未投訴已經一肚氣~~關於圖書館

未投訴已經一肚氣~~關於圖書館

平日都有到圖書館借書, 大家都知道圖書館有上網續借服務, 一般借咗本書返嚟可以連續績借5次.  而我今次發生件事係....剛借來1本書都仲未到續借時候(即2星期), 我喺網上見到呢1欄書顯示<<館藏項目已被預約>>, 咁即係會令我無法往後續借機會.

大家評評理呢件事奇唔奇呢  你要幫人預約你嘅事, 理應等人過晒續借時限去安排, 冇理由問都冇問我意願就打斷我續借櫂利.  因為呢件事以前都發生過1次, 點知今次又嚟, 真係要投訴至得.  最弊要投訴打電話要留言, 我未夠3:30打去到宜家都將近打完篇投訴帖都仲未收到電話回覆, 真係激氣

其實 公共圖書館 要招呼 7百幾萬人，一定訂有規例擺平各路人馬，為咗保障自己利益，建議你睇下 圖書館規例：

香港公共圖書館 - 《圖書館規例》摘要

第四條己經表明他們的續借是有條件限制：

4. 借 用 人 將 任 何 圖 書 館 資 料 交 還 後 ， 如 無 另 一 借 用 人 需 要 該 資 料 ， 即 可 續 借 14 天 。

雖然現在網上續借己經不需要親自帶書到圖書館，但續借條件仍然是 如無另一借用人需要該資料方可續借14天。

所以我一向會在當天早上網上續借，以便 "出事" 時有時間還。

補充一句，《圖書館規例》 屬香港法例 132AL 章，所以如果佢地根據規例，執正嚟做，你只可以去搵 立法會議員 申訴，睇吓佢哋會唔會幫你修改法例。

題外話，公共圖書館係咪肯收我們私人的圖書架? 係咪就咁拿自己的二手書去附近的圖書館便可?

孖吉
我知佢地每年都會清走啲舊書就真 (如果你有珍藏，不如益我啦 ^皿^)  發表於 7 分鐘前
-----
我個ｄ書．．．好悶你唔啱睇架～

吉哥，當中有少少植物書想放或送出。

既有利益者就當然係激氣啦，明明本書係我手上，仲未睇完，就要交俾下一手，唔氣就怪，但呢個係公物，人人都有權輪流使用。

以前種得多av 就買左d av 書, 仲入埋美國AV 學會, 現在不多種 av 了, 有一兩本av 書不看了, 掉了也很浪費.

可以續借 5 次咁好
澳門只可以續一次, 想再續而又無人預約借書, 只可以即時用屋企人的再借, 如有人已預約, 預約者優先

本書根本連第1次續借都未有就發生咁嘅事, 實在令我氣憤.  對方話本書總共館藏有24本, 咁真係要等佢哋去睇睇個電腦系統點解會選擇我呢本嚟供人預約.

就樓主所講...圖書館真係有權唔比你續借架喎, 因為續借既意思係 - 本書响無人預約既情況下先可以續借.
續借呢...最好早2,3日做, 例如2日前想續借但發覺比人預約咗既話就唔好還住, hold到下一日再試. 呢個方法係睇吓有無人早過你還書, 如果有, 你本書就會放返出嚟. (我屋企人試過係work既)

有人hold咗唔可以再續借,大學圖書館都係咁,試過有本書趕paper要用,情願交罰款,我覺得無問題喎~

圖書館規則係咁,冇得拗,好似corina同孖吉話齋,到 last minute先續,如果本書重要,比罰款望其他人先還書囉,跟住去圖書館馬上續借~
我以前搵打皂d書都係咁,有既好書只有1-3本,成日比罰款,後尾有理冇理,搵埋老公去book,$2.5 14日,起碼抵d

Book定下一本,等下一個無得續,你又實有得睇

係咁架~~
可能你本書好heat, 好多人等住借, 咪搞成咁囉~~~

最絕既方法係, $$$ 一日 $1.5 睇多十日先$15

我自己覺得圖書館無問題喎....

一本熱門書...你排緊隊要借時，後面條龍可能排得好長...
後面有人排隊時，你唔可以續借...咁大家先有機會睇到依本書嘛...

就好似，你排係龍尾...本書借左半年都未輪到你(前面既人每個都續借好多次)，咁對你咪唔公平囉....

cklife 發表於 2013-10-4 08:18
我自己覺得圖書館無問題喎....

一本熱門書...你排緊隊要借時，後面條龍可能排得好長...

最觸動我係見館藏廿多本書又見到有書在架上, 加上我又從未續借過, 所以覺得好唔妥.  不過, 宜家又冇人要預約, 我仲可以續借.

金盞花 發表於 2013-10-5 12:00
最觸動我係見館藏廿多本書又見到有書在架上, 加上我又從未續借過, 所以覺得好唔妥.  不過, 宜家又冇人要 ...

兩周內還書嘅我表示…
慢慢睇，一日20~30頁左右，14日可以睇280~420頁，就算借厚野睇，最多每日勤力D，14日內睇完冇問題
不過如果係悲慘世界，戰爭與和平，家春秋…隨時用曬5次續借都未必睇得完

金盞花
剩係搵套金庸某一本都應付唔嚟!

金庸我極速掃過