有冇人宜家種緊苦瓜

我宜家種緊4棵苦瓜, 約4月下種, 宜家已經結果約有5"多大, 但發覺近排生長緩慢, 果果又冇俾蟲釘, 但覺佢冇咩顯著長大.  係咪個生長期係咁   大家有冇同我一樣情況

街市賣的都係差唔多size咋喎, 收得啦

天台小農工 發表於 2013-6-3 11:24
街市賣的都係差唔多size咋喎, 收得啦

明白, 可能我見個包裝袋好似話可長大到25-30cm, 雖然喺盆種, 所以一心想長到20cm就收貨   






呢隻係早前影低

有。昨天檢查仍然只有花仔，未見花女

我都種緊沖繩苦瓜，四月培苗，而家先出左一個幾cm咋，樓主你o個d生得快過我o個d好多~~

nenechan 發表於 2013-6-3 14:29
我都種緊沖繩苦瓜，四月培苗，而家先出左一個幾cm咋，樓主你o個d生得快過我o個d好多~~ ...

我都係第1次種苦瓜, 你種咗幾多棵?  真係要努力幫佢人功授粉, 仲要快快手幫佢笠袋免被果繩"釘釘", 唔係就前功盡費~  
你見到我有隻瓜長成以為好好   其實呢段期間已經有10隻8隻bb瓜被針倒~激氣

又講吓你棵苦瓜, 咁你有冇施雞屎肥俾佢?

今年雨水多, 要多些時間呢

正喎~~~~~~~~~~€

ahfour99 : 請問有冇種子可以分享試種呢?

手上種子用晒~  等今次收成再留種, 等將來至安排

elleray 發表於 2013-6-3 15:47
今年雨水多, 要多些時間呢

加點熟石灰, 會有幫助

我也是第一次種苦瓜, 現在勁多瓜仔及開花中....希望收成好啦


tt28  授左粉快包,如果吾系針左就冇啦.  發表於 昨天 22:32

回覆問 : ~咁? 最好幾長到包好呢? 2~3吋長 ???

我都有種
可能盆種，明天收左个苦瓜留營養比其他瓜

我都有種, 仔女都未有花

我家的原來靜悄悄出了幾朵花女

tt28:  我都種緊,第一個瓜係細d,如果收得就收左先,咁第二三個先會大.

知道, 睇吓收咗第1隻瓜之後係咪有幫助.  唔該晒


jwhongkong:  咁? 最好幾長到包好呢? 2~3吋長 ???

唔好等啦~  當你見有雌花又幫佢做咗人工授粉後就怏怏包啦!  d果繩好快手架, 佢唔會等佢大d至去針, 就算小bb佢都會針, 我有好多包好後以為冇事, 好多時隔住個包包摸吓佢大咗幾多, 但好多時原來襯我未包好時已針咗.  提提你:  如果你用個布袋太薄又貼住個瓜都容易出事, 所以我會做2層保護瓜瓜.

jwhongkong:  o下? 我現在仍未包袋, 暫時全力用誘蠅器捉佢地, 比你嚇一嚇....開始驚驚o添 一_一" 今個星期日...都係用紙袋開始包包佢地先


唔好靠晒誘蠅器, 我都有2個誘蠅器+2張黃膠紙一樣有果蠅針, 怏快笠袋 以策萬全

我都種緊沖繩種苦瓜，三月中下種，己經收到第三造。我又係用上年的留種，發現愈種愈細，問左種子店的老闆，話原來交配種子不可留種，種到都會愈來愈細。

苦瓜如何發芽？落左10粒先出得1粒！！！！

lok818 發表於 2013-6-9 22:31
苦瓜如何發芽？落左10粒先出得1粒！！！！

要用指甲輕輕壓開種子邊, 好似開瓜子咁. 再用暖水浸幾個鐘, 這樣會較易出芽

lok818 發表於 2013-6-9 22:31
苦瓜如何發芽？落左10粒先出得1粒！！！！

苦瓜種子, 用暖溫水浸1,2個鐘, 跟住好似平時咁, 用D 濕既m-fold 紙巾保持濕潤(我會放入雞紙袋), 第二,三日再手暖水洗一洗佢(重覆), 第四日左右, D殼應會開始爆開, 果時就可以落泥(保持濕潤), 再過3,4日, 苦果苗就會浦頭.   
我初頭都唔得, 發苗發到發毛~