請教大家如何在低温下插葉繁殖AV？

各位花友，想請教大家，當温度降至10+ 度，我明白AV 應該入温室避免淋水，請問對於低温時新修的葉子，側芽或小苗，又應如何處理？

我依稀記得刨過一篇帖，講述當空氣與水份若温差超過5度，水浸或泥插葉片都很容易變啡死亡，咁係唔係低温時應用暖d嘅水去浸葉同淋濕泥插嘅av 葉？適合嘅水温大概幾多度呢？

大家又介唔介意同我分享下你近期在低温下插葉嘅成功案例？等我都可以從中偷下師，先謝過一眾花友，高手及花師兄及花師姐們指點迷津呀，謝謝！

反而係夏天無冷氣嘅環境下難搞好多，天冷室內溫度都會有17，18度。問題應該唔大。最近我都插左幾塊葉，部份連溫室都未入過，雖然未出小苗，但葉一直都係挺身的。

我係公司server房插葉, server房長期(24小時)保持約20度的室溫, 但插葉成功率都只係一半咋, 而且發覺經過郵寄的葉子成功率又低d的, 不是郵寄(即面交)的成功率較高, 即時剪下即插的葉子成功率是最高的, 唔知有無關係

我放左係窗口 冇溫室 發現插葉快左好多.

我就有一片插葉o係公司, 插左大約一個月最近見佢已經開始出根, 而屋企有一片插葉就遲過公司果塊少少, 屋企果塊葉冇入溫室的, 就未見到有發根既情況, 但葉都係健健康康的沒問題.

 我屋企都係放窗邊, 不是直接陽光, 近月插葉會好快葉底變紅, 然後蔓延到葉柄, 跟住好快就certify la

有入溫室嗎？如無，會不會因為太乾燥，水乾。另一原因係葉本身有問題。

似乎低温唔係插葉失敗嘅致命原因, 有可能郵寄令葉片冇咁新鮮影响質素, 但有d面交時明明看似活力充沛嘅修葉都會插葉失敗 ，會唔會用下hi-fresh 可以提高存活率呢？

多謝大家嘅分享及意見, 希望我可以從失敗中吸取多d經驗, 提升插葉嘅成功指數 。

我插葉會入泥入溫室加強光，擺埋一邊唔理架，幾日先打開睇一睇有冇水，換下氣
快既試過二星期出苗，慢既幾個月
新鮮強壯既葉通常都唔死
至於用唔用hi fresh就覺冇咩關係，我有d都有用，有d都無用，唔覺有分別
宜家我成個tray都係已出芽既插葉

切了下來，吹乾切口，放在泥度種。如果用水培養就最好每兩天換一下水，或者係D水度放1至2粒安美能

我半年前插左幾塊葉入泥放係窗邊, 最大既已經有3圈.
有幾塊插係到唔發芽又冇瓜到, 點知上星期咁凍竟然出小葉了, 希望佢地過到冬啦~

樓主注意一下，AV 生長適溫是15-25度，一般香港冬天其實AV最HAPPY。
何來插葉怕低溫？
除非寒流來襲，十度或以下。但这样的日子一般3-4天，AV在室內，你也在室內，你家中不會低過十度掛！

zzjojozz 發表於 2013-1-17 13:23
我就有一片插葉o係公司, 插左大約一個月最近見佢已經開始出根, 而屋企有一片插葉就遲過公司果塊少少, 屋企 ...

nsacheng  係喎, 我公司插嘅都冇乜大問題, 可能温度夠穩定！

我今日發現屋企果塊葉都開始發根喇!!!!!!!!!!!!!

Like x 10