作廚餘桶用 的 洗衣粉桶

唸來唸去, 都係需要一個大洗粉桶放廚餘 etc 用, 因為咁大個又密實嘅大桶都好難搵.  見x康有2款35lbs嘅洗粉, 個桶size都幾啱用.  

請教前輩們, 呢d桶係咪都存氣防到蟲? 用開日本某牌嘅 2.5kg 裝洗粉, 用落是否都差不多?  因為咁大桶都有排用.. 牌子我見有 golden XXX 同 no fxxxx, 個桶同粉係咪都差不多, 或是有其他地方的有更好選擇呢?

謝謝~!

唔係好得,會漏氣.
比較細小嘅蟲入到去.

謝謝分享, 差d搬咗桶返屋企.. 咁再唸唸點搞先, 而家用個發泡膠箱, 正是有此問題

poco 發表於 2013-5-7 01:15
謝謝分享, 差d搬咗桶返屋企.. 咁再唸唸點搞先, 而家用個發泡膠箱, 正是有此問題  ...

我現在用蒸餾水樽做發酵式廚餘.

三一萬能俠 發表於 2013-5-7 13:00
我現在用蒸餾水樽做發酵式廚餘.

我想問問係唔係一個密封膠樽都得?
係放D咩入去?
我驚發酵過程會爆,
所以唔敢試

我宜家都有用1個洗衣粉桶做收集廚餘,  (1) 首先將桶底下開幾個洞  (2)  用一個大約同個桶大小嘅金屬碟放桶底用嚟不時收集廚餘液肥  (3)  不時加入廚餘同用舊廚餘覆蓋, 又可用泥土覆蓋上面, 可以防止招來小昆蟲.


***注意:  廚餘桶盛載量多有一定重量, 所以選用金屬碟

1:3:10

黃糖/黑糖 : 廚餘 :  水

膠樽唔可以裝滿

我一般裝8成

開蓋散氣耍慢, 太快好似搖咗汽水咁噴出嚟架

josie:   咁啲流出嚟既廚餘水係咪好大味架...可以用嚟做肥料嗎?

唔會, 成個桶"責"住唔會有異味滲出, 你可以用個樽儲起肥水, 當要淋植物時就可將佢稀釋嚟用  (用1份肥水+ 水就足夠)


Springonions:  請問你有没有加em菌?

冇架, 儲餘方面我都只係落植物類, 冇放肉呀 骨呀 餸汁, 加上冇用EM菌, 會用得較耐時間至可轉化為泥土.

我也有廚餘桶係自）製的

1)大洗衣桶
2)礦泉水樽口連蓋
3)金莎膠盒
4)AA膠
5)$3膠隔水羅

我用釘將1)整洞再將2)塞入洞口加4)圍边代乾完,
放入3)在5)之上便成!!!!

唔駛$50!!!! 我用左好耐!!!!!


N-Blythe & ChowChow多謝俾分!!!
+++可以影左出面先,要14/5先可看裡面!現在有野

happyjoyjoy  咁你会唔会成２個禮拜都冇肥水流出黎???

我係用吋多2吋高嘅金屬碟盛起, 肥水流出唔多, 可以話超過2個禮拜至儲滿一碟.

N-Blythe  可以公開製成品樣子嗎？

未有影相, 如果大家有興趣遲d可以影俾大家睇 (外觀唔係咁好睇, 有污漬)

happyjoyjoy : 我之前試過冇乜水流出,所以要買em菌!

我又唔心急收集肥水, 肥水係嚟得慢d, 但總好過經常滿漏汁液搞到一地都係~  (我通常1-2個月就檢查有冇肥水)

peterpan 發表於 2013-5-7 15:10
1:3:10

黃糖/黑糖 : 廚餘 :  水

咁樣好似簡單d,
請問我用2公升柔順劑膠樽(唔透明,有少少軟)可以嗎?
要幾耐散一次氣?
成品係水狀?用時要兌水多少?
等幾耐用得?臭嗎?
(問題多,請見諒)

caca8j 發表於 2013-5-7 21:16
咁樣好似簡單d,
請問我用2公升柔順劑膠樽(唔透明,有少少軟)可以嗎?
要幾耐散一次氣?

簡單好多.可以用柔順樽,
2月先學試玩,開頭就要日日開蓋放氣,我就大概用咗個半月時間放氣.

caca8j 發表於 2013-5-7 13:23
我想問問係唔係一個密封膠樽都得?
係放D咩入去?
我驚發酵過程會爆,

係.
我去市垃圾籮見人地掉乜就執乜,大部份係瓜菜類.加橙皮發酵到咁上下時間會有淡淡橙香.
記得日日開蓋就無問題,試用洗衣液樽,試過唔記得放氣,谷兩日都冇爆只係身&底谷到漲晒.

三一萬能俠 發表於 2013-5-8 10:30
係.
我去市垃圾籮見人地掉乜就執乜,大部份係瓜菜類.加橙皮發酵到咁上下時間會有淡淡橙香.
記得日日開蓋就 ...

唔該晒你!
我諗我會放未煮嘅菜頭菜尾之類,
成品係咪水狀?用時要兌水多少?
入樽後等幾耐用得呀?THANK YOU!

金盞花 發表於 2013-5-7 19:11
happyjoyjoy : 我之前試過冇乜水流出,所以要買em菌!

我又唔心急收集肥水, 肥水係嚟得慢d, 但總好過經常滿 ...

所以成品最後係水狀,
用時要兌水1:1,
入樽後等3個月可以用,
用透明玻璃樽或不透明膠樽都得,
要有時打開放下氣,
對嗎? THANK YOU!

金盞花  會唔會用闊口玻璃樽好d呢, 我浸咗3瓶都只係初期開過幾次口放氣, 唔見有谷漲現象.  發表於 半小時前

無咁大個玻璃樽呢 一個唔覺意打爛3個月化為烏有 我放個半月到先無氣,會唔會玻璃樽走氣呢??????

caca8j 發表於 2013-5-8 11:11
唔該晒你!
我諗我會放未煮嘅菜頭菜尾之類,
成品係咪水狀?用時要兌水多少?

因2人家庭,邊得嚟咁多菜頭菜尾吖,見街市爛菜爛瓜.反正佢哋都係要去堆田區,不如執得幾多得幾多用個5加侖蒸餾水樽盡人.
兩用,液體追肥,渣嚟撈泥用.

caca8j 發表於 2013-5-8 12:33
所以成品最後係水狀,
用時要兌水1:1,
入樽後等3個月可以用,

所以成品最後係水狀,~~~就算3個月過後都仲係一塊塊橙皮, 唔會全部化為液體, 成品見到好濃橙汁
用時要兌水1:1,~~~你想問用嚟淋植物?  只需1/10 或 2/10 就可以
入樽後等3個月可以用,~~~對
用透明玻璃樽或不透明膠樽都得,~~~唔駛強調透明與否, 只要闊口瓶就可以
要有時打開放下氣,~~~對

金盞花 發表於 2013-5-8 12:52
所以成品最後係水狀,~~~就算3個月過後都仲係一塊塊橙皮, 唔會全部化為液體, 成品見到好濃橙汁
用時要兌 ...

唔該晒你,我過2日試下先,
兌咁多水,
一樽都應該可以用好耐,
THANK YOU!