新手請教

大家好..
我第一次種野..決定種多肉科(好似易打理d)

我今日去花墟買左3盆...

今日落雨,我見老闆都冇理d仙人掌..淋到濕晒..
我見到棵十二卷..好靚..老闆話濕左岩架啦..天然水好..可以成個月唔洗淋水
之後買左 ($20) = ='

但我買左返泥棵十二卷係咁漏水..我知仙人掌唔可以有太多水..
我想問下要點? 又得佢定換過d泥? 如果要換過,邊隻泥好?


仲有..帶返屋企時..唔小心壓到..所以有d枝斷左(但斷唔晒)..佢會唔會生返?



另外..想問下依個咩品種?會唔會開花? (價錢都係$20)



大合照...(盆石蓮係唔係觀音蓮? 價錢係$28)



多多指教!

十二卷的斷葉過段時間會收水枯乾，不用特去理它。
那三個仙人球都會開花，可以的話給這3個全日照(直接曬太陽)。
圖3那個是觀音蓮。

我建議新買回來的植物都要換植料比較好，要用疏水透氣的植料，最方便的可以用日本城/花寶有售的仙人掌用泥。

要留意十二卷及觀音蓮夏天休眠怕熱，充足的散射日光就夠，秋涼~冬天生長期就可以全日照及每月澆水時在水中滴幾滴磷鉀液肥；三個仙人球可以的話給全日照，夏天生長期可以每兩月一次澆水時在水中滴幾滴磷鉀液肥，冬天仙人球休眠不用施肥。澆水辦法：見乾澆透
(充足散射光=不直接曬到陽光但光線明亮；日照=直接曬到陽光)

我揾左幾間日本城都冇仙人掌用泥...買左科學泥..得唔得?有咩分別?
btw.. thanks for answering! very detailed

科學泥不太好，溝疏水的細蘭石、蛭石、珍珠岩等。
我建議科學泥佔3分1就好。

你唔係多出去花墟買現成,
自己配會剩好多

個人認為種什麼都不宜單純使用科學泥，只保水不透氣疏水會焗死植物，
種草花都要混入1比1的珍珠岩，用來種多肉可以如花友wai121說的
1份科學泥 混入 3份細蘭石、蛭石或者珍珠岩(用珠石都可以)就穩陣，
怕植料吹到盆外就可以用小石粒鋪面。

種植環境要夠光之餘，通風及不積水都好緊要。
加油﹗

thanks for answering !!
我買到仙人掌泥啦！
我想問下換泥有咩步驟，同有咩要注意？
thanks so much

脫盆及準備一桶清水用來盡量洗走舊有植料，可以的話，用百菌清(農業用消毒殺菌粉劑)開水消毒殺菌，之後就可以稍微風乾後上盆。

新買的仙人掌泥是碎石還是沙多?

將所有根清除, 消毒, 放一個星期
再種.

十二卷同石蓮夏天最好不要換盆, 呢D 係冬種型,

sasock 發表於 2013-6-19 22:15
新買的仙人掌泥是碎石還是沙多?

沙多.. 花寶果隻

sunrise 發表於 2013-6-19 22:29
將所有根清除, 消毒, 放一個星期
再種.

我依家先睇到個post.我換左呀！點算？！！

換左未換左LOR, 有乜點算,
TAKE IT EASY

花墟邊間有現成多肉土買？
花寶, 同你買松針個間都有