新手初試種國蘭

分享一下新手袑試種國蘭, 話說膽粗粗買咗盆達犘冠藝作嘗試, 發覺暫時冇特別問題就膽粗粗買多兩盆返黎...

先分享一下第一盆買既達摩冠:

達摩

達摩

雖然比較普通, 但葉色很亮麗, 越看越喜歡.

之後又買多盆達摩及中斑白墨:

國蘭

國蘭

達摩, 根麻麻地 :

達摩

整理一下:

達摩

中斑白墨:

中斑白墨

試試店主介紹以樹皮加石仔作為植料:

國蘭植料

殺菌後再上盆:

國蘭

達摩

中斑白墨

完成, 希望快高長大, 看看下年有什麼看.

D葉幾靚

葉藝好靚！

好靚嘅國蘭...尤其喜愛其葉片型態...

曾經種植過蝴蝶蘭...文心蘭...拖鞋蘭...加仔...但未種植過國蘭...

請教一下...國蘭是否相比其他蘭花難種呢??

啲國蘭好靚！我以前種過達摩、十八嬌、桃姬、錦旗、大石門等等，冇事嗰陣生得好好，仲會發新芽。但係有時唔知點解，突然由個心變黑，咁就報消咗。尤其是春夏季，千萬要小心打理。

呢D應該係濕度高時澆水後水份留在葉甲內.

達摩是相當好的入門及進皆品, 易種變化又多.

mcw 發表於 2013-5-2 09:57
好靚嘅國蘭...尤其喜愛其葉片型態...

曾經種植過蝴蝶蘭...文心蘭...拖鞋蘭...加仔...但未種植過國蘭...: ...

我都係種咗個幾月左右, 仍在摸索中, 不過暫時覺得要種唔死冇想像中咁難, 但要種好佢種得靚就幾難...種國蘭首先要學習淋水, 現在3-4日淋一次水, 淋水以後不要讓盆內或葉心芽心積水, 通常我都放在露台風乾後才放回室內, 感覺都算OK.

反而拖鞋同蝴蝶我好似唔係好攪得掂....睇落生得好慢, 文心未種過唔清楚了.

國蘭都有分好幾種, 墨蘭, 建蘭, 春蘭...最緊要搵隻啱自己種植環境的.

tclau 發表於 2013-5-2 11:01
啲國蘭好靚！我以前種過達摩、十八嬌、桃姬、錦旗、大石門等等，冇事嗰陣生得好好，仲會發新芽。但係有時唔 ...

謝謝師兄經驗分享~ 師兄之前都種過好多品種啊.

Clement 發表於 2013-5-2 11:27
達摩是相當好的入門及進皆品, 易種變化又多.

達摩真是越睇越鍾意, 變化多得黎又靚, 以前覺得國蘭好悶, 但因為佢完全改變了我的想法.

以前有工作，買蘭花唔覺貴。而家退休，逐漸改種蔬果。不過國籣在春夏之間，最好多噴「仙達」殺菌劑。  

>>謝謝前輩指導, 我通常2個星期左右噴一次殺菌葯, 始終春雨綿綿較多菌同害蟲生長.

樹皮會是教難控制的植料, 要先做一些準備工夫, 如泡水, 煮沸等才可使用. 國蘭有到不好之地方, 如他枯根爛根不會即時在植株上看出來(特別是你的白墨中斑, 根系唔強, 無嘜生長點), 多留意他有否停止生長, 由其新芽, 葉尖有無濃等都是一個參考指標. 祝你成功.  

obiwan 發表於 2013-5-8 09:15
樹皮會是教難控制的植料, 要先做一些準備工夫, 如泡水, 煮沸等才可使用. 國蘭有到不好之地方, 如他枯根爛根 ...

謝謝前輩指導, 我看到那中斑白墨的根也有點擔心, 真的比較小, 那樹皮蘭棚老皮說是紐西蘭的, 我試用了老板給的植物發覺它乾得比我純用植金石的還要快, 2天左右就只留有點點水氣, 我反而擔心它不知道會不會不夠濕.

請問係唔係HK買?

ernestng 發表於 2013-5-31 14:18
請問係唔係HK買?

第一棵達摩係, 其他就國內買的.

我屋企d唔知咩種的國蘭,幾十年前婆婆同老豆種落,超粗生。
就用田土種,年年有花開,唔落肥,放樹蔭下,落雨唔會搬,飲完的茶水茶葉倒落去就算。
反而洋蘭比我種死

cowslip 發表於 2013-6-4 15:42
我屋企d唔知咩種的國蘭,幾十年前婆婆同老豆種落,超粗生。
就用田土種,年年有花開,唔落肥,放樹蔭下,落雨唔會 ...

師兄有沒有花照分享呢? 國蘭帶有葉藝嗎?

平時睇住唔覺佢大咗, 現在看回相片, 國蘭都大咗幾多吓,

前排又買咗3盆國蘭, 試試墨蘭以外的品種看看:


左起四季蘭君荷, 春蘭汪字, 春蘭宋梅

四季及春蘭

春蘭汪字

汪字

春蘭宋梅

宋梅

修理一下根後上盆, 期待佢地開花

nightscrawler 發表於 2013-6-7 17:41
師兄有沒有花照分享呢? 國蘭帶有葉藝嗎?

平時睇住唔覺佢大咗, 現在看回相片, 國蘭都大咗幾多吓,  ...

今年未有花呀~~~佢只係好普通的綠葉。
笑,上年秋天清泥清老根換盆,今年春天又出新芽啦~~
唔好叫師兄啦~我d粗手暴力,是是但但,死唔去當佢命好的,一定唔好學

我係農曆年之後開始種國蘭，雖然第一次種，但都經歷過開花(綠鳥咀)同腐草(小雪素)，目前應對緊病蟲害，
我植料係用大粒發泡煉石加小小樹皮(係賓賓買)，盆面有緩效肥，日日淋水，一星期一次花寶肥，
五月前每星一次葉面殺菌，五月之後因為出蟲害，改為每星期一次殺蟲水灌根，
殺菌用花寶綠蓋殺菌水，殺蟲用蛇床子素同阿維菌素，殺菌水效果唔錯，殺蟲藥試緊，未知效果，
另外，間唔時會用0的枯草桿菌灌根。