又俾我遇到一個冇公德心唔衛生嘅人

早前坐巴士俾我見到坐我前一排隔鄰通道一位有8-9歲妹妹做咗d好缺德行為, 使我不得不將佢破口大罵   佢竟然"了"完個鼻將d分泌物揩落椅邊同椅柄上  <宜家想番個晝面都想噁 >  佢仲唔只揩一次, 係"了"完就揩落去, 如是者有好幾次.  卒之我忍冇可忍話佢, 要佢清潔番個位置, 當時佢頭 "dum dum"扮搵嘢, 但搵極都未搵到, 咁我就驚佢要落車唔想俾佢拖時間, 就叫佢你搵唔到用件衫抺咗去.  咁佢當然唔聽我點啦!  咁我就警告佢要話俾車長知, 其間有人聽見, 坐我後面位太太仲以為我留低嘢未攞, 咁我當然話俾佢知(大家知)個因由.  之後司機攞塊布嚟抺都冇話佢, 個衰妹當然乘機落車.  幸好我有帶酒精嘖液, 立即幫個位嘖嘖, 叫做感覺好少少

大家點睇, 俾你見到真想噁一攤~

畀我話完唔聽就算. 好似有次喺大陸要去醫院, 見到有個阿叔食煙, 我同佢講 : 「醫院不能吸煙的」, 佢停咗, 但行去第二度食, 你知大陸人唔會多事㗎啦. 冇人話佢, 我都算喇. 但有次喺食肆, 我就叫個侍應幫我叫佢唔食, 咁係WORK㗎. 不過話時話, 個車長都算好, 肯行埋嚟幫手抹. 不過, 我諗如果佢阿媽喺度, 實會幫個女同你嘈.

我中學時有位幾靚既女同學,鐘意撩完鼻c摸頭髮,佢仲要係長頭髮,仲有d更核突既習慣,我地大家都好怕佢隻手摸過既東西,但唔好意思講~

我諗係屋企人教得唔好啫, 父母親可能都係咁做,佢根本唔知係錯突然有個大人咁話佢,我諗佢好驚囉

andyman 發表於 2013-6-18 18:08
我諗係屋企人教得唔好啫, 父母親可能都係咁做,佢根本唔知係錯突然有個大人咁話佢,我諗佢好驚囉 ...

你對佢實在太仁慈啦~  以佢呢個年紀+智力又點會唔知呢個行為係唔應該+唔衛生呢, 只不過佢太曳愛做d事出嚟挑戰社會吧!  我又唔覺佢好驚恐喎, 佢抱住唔理我態度就過骨.  佢覺得做完曳嘢冇人知唔發覺真好玩, 但相信今次之後佢會醒覺呱, 知道自己做完衰嘢係有人知道, 希望佢可改過啦   

雖然今次係小事一單, 如果佢一路都唔知錯, 一路做d自私行為可以越做越大越做越壞, 香港多d呢類人就冇得救

金盞花 發表於 2013-6-20 11:31
你對佢實在太仁慈啦~  以佢呢個年紀+智力又點會唔知呢個行為係唔應該+唔衛生呢, 只不過佢太曳愛做d事出嚟 ...

父母的身教亦很重要
我曾聽一個很小的小朋友,我估大約4,5 歲,鬧佢婆婆 "癱疸",佢婆回左句"死卜街仔",在呢啲耳濡目染下,好難成為一個正常人。

andyman 發表於 2013-6-20 16:15
父母的身教亦很重要
我曾聽一個很小的小朋友,我估大約4,5 歲,鬧佢婆婆 "癱疸",佢婆回左句"死卜街仔", ...

嘩嘩嘩~  <癱疸 死卜街仔>如果俾我當場睇住真係嚇到目瞪口呆 , 咩人嚟架???  我係大人都唔會咁講說話, 尤其對住細路仔講說話更加要小心, 呢個家庭真係好家教, 細細個已經可以栽培到佢咁, 再大d真係前途無限

金盞花 發表於 2013-6-20 16:39
嘩嘩嘩~  如果俾我當場睇住真係嚇到目瞪口呆 , 咩人嚟架???  我係大人都唔會咁講說話, 尤其對 ...

根住講果啲對話,全部夾雜左人體器官,唉..............咁細個人仔