請幫幫忙

我想種一些植物，要較粗生粗養，不太惹蚊，不用由籽子開始種起的植物。
還有，這些植物在香港哪裡購買會較便宜呢?

吊蘭、松葉牡丹、太陽花都很粗生,剪一節就可插種,很容易成活.
如果你需要,我可以給你.

原帖由 suxing 於 2008-6-6 14:21 發表
吊蘭、松葉牡丹、太陽花都很粗生,剪一節就可插種,很容易成活.
如果你需要,我可以給你.

真的嗎!?
其實，我是要搞個有關種植的小組，組員會每人分得一盆盆栽在家種植一個月，藉以學習種植的技巧及環保綠化的重要，小組人數約十至二十人，一個月後會將植物放在邨內的花圃作綠化屋邨之用，一個月後組員亦會定時到花圃照顧植物。
所以那麼大量的數目(對我而言)，你給我的話要收多少錢?

還有，一個月內會看見它們的成長變化嗎?

太陽花(又稱馬齒牡丹)好適合初學者,難度接近零~
隻花好似野草o甘,隨意折一段插入泥都可以生長,夏季正是開花高峰期~
不過隻花既特性係日間開花,午後三四時開始凋萎,翌日又再開花,黃昏以後只能見到凋萎既花苞,所以叫太陽花~
最近冇陽光,但只要唔落太大雨,都會照樣開花,只是花量比較少~
我種o左好多,盆種地植都有,只係種o左幾個月,經過插枝後,已經繁殖到冇位再種~
太陽花最常見係橙紅色,黃色&紫紅色,我最近見花墟有白色,粉紅色&橙黃色雙托,我買o左,但未有時間插枝,所以暫時呢幾隻色只得好少,白色比較少開花,我種o左成個月,都只係開過兩三次花~
我有大量橙紅&黃色,呢兩隻色係眾多顏色中最易種,好難種得死.我試過在地上執起一d比車輾去半邊的枝條,種在花盆裡種,一個星期後已經開花,枝幹開始變粗壯.如果你有興趣種,可以送比你,應該夠分十幾廿盆~
種呢隻花最大滿足感係只要有幾條枝條,加上足夠陽光,就可以在短時間內大量繁殖,幾乎日日有花開,盆吊或地植都適合~
以下圖片是我種植的其中一部份~

[ 本帖最後由 Christsui 於 2008-6-8 03:43 編輯 ]

馬齒牡丹&松葉牡丹花形相似,但葉形不同,前者圓扁,後者尖長~
馬齒牡丹比松葉牡丹更容易照顧,因為較為耐冷,在寒冷的冬季,松葉牡丹容易凍死,但馬齒牡丹只是暫時不開花,葉片可以繼續生存~

[ 本帖最後由 Christsui 於 2008-6-8 03:56 編輯 ]

可以參考o下舊帖,裡面有齊兩種花既相,花友用吊盆種既馬齒牡丹好靚~
http://www.hkplants.com/viewthre ... page%3D1&page=1

原帖由 Christsui 於 2008-6-8 03:28 發表
太陽花(又稱馬齒牡丹)好適合初學者,難度接近零~
隻花好似野草o甘,隨意折一段插入泥都可以生長,夏季正是開花高峰期~
不過隻花既特性係日間開花,午後三四時開始凋萎,翌日又再開花,黃昏以後只能見到凋萎既花苞,所以叫太 ...

好呀!!!咁我就教種呢隻花啦~~~
多謝你呀~~我都希望能以最低既成本開到個小組，因為小組開俾低收入家庭，所以盡量少用金錢，如果你不介意的話，我真的願意接受你既贈送。我如果聯絡到你呢?

我發了pm給你,請查看~