新手種蘆薈

請各位C兄幫手, 3棵蘆薈在天台種的:

1.天台很曬,很熱. 蘆薈能否暴曬.

2.落雨是否要搬回室內.

3.怎樣淋水(晴天是否要天天淋水).

4.在花墟買回來泥土很鬆,植物沈軟,是否要換盤.

5. 我只有德國Compo Sana泥, (興業話要溝50%河沙)

6.河沙是否就是五金舖用嚟溝紅毛泥.

河砂在興業有得買，不過一般都好大包，你要親自問吓有個細包裝。
蘆薈可能怕水多過怕曬，但放天台又真係怕俾雨淋爛根，所以建議植料砂石量要高，萬一真係淋雨又無人收入屋，都不至於疏唔到水。不過圖2圖3的size比較細，可能無咁捱得，都係有少少遮蔭會好d。(當然落狗屎就盤晒入屋)
泥乾至淋水，唔需要每日淋，佢地耐旱。
未見有需要換盆，等佢地適應吓環境先。
唔好用建築物料，好多化學物質，會中毒的，紅毛泥會令植物完全透唔到氣

唔用建築物料,買河砂溝50%
圖2圖3的小蘆薈,日照幾多小時? 晴天全日都有陽光, 上午定下午好啲？
多謝puni3577花友指點

最多曬6-8個小時吧，上午的日光比較温和，下午的紫外線太毒喇。
唔好客氣，大家交流吓。我以前都係動植物殺手，多點上來閱讀，班師兄師姐有大量經驗，小妹才疏學淺，見笑見笑

明白, 明天上午曬太陽.
希望唔好做植物殺手, 跟各位師兄師姐學嘢.

其實蘆薈好粗生....

全日照, 半日照都ok... 多水少水...佢都頂得下....

你依棵咁大....(仲好似食得)...所以不用擔心

如果我無記錯...好似叫庫拉索蘆薈

２棵庫拉索蘆薈 +１棵日本蘆薈 上星期買後就打風只今天有太陽.要好好曬太陽.
花墟啲人話新仔學種蘆薈較容易.
泥乾至淋水,要喘摸吓什麽是泥乾.

其實唔洗點理佢... 我放晌天台一個角落,長日照, 盆唔大,仲係用舊泥. 除非兩星期唔落雨, 否則唔淋水, 基本上當佢唔存在.
未夠一年由苗仔生到大大棵, 又生左兩個 b.
送苗仔俾我既鄰居婆婆話, 唔使對佢咁好的, 我學佢咋 ...

alex60002 發表於 2013-8-20 14:17
２棵庫拉索蘆薈 +１棵日本蘆薈 上星期買後就打風只今天有太陽.要好好曬太陽.
花墟啲人話新仔學種蘆薈較容易 ...

真係唔使點理佢....你摸下D泥好乾先比水就ok .....

你放係室外..由佢日曬雨淋都得....

不過你棵蘆薈都幾大wo

初初返嚟好硬, 宜家軟咗好多, 可能冇太陽. 昨晚摸到啲泥仲濕濕地,所以冇淋水.

今日公司話要去深水埗攞嘢, 幾大都爭取去, 行吓 行吓又去咗花噓, 興業話河沙20kgs $60. 冇買,
跟住去咗旭日種苗 (C兄啲Post介紹), 老板幾好人解答咗好多問題.
行吓行吓又去咗福榮街 (另一位C兄啲Post介紹藍色大膠桶), 現在賣$200.
睇咗好多園藝嘅嘢, 但最後唔得咗攞公司嘢.

我覺得怕大雨多水.....