熊童子入手

baby12321 發表於 2013-8-29 23:48
明白，咁以後我淋密啲

相反呀，熊童子水多會甩手。我意思係你所用的泥太儲水所以熊仔甩手，建議換過D泥，疏水透氣高例如仙人掌泥。

因為盆熊童子長期不見天日(我意思係陽光)，如果再加上空氣唔流通既話泥土裡水份就會好耐都仍濕透；變相熊童子好似長期吸緊水，佢本身已儲水太多水就會甩手(葉)....

阿火 發表於 2013-8-30 00:26
因為盆熊童子長期不見天日(我意思係陽光)，如果再加上空氣唔流通既話泥土裡水份就會好耐都仍濕透；變相熊童 ...

噢! 原來如此,又學到野

其實，我都係多肉新手，只係之前種植過非洲紫羅蘭失敗既次數過多！
後來有位高人教路過口訣：「寧缺莫濫」，意思即係寧願缺水千奇唔好濫多水；相信非洲紫羅蘭同好多多肉植物一樣，餓佢幾日(缺水)未必會死但狂灌水幾日必定會死(爛根)！

所以，高人教路過夏天熊童子每星期至十日淋一次水就夠，冬天就每兩星期淋一次水就夠；因為冬天多肉植物較生長得緩慢甚或冬眠所以需要較少水份。
如果嚴謹啲，盡量每次趁太陽未出現時淋水(清晨或傍晚)，因為烈日當空下淋水會令植物突然處於溫度差異大既距離就會易傷根，同樣冬天淋水時亦要注意水溫會否過凍會導致易傷根(因為冬天水喉水出嚟較凍)！

阿火 發表於 2013-8-30 03:03
其實，我都係多肉新手，只係之前種植過非洲紫羅蘭失敗既次數過多！
後來有位高人教路過口訣：「寧缺莫濫」 ...

多謝賜教

阿火 發表於 2013-8-30 00:26
因為盆熊童子長期不見天日(我意思係陽光)，如果再加上空氣唔流通既話泥土裡水份就會好耐都仍濕透；變相熊童 ...

但係佢甩之前會縮細左，好似枯左咁，到底我應該點好？不過我已經換左仙人掌泥啦。

阿火 發表於 2013-8-30 03:03
其實，我都係多肉新手，只係之前種植過非洲紫羅蘭失敗既次數過多！
後來有位高人教路過口訣：「寧缺莫濫」 ...

熊童子唔係秋冬至係生長期咩? 加上天冷較乾燥, 理應天冷可以淋多些水, 天熱反而唔使淋咁多喎, 有錯請更正

powergun 發表於 2013-8-31 00:57
熊童子唔係秋冬至係生長期咩? 加上天冷較乾燥, 理應天冷可以淋多些水, 天熱反而唔使淋咁多喎, 有錯請更正 ...

其實，我都係聽高手教路咋！touch wood用佢既方法暫時我棵熊童子未有事！
引用網上其中一則：

熊童子(Cotyledon ladismithen)小知識

為景天科銀波錦屬植物，原產非洲的納米比亞。適合溫暖乾燥和陽光充足的環境，忌寒冷和過分潮濕。當夏季溫度超過30℃時，植株生長基本停滯。此時應減少澆水，防止因盆土過度潮濕引起的根部腐爛。並加強通風，適當遮蔭，避免烈日曝曬。其它季節則要充分見光，春季、夏初和秋季的生長期可充分澆水，以保持盆土濕潤。冬季嚴格控制澆水，保持盆土乾燥，能耐5℃的低溫。栽培中要避免長期雨淋，也不要經常向植株噴水，否則水滴滯留在葉片的絨毛中，會形成難看的水漬斑，影響觀賞。每1～2年換盆一次，宜在春季進行，盆土要求中等肥力、且排水性良好的沙質土壤，可用粗砂或蛭石、園土、腐葉土各1份，混勻後配製使用。

http://blog.yam.com/theresa0827/article/62180612

阿火 發表於 2013-8-31 01:58
其實，我都係聽高手教路咋！touch wood用佢既方法暫時我棵熊童子未有事！
引用網上其中一則：

香港的夏季氣溫經常都30度以上, 但冬季通常都有10度以上, 所以除了夏季外, 全年都是網站中的熊童子生長期

powergun 發表於 2013-8-31 08:36
香港的夏季氣溫經常都30度以上, 但冬季通常都有10度以上, 所以除了夏季外, 全年都是網站中的熊童子生長期 ...

建議用植物所屬既地方出產地(非洲)及其季節性氣候，你就會明白香港既冬天未必係佢既生長期！(縱然佢既下幾代後代可能已經適應左香港生活)

阿火 發表於 2013-8-31 08:45
建議用植物所屬既地方出產地(非洲)及其季節性氣候，你就會明白香港既冬天未必係佢既生長期！(縱然佢既下 ...

都係根據網站戶提供的資料, 30度以上, 5度以下至唔係熊童子的生長期, 非洲紫羅蘭原產地都係非洲, 但香港的冬季都是其生長期

powergun 發表於 2013-8-31 08:36
香港的夏季氣溫經常都30度以上, 但冬季通常都有10度以上, 所以除了夏季外, 全年都是網站中的熊童子生長期 ...

你棵熊仔近期點ar?

Melb 發表於 2013-8-31 09:49
你棵熊仔近期點ar?

無乜點分別呀

baby12321 發表於 2013-8-29 23:51
其實我有買過植物燈燈膽，不過買錯左，個頭唔岩用，所以為有用住慳電膽先。 ...

我放係舖頭養架，無陽光啊！屋企都係，無金黃色的陽光啊，最多得少少散光咋，之前放屋企種死左兩盆＞_＜怕怕啦，呢盆種左差唔多兩年，好有感情，好驚佢有事..

我個盆啲掌斷得7788

今日我又入手買另一棵熊童子，今次唔係賓賓買。今次分左四盆，希望佢地生生性性啦！

nicoleone 發表於 2013-10-4 21:54
今日我又入手買另一棵熊童子，今次唔係賓賓買。今次分左四盆，希望佢地生生性性啦！ ...

個黃色花盆個shape 有似d浴江r

ai_amoeba 發表於 2013-10-4 22:03
個黃色花盆個shape 有似d浴江r

係浴缸呀