請教DIY facial cream 小問題

昨天第一次DIY FACIAL CREAM TO MY sensitive skin mum
因為媽媽係超級敏感n 乾肌, 近年只有凡士林同乳化油膏係無事, 而佢係可以接受凡士林搽上面的

咁我就打左個cream 俾佢, 冷製法(都係用f牌):
大馬士玫瑰花水                        50ml
jojoba oil                                10ml
玫瑰果油                                5ml
甘油                                        數滴
甘草萃取                                數滴
藍洋甘菊精油                        4滴
乳香精油                                6滴
乳化劑
抗菌劑

成品係綠色架, 應該係油係金黃色同埋藍洋甘菊好藍既關係, 同埋有乳酪味
暫時用左一日無事, 不過佢話覺得有少少緊, 好似以前敏感前的反應(希望唔係)
另外就係佢覺得唔夠潤,(我用覺得ok潤)

想問下如果想超級潤但又要岩敏感冗應該用咩油比好呢? argan or 月見草油嗎?
我還有SWEET ALMOND, APRICOT SEED, AVOCADO ORGANIC,WHEATGERM, ,不知那個適合她呢?
佢話整俾佢既唔夠搽乳化油膏潤, 但還是希望可以打一隻岩佢既cream, 可能長左少少, 不過多謝幫忙呀

我也是超敏感人，但凡士林是礦物油，是易塞毛孔的；我建議你可用牛油果油，玫瑰果油，jojo bal油二和少許小麥胚芽油

另建議只做30g試用，我自己不用冷製法，因成品易水油分離；也如人對簡易乳化劑敏感。精油份量不如減半，會較為安全！

甘油可加至成品10%

candyafr 發表於 2013-8-11 10:51
另建議只做30g試用，我自己不用冷製法，因成品易水油分離；也如人對簡易乳化劑敏感。精油份量不如減半，會 ...

因為見冷製對初學者比較易上手, 所以就買了冷製的, 不過唔知係咪我落多左乳化, 一落水好易溝埋同埋好濃稠, 初時係計total:50ml,之後又加多d花水
我用果隻叫乳木果脂提煉的天然乳化劑, 唔知會唔會安全d呢? 謝謝提點, 下次我會減少精油份量^^

我猜測，你媽咪膚質應該係熟齡、缺水、保水力不足皮膚...
佢最大問題係保水力不足，而且佢用凡士林同乳化油膏可以接受到...

我覺得中心思想應該係幫助佢既皮膚，慢慢回復番本來應有既功能。
佢覺得唔夠潤，應該係保水力既問題。反正佢一直有用開凡士林同乳化油膏，我地先放低凡士林會塞毛孔既問題(其實唔係個個都會塞，我自己用就無覺得塞)。
我覺得，你有兩個方向可以先試下。

一.唔怕用凡士林既話....建議加入適量凡士林入配方裡面...無論油膏或乳霜，都起到保鮮紙作用，做成一層薄膜幫助減少水低散失。
尤其係冬天乾燥，或長期處於冷氣房情況下。我自己冬天訓覺都會用仿種配方。
(如果你唔怕煩會浸油既話，用金盞花油或紫雲油效果都好，尤其推薦紫雲油，可以幫佢皮膚慢慢糾正。)

二.唔用凡士林，改用天然蠟，但比例要慢慢嘗試，因為我無做過，提供唔到。可以係配方加少少蜂蠟或其他植物蠟。或者做油膏比佢試下用。


我會用凡士林做油膏，係因為老公係超級敏感皮膚，我做左DIY一段時間佢都唔肯用我既野。
有一次去旅行，買左一樽boots既橄欖油潤膚膏，老公用完話超級正斗，夠潤又唔敏感。
我睇下佢既成份....車~~~~~~~~!!!
凡士林、植物油、精油...就係咁多...
於是我就將我自己做既油膏，加入凡士林，做比佢用。
之後又將依種加入凡士林既配方，做左搽腳踭膏比媽咪用。配方放左上blog，網友回應話好得，搽腳一流，尤其腳踭位(因為果D位無油脂分泌，保唔到水)
上次去法國旅行，果邊好乾，室內又長期暖氣，我係全程搽媽咪腳踭膏配方係面，好得...滑滑流，無起黑頭瘡瘡。我唔多出油，無得塞毛孔，每晚都有用洗面油洗面，以油溶油既方法，凡士林無話積起面，OK....
所以，乾性缺水老人家，我都會比佢地用加入凡士林既配方

