為何今日街市無菜賣?

剛才在路上遇到一位朋友,我見她拿了一袋二袋,見透明袋裡有菜,好像是芥菜,問她是否煮湯.....她說是小棠菜,並說街市無菜賣~~

吓...我心裡有點愕然!她跟著說:無咩菜賣,菜心仔都二十幾蚊斤......我跟住就去咗街市暸解情況~~真的如她說,今日街市菜檔很少菜,只有生菜黃芽白及小量菜心仔!.......大家知唔知點解呀?

我甚少去街市,係唔多鍾意去,今次很例外,hahaha!因為我唔係小女人

係呀！近個幾星期菜好貴，又唔靚！白菜仔都買十二元1斤！菜心睇得下也要十幾二十！都唔知點解！

因為落雨浸死左好多菜

十幾日陰天，菜生長緩慢。
不過，應該有大陸菜，但好貴。
超巿的有機菜也少了很多。

日日係咁落雨,d菜唔貴就奇喇

我唔使買菜,真係食菜唔知菜貴.......

d農民超慘

春雨失收　菜價倍升
【本報訊】春雨綿綿菜價貴！華南地區連日降雨，令供港瓜菜價格勁升一倍，一斤白菜仔盛惠32元。香港入口蔬菜批發商會會長袁昌表示，就算即日停雨，蔬菜亦需10多20天生長期，市民最少捱至下個月才有機會吃平菜。
袁昌表示，現時瓜菜主要來自廣東，下雨令部份菜的批發價貴了近一倍，瓜類每斤加價兩至三元。他指6月後有北京及銀川的瓜菜供港，屆時菜價會較穩定。

供港菜量大跌100公噸
蔬菜統營處數據顯示，近日供港蔬菜量只得320多公噸，較平日達420公噸明顯減少近兩成，過去一周批發價急升，菜心由每斤9.3元升至15元，青豆則由16.1元升至24.2元。九龍城街市的菜販表示，水菜價格最受影響，其中芥蘭、菜心零售價由上周每斤12元，升至昨日每斤賣22至24元，白菜仔則由18元加價至32元，因受天雨影響，貴價菜的質素亦不太好。
有菜販以「每扎」為單位售賣蔬菜，約半斤重的芥蘭賣10元，主婦埋怨太貴，但仍要購買。九龍城區火鍋店林立，有負責人表示菜價上升都不會加價，但會略減份量。內地傳媒引述廣東番禺的市民稱，菜心每斤14元人民幣，比豬肉還貴兩元，感慨「吃菜貴過吃肉」。

http://www.sharpdaily.hk/article/news/20130412/186658/春雨失收-菜價倍升/

前日買送都知死了..... 青紅蘿白各一條斤半+斤四兩菜心= $41... .... 節瓜 要 24/斤 tim

今日本來諗住買青豆角, 竟然系四十蚊斤, 听完比佢客走左

自從種了農作物,就覺得做農夫很了不起!!市面上一直的供應量都可以咁穩定,感到很神奇!!.....但同時有感危機...

40蚊一斤菜？ 恐怖！ 上星期同拍檔收左70幾個番茄﹐少少荷蘭豆，夠自己食一個星期﹐
所以都唔知菜貴得咁得人驚添