新會員請教

家中有蘆會, 仙人掌, 虎尾蘭 (朋友送, 好像用的是沙) , 一直用花墟買的培養土種, 是否用錯? 是花墟店主又介紹我買了一隻寫著MADE IN HOLLAND 的泥來種蘆薈, 這適合嗎?  培養土是否要溝河沙? 還是單獨用河沙可種蘆薈, 仙人掌, 虎尾蘭 ? 在五金舖買的沙是否適合來種植? 求高人指教

蘆會, 仙人掌, 虎尾蘭都好粗生...對泥要求不高....最好要疏水的仙人掌泥

MADE IN HOLLAND的泥會唔會好貴呀, 呢類植物用普通科學泥都種到啦, 唔使用MADE IN HOLLAND的

powergun 發表於 2013-8-23 15:24
MADE IN HOLLAND的泥會唔會好貴呀, 呢類植物用普通科學泥都種到啦, 唔使用MADE IN HOLLAND的 ...

呢隻$30 5L ,我就係覺得種既蘆薈無乜氣息，上網又見到有人教用塘泥種，一心想種好佢，去花墟個店主就介紹呢隻泥，係咪做咗豬仔呢？咁應該用咩泥先啱？請多多指教

小多多 發表於 2013-8-23 15:32
呢隻$30 5L ,我就係覺得種既蘆薈無乜氣息，上網又見到有人教用塘泥種，一心想種好佢，去花墟個店主就介紹 ...

我係超市買的10蚊8蚊一大包的科學泥已可以種到好Q大棵, 如果搵到塘泥, 可以一試的, 你是室內還是室外種?

室外花槽

我手多 成日玩淋水 就用40沙60石 一樣冇問題

夠哂通爽 最多缺水 一定唔會沉死。

小多多 發表於 2013-8-23 15:40
室外花槽

室外用乜都無所謂啦, 但如果係室內種, 都係用科學泥好小小

小多多，你可用唐泥或沿用這包荷蘭泥，只要你在泥中混合些沙石就可以！
唐泥本身較黏性高不易疏水，所以加入沙石混合後可使用。
以上你提到三種植物較易種，對介質(泥)唔高，只要保持介質疏水性就可以！

阿火 發表於 2013-8-23 16:33
小多多，你可用唐泥或沿用這包荷蘭泥，只要你在泥中混合些沙石就可以！
唐泥本身較黏性高不易疏水，所以加 ...

我想同盤虎尾蘭分盤, 但唔知用咩泥好, 因朋友送時本身用的似沙的泥, 怕換盤整衰佢, 請指教

我赤玉土加仙人掌坭

虎尾蘭非常粗生，你見到馬路旁充滿麈垢仍種植到很多虎尾蘭便知道！
之前提到，虎尾蘭對介質(泥)要求唔高，所以你大可放心使用那包荷蘭泥！

如果你仍然擔心的話，你可以購買仙人掌泥或沙石再混合那包荷蘭泥使用以増加泥的疏水性！

虎尾蘭所需水份次數亦唔多，夏天可每星期淋一次水，冬天可每兩星期淋一次水！
足夠的日照令虎尾蘭生長健康及速度快！

初抵步家的植物建議等待一至兩天讓植物適應環境後才淋水！放在日照的地方同樣慢慢增遞！

阿火 發表於 2013-8-23 16:57
虎尾蘭非常粗生，你見到馬路旁充滿麈垢仍種植到很多虎尾蘭便知道！
之前提到，虎尾蘭對介質(泥)要求唔高 ...

謝謝你 , 盤虎尾蘭已種了幾個月了, 見佢都有生新芽變咗濟迫戶先想分盤

小多多 發表於 2013-8-23 17:00
謝謝你 , 盤虎尾蘭已種了幾個月了, 見佢都有生新芽變咗濟迫戶先想分盤 ...

唔駛客氣！
希望你啲植物生長健康。

得閒上嚟呢度互相交流及分享種植心得！

歡迎有新血加入吹水交流

ococ 發表於 2013-8-23 15:42
我手多 成日玩淋水 就用40沙60石 一樣冇問題  

夠哂通爽 最多缺水 一定唔會沉死。 ...

你和我一樣，每天唔攪攪佢地唔安樂

阿火 發表於 2013-8-23 18:37
唔駛客氣！
希望你啲植物生長健康。

火火歡迎新朋友很認心又細心解答

小QQ 發表於 2013-8-24 00:16
火火歡迎新朋友很認心又細心解答

小QQ，其實我.... 好單純架！

唐泥! 唔多似得播. 種草都有D 問題 (我用黎種碗蓮 OR 2,3 年放面種樹)
你買左泥炭土未用LOR, !!!!!!唔好加唐泥!!!!!!!

如何用泥炭土, 我覺得
虎尾蘭  無乜問題,
蘆會 睇下你邊種, 一般食個種,重易過種草,  都OK, 高級蘆會要小心D
仙人掌, 甘多種, 你真係耍小心D, 草球 同 兜都唔同種法.

河沙係可以加入去, 唔好加甘多,
五金舖沙係OK 架, 12蚊大大包, 但係搬到死死下

平價粗生野我重會係五金舖買石仔TIM, 邊有甘多錢買泥,
是旦有小小比D根吸下未得LOR. 石仔重可以放或壓住個盤, 又平又好用

要種得好去買D 蘭石, 加入去.  
留意有D 仙人掌泥好似粉一樣, 係唔好用既
其他貴價植料玩落去慢慢就知點用架LA.

阿火 發表於 2013-8-24 00:46
小QQ，其實我.... 好單純架！

火火，張相load左出來，笑爆咀，我以後你到你的post,也會諗起豆豆先生