新手上路: 我家的小菜園

多多指教！
已經收割了白菜仔，種緊豆苗，芥蘭，菠菜，樱桃蘿蔔，turnip，芥菜，生菜，紅菜頭，日本蕃薯，蕃薯葉，紅杧，桂花，茄子，香茅，葱，茼蒿，鼠尾草，翠玉瓜，魚翅瓜等等.

哇...咁多地方, 又可以種咁多野~唔係新手卦 ?!

嘩, 好利害, 咁多品種, 天台種嗎?
加油
我都努力學緊~

我之前只種過青椒咋，所以係新手.我種花園，因為有幾隻狗所以要用架放高.佢哋之前拔哂我D苗呀！
天台俾工人姐姐種菜，我地一齊種幾開心架，佢之前响菲律賓種田都有經驗，我都有向佢學！

好大的地方，都種咗好多嘢喎，好犀利 ！

咁大個天台種菜
一個大花園都係種菜，羡慕死我啊

好规整，不过似种花

又天台又花園, 唔洗買菜兼過足癮啊

我都好想唔駛去街市呀~!
係囉, 哩家似種花多d, 因為大部份菜仍然係發芽中... 遲d長大要再執個花園, 等佢地夠陽光成長!
本來間屋上手留低兩塊泥地可以種野, 但勁多蛇蟲, 我最怕哩d, 所以狠心鋪番磚, 但哩家又有少少後悔... 哈哈.

今日翠玉瓜發左芽, 好期待~

我發覺我已經中毒喇~~~~~~~~~~~~~~~~~~~~~~~~ 晌哩度真係學到好多野, 見大家成日報告收成, 好有成功感, 我都好想學你地咁呀~!~~

真係好羨慕有天台有花園..
仲要工人姐姐都幫手~~加油呀~~

Sumbie 發表於 2013-1-15 10:45
我都好想唔駛去街市呀~!
係囉, 哩家似種花多d, 因為大部份菜仍然係發芽中... 遲d長大要再執個花園, 等佢地 ...

其實都係我一個人打理咋, 工人姐姐邊得閒! 況且自己耕耘自己收穫先有最大滿足感!
如果叫姐姐種, 意義就冇晒! 剛剛星期六一搞就搞左一日, 好倦但好開心~~~~~

我其實早幾日仲走左去元朗買左棵澳洲杧同桂花, 本來之前想種生果, 由種子種起, 但原來好耐先收成! 所以就買左苗, 等今年都有野食下. 我好想種土耳其無花果呀, 有冇人可以俾d 枝我扦插呀?

好激氣！狗狗拔了一棵豆苗

咁大地方種...你真係好心機呀

花園越來越多野, 好想搵d 紅酒箱種. 唔知邊度有得買/拎?

Sumbie 發表於 2013-1-28 13:50
花園越來越多野, 好想搵d 紅酒箱種. 唔知邊度有得買/拎?

我用來種淺根的菜應該ok掛!?

updates一下先:
芒果開花了!


芒果花:


收成!醃蘿蔔先!


翠玉瓜:


芥蘭:

Sumbie 發表於 2013-2-27 18:52
updates一下先:
芒果開花了!

你點都唔似新手，好厲害啊，羨慕死

嘩~~ 樣樣都好飽滿好靚啊~~
又夠大地方~ ^^

芒果樹我買返來架！只係日日淋水同落咗兩次海鳥磷肥就出花出到爸爸聲！

唔知點解自家種芥蘭冇出面咁又粗又冇渣...