「你係咪做批發架？」

我諗好多花友都試過
同未見過既花友交收

尋日，我到九龍塘地鐵站客務中心做育苗盆交收，
突然有個年約15－16歲既女仔走埋黎問我：
「你係咪做批發架？」
我話：「唔係呀，我唔係做批發架」

但我諗諗下，又驚佢會唔會係園藝館既花友黎拎苗盆，
只係佢覺得我分苗盆係「批發」，所以我即刻問佢：
「你話既『批發』係講乜野批發？」
佢話：「即係......即係訂好多野返黎，跟住就賣比人，自己賺錢o個D......」

聽到佢個答案我已經覺得佢應該唔係園藝館既花友，
我就即刻話：
「哦，唔係，我只係幫我朋友手分野比人o者，唔係批發」

隔左大約一分鐘，
佢又走黎問我：
「咁你做批發係咪好好搵架？」
我好無奈咁答：「我唔係做批發，我亦都唔係賺錢架」

等多三分鐘，花友到了，我比完D苗盆佢之後就即刻走了
我咁耐以黎都未試過比人誤會係做批發
呢次係一次好好既經歷

[ 本帖最後由 george 於 2008-6-24 14:12 編輯 ]

笑爆咀！

可能小妹妹 暑假要做 report，搵个批发 訪問吓。

佐治大大咁 帥，小妹妹 實唔放过。

我估個女仔真係好懷疑,點會有d咁好既人免費幫人分發,而且數量都相當多, 而且正如八王爺講,G大咁靚仔,king 多兩句先

可能個小妹妹真係要做功課 (家下好多學校 project都要求做訪問架), 佢見你個樣友善 (即係無火氣唔會拒絕佢), 又拿住成棟野 (即係似佢心目中的批發人), 問你實無死啦~~

原帖由 prodorothyhkg 於 2008-6-24 14:25 發表
我估個女仔真係好懷疑,點會有d咁好既人免費幫人分發,而且數量都相當多, 而且正如八王爺講,G大咁靚仔,king 多兩句先

係喎~　點解ｇ大唔食住上呀？

哈哈哈！好攪笑！

她可能只是找機會要認識你‥‥

唔通g大個樣似'水貸佬(仔)'?????

原帖由 kim 於 2008-6-24 14:38 發表

係喎~　點解ｇ大唔食住上呀？

佢可以只係講左部分比你聽姐..
其他果d...........

哈哈~哩個妹妹仔咁上進?咁細個就已經想賺錢?

總之佢覺得你"靚仔"啦   , 想識你呀 ! 唔係點會一分鐘后又再找你呀! 恭喜、恭喜

george，

昨日大雨，收了苗盆後就趕住走，都唔記得講聲「唔該晒！」
呢到補番句：麻煩晒你，辛苦了！

唔需要客氣，
MINMIN才是大功臣呢～

靚 5 靚女架 ? 您咪話批 ~ 跟手 law 埋人地   呀 ma !

或者人地想入行..