DIY配方呢，無話邊隻係萬能適合所有人既，皮膚保養，無論係街外買既，或自己做既，首先要分析用者皮膚既問題，再依對方需要給予幫助。

-------------
另外，除左潤膚，你最好做支潔膚油比佢用，咁樣你做既潤膚霜會更見效果。
你試下丫...可能用左潔膚油後(你自己DIY唔係街外果D)，佢會覺得你依支潤膚霜滋潤力強左架。

cklife 發表於 2013-8-12 09:07
我猜測，你媽咪膚質應該係熟齡、缺水、保水力不足皮膚...
佢最大問題係保水力不足，而且佢用凡士林同乳化油 ...

係呀係呀CK sis, 我發現我用左幾日都有少少乾,我同媽咪都係乾人, 跟住佢依家自己將用乳化油膏加果個cream一齊搽XD, 但起碼無敏感已經還神啦, 佢係會敏感到變豬頭果d人
我想問下如果凡士林係咪要用熱製法加? 如果浸油係咪要曬太陽呢? 我見買返泥好似要焗同埋洗乾淨D紫草先, 我諗我進階先會嘗試, 但我都知道好似功效係好好^^

我另外係IHERX 買左個RAW SHEA BUTTER唔知加唔加得呢? 我都買左D BEE WAX諗住整LIP BLAM

我都係腳好乾既人泥, 連依家夏天都好緊咁, 對你既油膏配方好有興趣呀! 可唔可以話我知你個BLOG係咩呀? 我諗會幾岩佢
潔膚油係咪加椰子油起泡劑 定係加 TWEEN果種??

好多謝你既意見呀好詳細, 我都仲係新丁好多唔識請多多指教呀
不過有時老人家無咁好耐性每樣試……一次唔得就覺得你d野無用……../_\ 不過我會努力說服佢

另外我仲想問下乳化蠟-非離子同陰離子有咩分別呢? 咁寫係咪即係唔係天然架?
天然植物乳化劑 (小麥胚芽油) & 有機橄欖乳化蠟邊種對敏感乾肌會比較好呢?

再分享下我另外打左個body lotion, jojoba+ rose hip 5ml, grapeseed 10ml, 乳香n rose geranium, 甘油, 80mk水
吸收得幾快,不過都係唔係幾潤, 搽完一陣就唔係好潤了, 可能下次要轉油, 不過我諗皮膚唔太乾既人都ok

karin 發表於 2013-8-14 16:49
另外我仲想問下乳化蠟-非離子同陰離子有咩分別呢? 咁寫係咪即係唔係天然架?
天然植物乳化劑 (小麥胚芽油) & ...

非離子同陰離子 是物理反應令油水乳化, 很多化合物或天然植物加工都可以造成非離子和陰離子作用, 好難一概而論說他們是否天然或有害.  
天然野和是否敏感這個呢, 其實很個人化的, 即係有人用幾咁化學的護膚品也沒事, 有人搽靚天然植物油也會敏感. 我們diy 希望天然一點令皮膚少負擔外, 找適合自己的配方是要花時間心機呢~~~  這也是我建立護理cafe 的目的, 大家來這裡不是求甚麼獨有配方, 沒有最叻的高手, 希望大家來這裡分享, 設計最合自己和家人用的東西.  



如果你是乾性皮膚，body lotion 只有19%左右的油份，我用來搽面也覺得乾．下次可以試下潤一點的油脂類做body cream (lotion 較水水，還是比較適合中油性皮膚）：至少比例 30% 油 （較潤的油脂如Shea Butter, cocoa butter, mango butter, etc....)

