妹妹公司怪事 Part 1

晚飯果陣呀妹講左佢公司一D怪事...

妹: 尋晚開夜公司班VM又有新野講呀!
我: 鬼故!?
妹: 梗係啦! 仲唔只一單添! HAHA
我: 嘩咁正!? 快講晒比我聽!
妹: 咁以前舊公司呢...
我: 你之前做果處!?
妹: 唔係! 係尖沙咀以前果間硬石果個位果間呀...
我: OIC! 我以為你之前做果處添!
妹: 唔係啦!
我: 咁有咩奇怪事呀!? 快講!
妹: 果處D公仔個頭會自己郁嫁!!
我: 吓~ !
妹: 係呀! 童裝部果面最勁!
我: 點嫁!? 係咪果D公仔係加左新裝置?
會自己郁... 有D動感廚窗都係咁整嫁喎!
妹: 唔係啦! 邊處會整D咁o既野喎!
我: 你D同事睇住佢郁嫁?
妹: 咁又唔係! 不過都差唔多嫁啦!
我: 咁猛咁百厭? haha
妹: 係呀! 仲有好多怪事嫁! 你知以前果處係夜場黎嫁啦!
可能D陰氣太重掛!
我: 唔...! 係都未頂! 咁有咩事先!?
妹: 咁喎! 有個同事負責童裝部果面, 佢話成日要幫D公仔移返正個頭...
我: 吓... ! 仲要成班... 添...
妹: 係呀! 果 group 人都知嫁...
我: 其實係咪D客人帶黎D細路手多多炸!?
妹: 更係唔係! D公仔放左上台咁高Do靚仔邊摸到喎!
咁個同事呢... 就負責執場o既! 佢話側邊位果張枱果個最犀利!
日日都會郁幾次!
佢話初初都覺得係D人唔小心撞到呀或者手多多!
我: 果處日日都咁多強國人... 係都未定喎!
妹: 咁個同事有日埋去摺返好D衫, 見個公仔頭又擰左向電梯果面喎!
其實果D公仔頭一向都係向中間先係正常家嘛!
咁佢咪擰返正公仔個頭囉! 初初無野嫁...
佢灣底身摺下衫同數完D碼整唔齊之嘛...
佢話一起返身... 吊~! 個公仔頭又向返去電梯果面!
我: HAHAHA ~ 咁咪嚇死!?
以前果間 disco 呢... 地板好似裝左個喇叭裝置嫁喎...
係咪地板震到佢郁炸!? hahaha
妹: 梗係唔係啦! 都無D咁o既野! 都唔只係佢一個人見到!
我: 咩時間呀?
妹: 晏晝黎嫁!
我: 有同事見住個公仔頭轉? 咁咪嚇死果個同事?
妹: 唔係喎! 佢地一早知道唔妥嫁啦! 都慣左...
我: 咁點會個個都知o既?
妹: 因為有晚... 果 group 6 個收夜果班同事執好晒個場,
個 manager check 好晒之後...
我: 當然要移返好晒D公仔頭啦! hahaha
妹: 係呀! 咁呢... 有張放衫o既枱好近電梯嫁喎...
上面仲有三個公仔添......
個同事話佢地走果陣時要上一層上面經理房寫返底D野比早更,
同打卡先走人...
同埋經理要負責鎖門, 要點齊人先一齊走得...
好肯定無人中途離開過...
夠鐘收工, 佢地一齊落電梯...
o黎個時候大家都見到...
近電梯邊張枱果三個公仔頭都已經轉返晒向電梯果面...
好似望住佢地走咁...
大家無言...
經理鎖好門之後先講: 係呀! 佢地送我地收工吖嘛!
其實頭先收工之前我响後排點緊貨...
都聽到我身後掛衫果排有D聲有D唔妥......
未完 < 待續 >

好緊張

幾時有下集?

嘩~~~ 好緊張 x2~

大家聽完要相信神的存在。

理由：如果相信有鬼，那麼神也是真的！

王爺, Jellyfishy, 超耐無上黎吹水啦!

Pinkyleung 發表於 2013-9-25 09:12
幾時有下集?

留意下啦! HEHE

好猛喎~

corina 發表於 2013-9-25 12:47
好猛喎~

妹妹公司怪事多籮籮! 夠寫幾編呀!

好好笑
等下集

faye00 發表於 2013-9-25 23:13
好好笑
等下集

間公司間唔中都有D古怪事... 我都覺幾好笑!
都係果句, 信則有不信則無! 我覺得好多時都係自己疑心生暗鬼呢!

freddywongdy 發表於 2013-9-25 12:44
王爺, Jellyfishy, 超耐無上黎吹水啦!

近兩年做野忙嘛!

freddywongdy 發表於 2013-9-25 12:45
留意下啦! HEHE

我己密切留意。

一日一集, 快D來下集, 買左花生聽故仔架, 唔好比佢凍呀

好緊張呀！快D下集啦

個結局有冇原因架?

我打字好慢... 如果多D人 push 下會快D出埋下幾集O既! HEHE

幾時有 part 2?

Pinkyleung 發表於 2013-9-26 23:51
我己密切留意。

不是呢，我想說十萬個急，超過無敵急，這樣 push 可以嗎 ?