽都唔認得

colamum 發表於 2014-1-13 21:37
清水定要用營養水呢

用營養水, 開定一樽

不死傳說 發表於 2014-1-13 21:23
我都係咁樣種  係未都係用吸水錦塞住樽口?  因為無照燈所以生長得慢? ...

一樽用爛布, 另一樽就咁海綿, D根自己生落去水度, 有照燈, 唔照早就瓜咗, 或者徒長到呀媽都唔認得

請問營養水係邊度買架？

營養水..係化肥?

唔知係未D種子太耐歷史... 放左落去三日都無反應(無接觸到陽光,亦無打燈)

faye00 發表於 2014-1-13 23:53
營養水..係化肥?

化肥, 只要唔係工業用元料造應該冇問題

不死傳說 發表於 2014-1-14 18:36
唔知係未D種子太耐歷史... 放左落去三日都無反應(無接觸到陽光,亦無打燈)

最好催芽先, 1-2日見子葉, 快好多, 就咁落種子種, 6-7日都未有野睇

ccchen 發表於 2014-1-14 18:55
最好催芽先, 1-2日見子葉, 快好多, 就咁落種子種, 6-7日都未有野睇

催芽意思係未將佢放入水到沈佢12個鐘?

又得到些保貴經驗 !

不死傳說 發表於 2014-1-14 19:28
催芽意思係未將佢放入水到沈佢12個鐘?

浸完, 用濕紗布包住, 放陰暗地方, 保濕, 得閑睇吓種子露白未, 露白就可以落綿或者落坭, 好快就會見子葉

原來催芽咁有用, thx

ccchen 發表於 2014-1-14 18:52
化肥, 只要唔係工業用元料造應該冇問題

faye00: 唉。好多食品都以為應該無問題, 結果賴哂野。食品尚且如此, 其他野...  發表於 昨天 22:18

咁都冇法嫁, 因為冇可能因為樣樣嘢都驚, 唔肯去接受新事物, 我成日都問人, 你會唔會每次瞓覺時都驚會醒唔返? 當你瞓著咗又會唔會喺夢(或者根本冇發夢)中驚會醒唔返?

原則上化肥係絕對比有機肥安全, 成份要求咁高, 會唔安全得過估估吓咁施肥? 唔安全都係人為問題, 之前D人夠話廚餘堆肥好, 依家又話百家廚做堆肥有問題, 因為廚餘材料有可能有機因改造成份, 總之科技發達咗, 知識多咗, 所有以前冇問題, 其實係以前冇能力發現的問題, 變咗依家就乜都有問題.

ccchen 發表於 2014-1-15 19:12
咁都冇法嫁, 因為冇可能因為樣樣嘢都驚, 唔肯去接受新事物, 我成日都問人, 你會唔會每次瞓覺時都驚會 ...

所以我覺得人類進步既代價就係縮短左我地係地球上生活既時間，我地太自大啦..以為自己真係可以違反大自然定律，我地愈進步，地球就愈快末日，我個人鼓吹返回農業生活

嘩!呢個方法真係好好!好叻呀!真係要試吓!

我現在試緊催芽... 之前放落去個d種子成個星期都無野睇... 我懷疑係未d種子根本係唔得 因為每粒形狀都唔一樣 好似d乾左既碎木粒咁

你種乜野? 浸完水, d種子應該會明顯漲咗, 第二日應該已經露白, 再唔理佢, 第三日應該會出埋根穿過塊紗布, 拉長,接鬆塊紗布就好容易整甩d種子