想理解多些diy 護膚，除了上來這兒跟大家分享心得外，看書也很有用，手上有幾本工具書真的少不了的～

見你咁有心機，可以看看台灣書　”程老師保養品diy講義”．　

有關你其他問題，還是等其他高手如 ck candy 回答了～～～　嘻～～


---- 噢～～～原來你未夠權限看新手扎記,看了之後你會明多左好多野的. 見你咁努力, 送d 分給你以示鼓勵~!!  加油啊~~

因為我係用冷製所以都係上網參考人地配方, 初時驚落太多油會溝唔埋T.T, 我用晒D冷製會買熱製溶晒D SHEA BUTTER落去架喇!!如果唔係冬天會乾死><  之前就咁搽油, 不過都覺得乾所以先打lotion丫, diy真係要慢慢摸到岩自己丫, 雖然仲未摸到最岩自己不過諗起係天然野就真係好開心

我之前買左芳療私塾同娜媽媽天然修護手工皂, 但發現温老師用既精油都比較特別架, 有DD難買, 不過本書真係幾好睇, 又有插圖^^
之前去誠品見唔到程老師, 下次會留意謝謝推介^^另外見到牛爾好厚果本好似都幾全面.

謝謝大家既幫助呀真的感激不盡, 謝謝水母大人送分感激感激^^我都好想快d可以睇新手扎記呀

karin 發表於 2013-8-14 17:23
因為我係用冷製所以都係上網參考人地配方, 初時驚落太多油會溝唔埋T.T, 我用晒D冷製會買熱製溶晒D SHEA BUT ...

芳療私塾 係比較advance 的, 建議去找找牛老師的"芳療聖經", 內裡建議的精油比較易找到, 價格亦不高, 一本芳療聖經有排你"刨".
我講個d 書, 可以去置頂看看店鋪介紹個帖, 裡面有d 店或本地樓上店有賣書的.

冷製法係啱初學者玩架, 我初學時都係用冷製法的, 不過質地真係熱製法的乳化蠟好很多~~ 個人感受啦~~

另外分享下我岩買的擴香石
左邊係淘返泥大概1X HKD, 放係枱面同床邊都唔錯, 不過擴香能力一般啦, 小范圍都唔錯
右邊係係IHERX買的, 6X HKD, 其實初時以為個月亮同左邊差唔多大少, 收到估唔到咁大, 佢形容係可以擺係車做擴香,有條帶可以吊起, 後面有個小洞放精油, 都幾可愛 make in 斯里蘭卡

jellyfishy 發表於 2013-8-14 17:53
芳療私塾 係比較advance 的, 建議去找找牛老師的"芳療聖經", 內裡建議的精油比較易找到, 價格亦不高, 一 ...

我之前有睇過芳療聖經呀,之後就決定買左温老師果本, 驚太厚會無心睇haha, 不過我諗我會買埋佢, 因為真係好需要睇呀!
不過次次一睇就會想買好多精油.....又驚用唔晒...真係好矛盾丫.....買到窮

我見個個都讚熱, 依家而經好想買泥試, diy真係好好玩同好深淵, 我同bf講第時洗衫洗碗洗頭乜都可以diy la, 佢覺得我好似痴左咁

karin 發表於 2013-8-14 16:35
係呀係呀CK sis, 我發現我用左幾日都有少少乾,我同媽咪都係乾人, 跟住佢依家自己將用乳化油膏加果個cream ...

你媽咪咁叻...識得MAX用....以前未DIY時，都會將橄欖油加入去D cream度用，係會潤番D架...

凡士林都可以用冷製既，你可以將佢同植物油混合，再加熱溶左佢，因為有植物油，咁佢就會比較似液體...
之後再照平時咁做囉....建議凡士林比例先少D...咁先無咁快凝固。

你有 SHEA BUTTER就唔好加凡士林住喇...試左 SHEA BUTTER先啦... SHEA BUTTER對修復皮膚有幫助，建議再加埋椰子油...幫助重建皮膚結構有幫助。

給媽媽的油膏<---可以去睇下我個blog

karin 發表於 2013-8-14 18:08
我之前有睇過芳療聖經呀,之後就決定買左温老師果本, 驚太厚會無心睇haha, 不過我諗我會買埋佢, 因為真係 ...

