幫幫忙: 瓶子草 有 黑點,葉黃

小弟第一次種瓶子草
買番黎種左一星期左右

每日拎出窗台照陽光(有3-4小時陽光直射)
天黑就拎入屋用 [12" 6500K 10W 400lm 光管] 約10cm 近照到凌晨12點

用屈x氏 蒸餾水
泥厚度大約5.5cm 腰水 1-1.5cm
隔幾個鐘用噴壺係棵野上面噴幾下( 一樣係用蒸餾水 )

結果今日發現









黑點

本來d 葉都有少少枯黃，但今日一睇好似嚴重左
(只有比較細既瓶先會咁，大果d咩事都冇)

請問瓶子草黑點既成因 同埋有咩解決方法
只想養好它 萬二分感謝

建議你唔好將棵植物經常轉換種植環境啦！你要給它們有適應環境的時間呢！

點點部位似乎有蟲害，建議剪掉，以及檢查根部，可能有蟲。
之後洗乾淨棵野每個角落(葉裡面洗唔到就算啦)，換新泥+換盆，建議深度最少有10cm。
其實尼隻野可以生得幾大吓，10cm都嫌淺，不過種住先啦。
換左盆之後會有幾個月時間好似冇生命咁，一方面因為季節，另一方面因為棵野未適應。但你可以由得佢，保持泥土濕潤，淺腰水，到春天就會生得好快。

挖開表面真係見到粒白色有腳蟲仔迅速爬過

過份緊張....我扔係窗邊....得閒先淋水.......完全無問題

誰教你落赤玉土的???

赤玉土層番到來就咁
另外上網查左少少資料話赤玉土可以吸收水中陽離子 (金屬成分)
咁唔係對食蟲更好咩

種植物種到咁...!!!又帶佢晒太陽又要喂佢飲蒸餾水

適應期係著緊d

果D黑色一點點果種蟲係食枯葉,對植物本身冇害

但佢一夜之間枯左....

炫豐 發表於 2013-9-25 01:17
但佢一夜之間枯左....

環境轉變加上濕度唔夠………

樓主，我跟您一樣是緊張大師，會把啲寶貝，搬來搬去，所以一下子多了很多枯業的情況，我之前也有試過，但我比您好彩少少，暫沒有黑點問題，我自己的打救枯葉辦法，是放些濕透的水苔在泥面(註: 我的泥面只是一般無肥泥，沒有赤玉土)，再放它們去曬日光浴，但記住要為水苔保持濕度，不久，我的瓶子便長出很多新葉，枯葉的情況也沒有再進一步了。您可以參考一吓，希望可以幫到您

多謝各位解答
岩岩換左盆同泥,放左出窗台曬
BTW 用手掂個盆明顯覺得熱，會唔會有事

怕凍多過怕熱。

咁冬天點幫助佢度過

冬天少水
我沒有種紫瓶子草，沒真正嘗試過越冬的方法。

呢幾日見到有一條新葉極速長大
總算心安D
但係上一塊新葉最頂又有少少枯黃喇

決定加一層水苔補濕
新水苔係唔係用滾水殺殺菌先放上去?

炫豐 發表於 2013-10-5 15:46
決定加一層水苔補濕
新水苔係唔係用滾水殺殺菌先放上去?

用滾水是多此一舉