小弟十年八年前第一次種國蘭係神州奇. 花型別緻,帶清香. 可能用土,品種同環境關係, 第一次種就出2枝花. 開心到爆. 並以為國蘭好易種. 點之從此之後就種乜都死. 碧玉圓荷,無數達摩,如蝴蝶,金荷,綠雲......而家只係有一盤達摩. 之前D芽都係蘭頭细,枯葉尖,葉起摺等等問題. 但今年初轉用新植料後, 2葉老頭長一3葉壯芽. 至現時為止,還未有枯尖, 植株壯健. 希望有花出和多出新芽.
小弟現分享新植料配方,希望對各前輩有幫助. 分享前先講解小弟居住環境.
家居窗戶向北, 內園景,冇直射陽光. 只有對面大廈牆身嘅有限反光. 有紅,藍LED植物燈比洋蘭補光. 但遠離達摩.
小弟所用嘅植料為混合植料. 以一份蘭花培植土混合一份碎椰粒. 碎椰粒大小若為一粒米的一半至三份一.碎椰粒需浸水後揸干. 用盤身透氣嘅盤最好. 盤底用石填到1/4高, 石上放细格網以防止植料流走. 放入植株後倒入植料. 期間需拍打盤身令植料平均分佈盤內. 植料致蘭頭若一半高度後. 不要按壓. 澆細水令植料下沈. 植料面可放細石以防止植料被沖走. 植料澆水前後有好大分別. 易於判斷植料情況而澆水. 各師兄有興趣可以試. 用後植株若有任何,請不要責問小弟. |
顯身卡