精油種類係好多，但都有D用途較廣泛、比較普遍人認識既精油。
適合新手使用，咁樣可以只買幾種精油，己經可以應付到一般情況使用。
薰衣草精油就係號稱百搭精油，一般既護膚、驅蚊、舒緩敏感都可以用。
亦可舒緩情緒，所以有D人失眠亦用得著。
我上次去旅行著新鞋起左水泡，亦都係用佢，水泡都縮番而且無甩皮。
不過薰衣草有降血壓作用，如果底血壓就唔好只用單方喇。(要加埋其他精油一齊用)

另外，茶樹精油亦係新手精油，茶樹精油係百搭消炎殺菌用，我媽灰甲佢都好番。
暗瘡、無膿頭既紅腫粒粒，都試過有效。
佢亦可以驅蚊，我喉嚨痛亦會一滴茶樹精油開一杯水溂口。
用途都好廣泛....抺屋抹地都用佢，驅虫又殺菌...
不過有蠶豆症既人就要避免用喇...

以上兩種精油，用量都比較容易控制，亦係較多人認識既...
亦可以加入藥膏或手工皂裡面。

另外，仲有玫瑰(價錢比較貴)、檀香(價錢比較貴)、百里香、迷迭香、洋甘菊等等....都好普遍好多人用..

建議先用平價又一樽有多種用途既精油，咁就唔洗話一開始用咁多錢，又放到一屋都係。

新手買材料呢...
首先要鎖定門標，唔好見到話依樣好又想整...果樣勁又話整...
人地話好既，用筆記寫抵，再分析現階段既你係咪需要...
比如︰一心係想學黎幫媽咪既敏感皮膚.....見到人地話果隻去斑好...那隻消炎勁...就去攪左去斑膏....
咁樣會攪到一屋都係材料，但係做出黎既成品又唔係目前最需要既...

單純D....一個目標，咁樣買材料或者研究配方先容易達到成果...

講開擴香石，想請教擴香機亦可達到精油功效嗎？還是只可心靈上放鬆？如可以的話，我有興趣FloriXXXX果款擴香機，雖然價錢貴小小，但好似只須插電15-20分鐘，請問有人用過比下意見嗎？屋企有小朋友一定唔買得香薰爐，香薰燈會較用得多電嗎？又担心戔燈太靚小朋友會攪。

啱啱睇緊FloriXXXX嘅精油，咁啱睇到佢有寫6歲以下同餵奶媽媽禁用，有小小担心添……我買左ND嘅真正薰衣草，諗住薰衣草老幼咸宜。

jellyfishy  而且精油好多時可以長期存放幾年, 有些精油甚至沒有過期問題, 只會越陳越香.  發表於 昨天 18:13

哈哈我都好想買多D乳香泥陳呀, 但會唔會蒸發左架?

jellyfishy  植物油和精油全部可以通用在不同的diy care 上, 其實多買也無防, 記得在expiry date 前用晒就不是浪費啦~  發表於 昨天 18:12

植物油我比較擔心呀, 唔敢開晒泥用, 開左係咪放半年到呢?

jellyfishy  唔出奇, 我男友見到我用得咁happy, 而佢就仲未接受到.  發表於 昨天 18:11

係囉.....真係要用時間慢慢泥.........

cklife 發表於 2013-8-15 06:01
新手買材料呢...
首先要鎖定門標，唔好見到話依樣好又想整...果樣勁又話整...
人地話好既，用筆記寫抵，再 ...

係呀,我有用word file save低架!同埋用筆=] , 如果乜都想整真係會一鑊粥hahaha 要係咁忍手, 唯有用快手d試, diy真係深淵泥ga........

ck sis 想問下你點治理灰甲架?因為我有親戚有灰甲好多年啦好似都無斷過尾, 謝謝你^^