請問有沒有關於這兩間舖頭的評論?

我有朋友想學整皂,現在兩間工作坊中作選擇,不知有沒有網友去過可以俾啲意見!
1. 太子花精靈工作室  2. 深水埗花麗蔓手作坊
唔該晒

我上個禮拜去過第2間果度學整護膚品,因為係我第ㄧ次上呢d堂,都冇乜意見可以俾到。當時另有3個學生一起上堂,佢地同花花都好熟絡,都上過好幾堂了。以我咁新手黎講，佢的速度都幾快,差d跟唔到,3小時課快到2小時攪掂！但我諗做皂的會唔同掛！

Carmenchau 發表於 2013-1-20 20:27
我上個禮拜去過第2間果度學整護膚品,因為係我第ㄧ次上呢d堂,都冇乜意見可以俾到。當時另有3個學生一起上堂, ...

唔該晒!

無去過, 因為太貴, 我睇書或在這兒問高手都識造了, 最重要係我孤寒, 慳番d 錢可以買d 好靚的材料.

話說回來, 打皂方面, 花麗蔓的理論和手法是好的正當的. 另外個間, 不清楚.

我跟第一間學手工皂.
佢教的東西跟我之後睇台灣書的一樣.
我記得跟她學鉀皂上左5小時. (因為佢都唔係好熟悉個流程)
呢到學到既知識一定比上佢既堂多

鬱金香 發表於 2013-2-26 14:35
我跟第一間學手工皂.
佢教的東西跟我之後睇台灣書的一樣.
我記得跟她學鉀皂上左5小時.  (因為佢都唔係好 ...

咁我之前唔識咁多台灣既書麻.
豬左...

睇書..youtube搵片睇...再睇依度貼補補身...

一般都唔洗上堂喇...

除非覺得自己悟性唔好，又成日甩甩漏漏，對自己又無信心，咁就需要上堂，搵老師幫你執一執囉....

以前，依度好似有網友會攪打皂分享會，依家唔知仲有無...如果有...真係完全唔洗上堂...連甩漏都有人幫你執埋...

如果唔怕浪費材料既....可以自己動手，有咩問題，就放張相上黎問人，唔洗幾次，就變高手...好過去上堂...

哈..我以前整蛋糕同麵包都係網上咁樣學識...

整皂係易過整麵包架...

真係唔使俾錢上堂咯！
啲錢用黎買材料仲好。
其實只要量度份量準確，油品純正。
第一次都可以做得好好。
之後就熟能生巧。
上乜嘢堂丫！