想請教點解會咁嘅

我係新手學人種吓花花草草, 以為香草好易種, 點知最近種得好好地嘅到手香忽然變成咁!


仲有棵車厘茄有好多白點, 吾知有咩辦法整走


另外剛用水種的蘿勒有黑點, d葉穿晒隆


請問可以點做

有蟲害, 用藥啦

到手香剪一段健康的葉，洗洗佢，看清楚没有蟲，用新泥清潔的盆重新插種试试罷。

惡化得咁勁，你好耐冇睇過佢

車厘茄個d係介殼蟲，要用酒精抹，要小心觀察。

最尾的是卷葉蟲，中間是粉介殼蟲，第一張估計是蛾類幼蟲

初發現到手香有異樣時以為係曬燶左, 冇諗到會咁嚴重. 車厘茄啲白色點以為係分泌物或者係麈. 最突然係蘿勒, 以為水種會乾淨啲, 我尋日再仔細睇清楚原來係一條條綠色好似菜虫, 我就將已冇得救嘅葉連虫剪去, 剩下仲算完整嘅換過啲水再種過, 希望吾再有虫.

好多謝各位指教, 我以後會密切留意住, 吾再以為天生天養吾需點照料. 原來種植一啲都吾簡單.

你棵香草係碰碰香來的, 唔係到手香

powergun 發表於 2013-8-17 08:33
你棵香草係碰碰香來的, 唔係到手香

Plectranthus  amboinicus

別名：說到小名..可多了..小葉到手香、小葉左手香、踫踫香、霍香、古巴奧勒岡、小葉印度薄荷、香葉洋紫蘇 、薄荷到手香(聽說因為像薄荷味道...我聞不出來..可能是別種的薄荷吧..)、蘋果香


http://tw.myblog.yahoo.com/kawai-eye/article?mid=1

今日買左樽苦煉油, 用1:100開稀噴落去, 再括走痴住車厘茄的白色虫, 希望得喇, 但盆到手香/碰碰香就吾知點搞, 表面吾見有虫, 只係發現一隻蜘蛛, 俾我處罝左喇, 我又吾想跟樓上chanmc教剪剩得返塊葉, 暫時觀察住先再決定點做.

其實我剛種到手香時只知这名，後多有人说这是碰碰香，到手香葉是大点,到現在都改不了叫法。
之前大雨無理它，点知莖由底黑上来，剪了頂部健康的五六塊小小葉加莖，再種，現在有三、四盆了。母株救不返了。

留个種，安全D。：)

我尋日終於搵出殺害到手香的元凶


我盆到手香可能同chanma的情況吾同, 佢係頂D葉壞晒, 但底果D冇咩事, 我就將頂D葉剪去, 希望救得返啦

原来一个一个洞是它做的好事！找到真兇，恭喜恭喜！忘記说如果剪了頂，不可淋雨，否則又黑莖！我也是初学種香草，只因在我的植物出現過，才分享分享。

碰碰香好易種 不出三個月就可生满一盆 比多D光和肥就大得超快

你種植的地方是露台吗？点解咁多虫嘅？

我係露台種, 初時係好易種, 只係由幾塊葉仔種起, 吾使點理就生得好快,  點知會有不速之客. 聽花舖嘅人講因為附近有好多蝴蝶, 所以係好易有虫.