可以用食用色素做潤唇膏嗎?

各位花友你地好, 我啱啱先發現e 個forum, 多多指教!

之前一直用開果支有色潤唇膏停產...搵左好耐都搵唔到啱用的，諗諗下, 不如自己DIY 啦, 反正之前用開既都係石油成份, 咁多年落黎都唔知食左幾多石油落肚
我搵左好多個formula, 諗住用e 個:
shea butter - 20g
sweet almond oil - 20g
bee wax - 7g
我中意軟身少少, 但都會入落唇膏管

係買材料果時, 我買左包紅色的礦泥，但返到屋企諗諗下覺得好似唔係幾好...礦泥應該係唔食得既????我都唔知...
跟住我就諗, 用食用色素就一定係食得啦?
我係啱啱先發現e 度, 睇左幾個post 先發現花友們係用雲母粉, 其實雲母粉食得的嗎? 礦泥粉, 食用色素, 雲母粉邊個好d???
我係每日(任何天氣)都要用潤唇膏的, 一日要補好多次果種,如果唔係會乾到痛... 所以一年落黎真係會食左唔少潤唇膏...

因為我未可以睇新手扎記...如果我既問題重覆左, 請多包涵

歡迎上來這裡和我們一起交流心得
我個人用的潤唇膏是不添加色素,但我替朋友做過有顏色的是用雲母粉,理論上是安全的.
礦泥粉我會用作手工皂的染色料,至於唇膏就未用過.但我不建議用,因為其粒子比較重,容易沉澱.其次用在唇部有機會吃進肚子裡,我覺得不安全.
食用色素要看清楚是油性或水性,就算寫明是乜乜油(我買過雲尼拿香油嘗試用來添加味道),最後發現是水性的.要知道唇膏是油和蠟製成,無論染料或香味都必須是油性.
我喜歡用紫草根浸泡油(浸泡橄欖油),只要添加數滴,唇膏就會呈現粉紅色,很好看,只是塗上咀唇就未必如有色唇膏的亮麗色彩了.

用SHEA BUTTER做唇膏時,當見到它溶化時不要即刻離火,再攪拌多十多廿秒.因為脂類材料如溶化得不徹底,冷卻後(通常在使用不久,特別氣溫低時)會有一粒粒東西凸出來,整支唇膏像痘皮

thanks sausau! 我會記得攪耐d 先離火

我都唔知我支食用色素係咪油性... 係咪可以試下滴落d sweet almond oil 度，溶到就可以用？

原來雲呢拿香油是水性啊

剛剛試左, 我支食用色素係水性的...即係唔用得
但邊度有雲母粉賣? 我見J's land 有, 但有無實體店係有得買既?
同埋d shea butter, sweet almond oil, 洗唔洗放係雪櫃? 佢地既保存期通常有幾耐?
sorry 新手真係唔識e d 野....

其實唇膏淨色都好看,少一點添加物.皮膚也少一點負擔㗎

終於都完成我既第一次啦！
多謝sausau 之前俾既建議
第一次整潤唇膏真係有d "la 手唔成勢"，天氣又凍，一離火d beeswax 就開始 solidify...

最後係淘寶買左雲母粉，等左幾日先送到...
淨係買左一隻色，一盒都50g...
不過最後用上嘴都係好似都係無乜色，係咪落得唔夠？要落幾多先夠呢。。。

食用色素 已confirmed 引致多種健康問題, 包括過度活躍症. EU 將會立列 ban 用食用色素.
http://news.bbc.co.uk/2/hi/health/7340426.stm

樓主唔介意, 可以大家分享一下, 我都有做潤唇膏呀, 有免費的送給大家.
可參巧我的facebook page " Teacup Garden "  - Smile Hong Kong Project.
為本土社會說些正面的話, 就可以取一份了.

Page=Teacup Garden

cheerio829 發表於 2014-1-1 12:40
終於都完成我既第一次啦！
多謝sausau 之前俾既建議
第一次整潤唇膏真係有d "la 手唔成勢"，天氣又凍，一 ...

係咪圖中紅色那隻用了雲母粉?都幾深色呀.我覺得市面的有色唇膏一定落了色素,是那類型的色素我就不得而知.雲母粉有些少閃爍效果,落得太多個唇會閃呤呤 如果你真需要有明顯色彩,不如買支質地好的有色唇膏(SUGAR不錯的),但塗上前最好用自製的天然潤唇膏打底.
我有位朋友長年累月用有色唇膏,她吃東西時把唇膏抹去後D唇色好嚇人 係蒼白無血色...曾聽聞用得有色唇膏多會是如此...
其實健康的唇色要由均衡飲食開始,身體好血氣行,咀唇的顏色自然美麗.

新一年祝你身體健康,容光煥發

其實花紅粉得不得?  但會不會用太多對身體有問題?

睇落支潤唇膏都幾深色，但搽係好淺。。。我搽左落張紙巾度架啦
其實甜菜頭汁可唔可以溶落油度呢？

祝大家新一年健康美麗

就咁睇隻色都幾靚架, 但搽左落張紙巾度近乎睇唔到
而且有色e 支無咁潤, 無色果d 感覺潤好多
多謝sausau 教左我咁多野呀!!!

等我又試做支有色潤唇膏給媽媽過年...
材料:  可做3支5ML唇膏
茶花油                        7.5克
芒果脂                        3.8克
天然蜜臘                     3克
維他命E油                   數滴
紫草根浸泡橄欖油        數滴(加添粉紅色效果)
唇膏專用香精(甜橙)     數滴
珠光粉(粉紅色,蝦肉色)  0.2G

塗上咀始終無市面售的顏色咁[實],帶透明多些,但我不想再添加珠光粉份量...

嘩sausau 你支潤唇膏顏色出好多! 想問你d 珠光粉係邊度買?