分享回來堆肥桶交功課

五月時參加George 大大安排的市區天台有機種植工作坊分享回來的堆肥桶交下功課先...集合刨帖的知識, 粗粗自己開始左這個堆肥大業...因不常開火鑽...要收集廚餘有小小難度, 多謝同事們的幫忙先可以開始這堆肥計劃...希望沒有做錯喇.

開始了約六個星期的堆肥筒, 約十天到就有肥水流出, 但顏色比其他花友的深好多....唔知係咪同花墟的em粉唔同牌子所以顏色會唔同呢? 味道都唔係好惡頂啫.

星期日再加的菜頭, 生果皮,泥同爛菜, 因用完隻發酵素所以加豆腐渣頂檔, ...希望可以收効.封口唔再開蓋.如果可以忍得到.

[attachimg]364933[/attachimg

又多一位環保種植者, 地球有救了!

屋苑園藝會已訂於今個星期六厨餘桶開工大吉日

好環保, 堆田區可以減少垃圾~

支持！加油！

努力努力, 加油加油

我都分享到一個一模一樣, 廚餘已是全植物,但廚餘水超臭 !

2020 發表於 2013-7-18 18:42
我都分享到一個一模一樣, 廚餘已是全植物,但廚餘水超臭 !

都有酸宿味臭臭地，B女話似有跌打酒味！都頂得住 ，唔知係咪架左炭碎粒啲廚餘水超黑！不過連桶一斉送既廚餘粉比興X賣嗰啲深啡色好多架！唔知做肥料肥唔肥呢？ 不過一定要膠纸封口唔係臭到比屋企人要個桶驅逐出境！

我試過..廚餘放玻璃樽
樽口用一層口罩扎住
本來諗住做有氧分解
無蚊蟲入到去
不過裡面發哂霉, 仲有陣酸味
可能裡面已經變成無氧

josie 發表於 2013-7-18 22:25
都有酸宿味臭臭地，B女話似有跌打酒味！都頂得住 ，唔知係咪架左炭碎粒啲廚餘水超黑！不過連桶一斉送 ...

我用膠樽載起果D廚餘水,每星期開水淋植物,但一定要格一 兩星期要放氣, 內左驚爆炸! <---同花生麩水一樣!

josie  想請問你啲廚餘吽左一陣日子會唔會似我第一張相咁既樣架...  發表於 1 小時前
=====================
似黑me蚊蚊既濕既泥囉,桶內仲生青苔添  有時又唔知生D咩苗出嚟

不過,因只放菜+果皮+枯葉,所以,載極都未滿,  滿左又縮......
好想用呢D肥泥,但又怕倒d泥出嚟會臭死.... :L :L

2020 發表於 2013-7-19 18:39
josie  想請問你啲廚餘吽左一陣日子會唔會似我第一張相咁既樣架...  發表於 1 小時前
=================== ...

會唔會係個桶透光, 所以生青苔兼會影響到啲菌嘅生態?

呢個係堆肥桶，係透光架！要落EM菌果隻廚餘，先係不透光架＜----孖吉先生講架！
===================================================
可能唔同菌種對光嘅敏感到都唔同, 可能呢種唔怕光卦。
不過如果唔滿意現有效果 (太臭, 太慢...), 試吓傘吓光睇吓效果都冇壞嘅。