五代越目"毒"!越多肉!之"買咗啲新嘢s" 新相#291 new up-date

近來多肉版大熱，又撩番起我條癮... 種開嗰啲唔見得人住... 咁先俾啲最近新入手嘅大家吊住癮先啦!

去片:
1. 呢盆 柳麒麟 開花





2. 買盆千代田之松 綴化版, 仲可以一分四添!!



3. 買嗰陣都諗緊係咪染色架喇, 返到屋企終於發現白色嘅刺座喺個球腳度, 不打緊,反正我很喜歡 "Arizona Snowcap"(有無認錯呢?)



4. 呢兩盆 好似仲有得賣, 有冇專家告訴我兩盆係咪同一樣嘢? 邊盆先係薄雪萬年草? 另外嗰盆又係乜名?





5. 延續貪心劣根性... 買咗呢兩盆 "多仔"十二卷!




睇住咁多先喇喂...

歡迎五代師兄強勢回歸

打頭炮已有咁多好野了

棵柳麒麟d葉好長呀！師兄你部相機好掂呀！個花都可以影到咁清楚靚爆！！

1株柳麒麟，2盆12卷，3棵花和草，4份千代田，五代終出手，的確有睇頭！讚！

终于出手啦！歡迎

下面嗰幅係薄雪萬年草呀，因為薄雪萬年草帶藍色，好易認。另一棵冇帶藍色，所以唔似薄雪。會唔會係森村萬年草？我都揾緊我棵叫乜名！

我想問千代田之松 綴化版盆面的是陶粒嗎??

下面有溝其他野嗎?

Melb 發表於 2013-12-13 10:05
我想問千代田之松 綴化版盆面的是陶粒嗎??

下面有溝其他野嗎?

是的. 陶粒放面固定吓棵嘢囉,下面係啲赤玉土+花 BO 仙人掌土.

右手邊的那棵12卷幾靚

歡迎五代大師, 希望多d 交流, 等我地學多d 野


lameric 嘩!! GUN兄你言重喇!! 我亂咁嚟架咋! 多啲人玩開心啲嗟!!
哈哈, 我咪重亂黎, 種到就得啦, 其實最重要係多d人黎玩, 吹下水或真的交流種植心得, 令多肉版熱鬧d, 花友們開心d

Melb 發表於 2013-12-13 10:56
右手邊的那棵12卷幾靚

係喎, 唔同我地個d 的

powergun 發表於 2013-12-13 11:03
係喎, 唔同我地個d 的

係...好有觀賞價值

五代前輩四出搵新貨引得花友三番兩次一睹芳容令人讚不絕口

多謝五代師兄分享肉照
我都想知嗰盆係咩萬年草，我死咗兩次
今次再挑戰

可否問問右手邊的那棵12卷在邊間入貨架?

係花墟見到的千代田之松綴化幾乎都噴曬油
話説下面果盆先係薄雪萬年草啊，比水少會轉藍色的

munglo 發表於 2013-12-13 15:07
係花墟見到的千代田之松綴化幾乎都噴曬油
話説下面果盆先係薄雪萬年草啊，比水少會轉藍色的 ...

係啦! 嗰啲噴晒油嘅都唔知抹唔抹得甩添呀!! 陰功...

粉紅色個棵超萌~好靚呀

harpsicat 發表於 2013-12-13 17:57
粉紅色個棵超萌~好靚呀

原裝"Arizona Snowcap" 啲刺係白色的，啲商人染咗佢粉紅色引人！

為求吸引人, 無所不用其極 !